Pegi ngagai isi

Solemniti Maria, Indai Allah Taala

Ari Wikipedia
Solemniti Maria, Indai Kudus Allah Taala
Maria Dara Tuchi, Μήτηρ Θεοῦ (Mētēr Theou, "Indai Allah Taala"), dikumbai Πλατυτέρα τῶν οὐρανῶν (Platytéra tōn Ouranōn, "Luas agi ari langit") laban iya ngadaka dalam kandung iya Pengaga dunya raya.
Pia mega dikumbai
Diintu 
BansaKristian
RetiPengawa nyadi Indai Maria
ObservancesServis gerija
Haribulan
FrekuensiNinting taun
Bekaul enggauGawai Penutus Kristus

Solemniti Maria, Indai Kudus Allah Taala nya hari gawai ungkup Maria Dara Tuchi ketegal pengawa iya nyadi indai Jesus Kristus, ke lalu iya nutuska Jesus lebuh hari kelapan pengada iya nitihka Bup Levitikus.[1]

Gawai tu diintu Ritus Roman ba Gerija Katolik kena 1 Januari, Octaf hari kelapan Krismas. Solemniti tu Hari Kudus Wajib ba kandang endur ti bedau nginsil iya. Orang Kristian Ritus Bizantium, [2] Siriak Barat, enggau Siriak Timur ngintu gawai Maria nyadi Indai Allah Taala kena 26 Disember (dikelala mega enggau nama Sinaksis Theotokos),[3] lalu Gerija Koptik (siti ari Gerija Ortodoks Oriental) ngintu hari tu kena 16 Januari.

Gerija Ortodoks Timur,[4][5] Katolik Traidisional, Komuni Anglika enggau [Gerija Luteran ngintu Gawai Penutus Kristus kena 1 Januari.[6]

Dalam kalendar tradisional Katolik enggau Vikariat Ritus Barat Gerija Ortodoks Antiokia iya nya gawai Pengawa Dara Tuchi Maria nyadi Indai Allah Taala kena 11 Oktober.[7]

Reti

[edit | edit bunsu]

Gawai tu ngintu maya Maria nyadi Indai Jesus. Gelar "Indai Allah Taala" nya salin ari gelar dalam jaku Latin Mater Dei, ti nyadi salin ari gelar Gerika Θεοτόκος (Theotokos), reti nya "Pengandung Allah Taala" ti diterima enggau dogmatik dalam Kaunsil Keterubah Epesus (431) nyadika penetap pasal ketuhanan Kristus.[8]

Malin

[edit | edit bunsu]
  1. ↑ CNA. "The Four Marian Dogmas". Catholic News Agency (in Inggeris). Retrieved 2025-01-01.
  2. ↑ LaBanca, Nicholas (2020-01-01). "Mother of God Extends Our Christmas Celebration". Ascension Press Media (in Inggeris AS). Retrieved 2025-01-01.
  3. ↑ Calendarium Romanum (Libreria Editrice Vaticana 1969), p. 84.
  4. ↑ "December 2024 - Greek Orthodox Archdiocese of America - Orthodox Church". Greek Orthodox Archdiocese of America (in Inggeris AS). Retrieved 2025-01-01.
  5. ↑ "Η Περιτομή του Ιησού Χριστού". www.pemptousia.gr (in Greek). 31 December 2021. Retrieved 15 October 2022.
  6. ↑ Pfatteicher, Philip H. (23 September 2013). Journey into the Heart of God: Living the Liturgical Year (in Inggeris). Oxford University Press. p. 113. ISBN 9780199997145. The Anglican and Lutheran churches retain the medieval association of the octave with the circumcision and the giving of the holy Name.
  7. ↑ "Kalendar". theorthodoxwest (in Inggeris). Retrieved 2025-01-01.
  8. ↑ Fenelon, Marge (29 December 2013). "Start the New Year With the Holy Family and Mary". National Catholic Register. Retrieved 30 December 2019.
Diambi ari "https://iba.wikipedia.org/w/index.php?title=Solemniti_Maria,_Indai_Allah_Taala&oldid=10541"