Urup Jawi

Urup Jawi جاوي‎
Surat ari William Farquhar ngagai Sultan Muhammad Kanzul Alam, Sultan Brunei, ari maya 28 November 1819.
Bansa Urup	Abjad
Timpuh maya	c. 1300 CE nyentukka diatu
Direction	Kanan-ke-kiba
Jaku-jaku	Jaku Acheh Jaku Maguindanaon Jaku Melayu Jaku Minangkabau Jaku Tausūg Jaku Ternate mayuh bengkah jaku agi ba Asia Tenggara
Related scripts
Parent systems	Urup Proto-Sinaitik Urup Phoenicia Urup Aram Urup Nabati Urup Arab Urup Jawi
Sister systems	Urup Pegon

Jawi (جاوي‎; Jaku Aceh: Jawoë; Kelantan-Pattani: Yawi) nya siti sistem tulis dikena nulis mayuh bengkah jaku ba Asia Tenggara baka Jaku Melayu, Jaku Acheh, Jaku Maranao, Jaku Minangkabau, Jaku Tausug enggau Jaku Ternate. Urup Jawi diambi ari Urup Arab, nyengkaum semua 31 lambang Arab ke asal, lalu ditambah enam iti lambang deka ngaga sebut urup nya sebaka enggau fonem ti bisi dalam jaku Melayu, enggau siti agi urup ke dikena jaku pinjam ari jaku bukai, tang enda ditemu dalam Jaku Arab Klasik. Lambang ke ditambah dalam urup Jawi ia nya lambang ca (⟨چ‎⟩ /t͡ʃ/), nga (⟨ڠ‎⟩ /ŋ/), pa (⟨ڤ‎⟩ /p/), ga (⟨ݢ‎⟩ /ɡ/), va (⟨ۏ‎⟩ /v/), enggau nya (⟨ڽ‎⟩ /ɲ/).

Jawi tu dikemansang maya penatai Islam di Asia Tenggara Maritim, nganti urup Brahmik ke dulu agi dikena maya jeman Hindu-Buddha. Bukti tulis Jawi ti pemadu tuai ulih ditemu ba Batu Besurat Terengganu abad ke-14, iya nya teks dalam jaku Melayu Klasik ti ngundan leka jaku Melayu, Sanskrit enggau Arab ti bechampur. Taja pia, urup nya dipelaba udah dikena kenyau ari abad ke-9, lebuh Kesultanan Peureulak udah ditumbuhka anak siku pendawah Persia. Bisi dua bengkah teori ti bepekit senentang asal urup Jawi. Teori popular madahka sistem tu ditumbuhka sereta datai terus ari urup Arab, lalu bala pakar baka R. O. Windstedt madahka iya ditumbuhka enggau pengaruh urup Persia-Arab.

Pengerembai dagang ti nyadi udah nya enggau pengerembai pengarap Islam ngagai kandang menua bukai di Asia Tenggara ari abad ke-15 mai urup Jawi ngelui ari dunya tradisional bejaku Melayu. Naka abad ke-20, Jawi nyadi urup standard jaku Melayu, lalu ngadaka litaricha tradisional Melayu lebuh iya tampak dipeda dalam surat rasmi, teks pengarap, enggau pemansut litericha. Enggau penatai pengaruh menua Barat nengah pengawa kolonisasyen enggau pelajar, Jawi dikena dalam pelajar pengarap, enggau jaku Melayu pengujung iya ngena tukuh urup Latin ti dikumbai Rumi ti diatu benung dikena mensia mayuh.

Kemaya tu, Urup Jawi nyadi siti ari dua urup rasmi di menua Brunei. Di menua Malaysia, penuduk Jawi dilindung baruh Seksyen 9 Akta Jaku Nasional 1963/67, laban iya ngetanka tikas guna rasmi dalam konteks pengarap enggau budaya. Dalam sekeda negeri, kelebih agi Kelantan, Terengganu, enggau Pahang, urup Jawi bisi status rasmi begulai laban bisnes-bisnes enda tau enda ngena urup Jawi ba papan tanda sereta iklan. Urup Jawi mega dikena nyadi urup alternatif dalam komuniti Melayu di menua Indonesia enggau Thailand.

Nyentuk ngagai pun kurun ke-20, nadai sistem sepil rasmi ungkup urup Jawi. Reformasyen ortografi ti pemadu tumu nuju sistem standard iya nya dalam taun 1937 ulih Jaku Melayu enggau Sempekat Bup Litericha Diraja Johor. Tu berindik enggau ubah sepil ke bukai ari Za'aba, ditumbuhka kena 1949. Reformasyen besai kepenudi iya nya ba Enhanced Guidelines of Jawi Spelling ti dipansutka kena 1986, ke bepelasarka sistem Za'aba. Urup Jawi tau mega ditaip ngena papan kunchi Jawi.