Ukit
 | |
| Penyampau tubuh | |
|---|---|
| 120 (1981)[1] | |
| Kandang endur ti mayuh mensia | |
 Malaysia (Sarawak) | |
| Jaku | |
| Jaku Ukit, Jaku Melayu (Sarawak) | |
| Pengarap | |
| Pengarap asal (majoriti), Kristian | |
| Related ethnic groups | |
| Orang Ulu, Bukitan |
Bansa Ukit nya siti raban bansa asal ba Sarawak, Malaysia. Sida tu bansa minoriti mit ti nyentuk ke diatu nyadi orang ti mindah kin kitu ba kampung ujan Borneo. Bisi sekeda lalu ngentapka diri ba Rumah Ukit di ulu Batang Balui tauka Sungai Balui. Tebal agi bansa Ukit tu bisi ba Sungai Ulu Rajom enggau Sungai Tatau, Baleh, Sarawak. Bansa Ukit mega dianggap nyadi sub-raban bansa Klemantan ti dikumbai.[2]
Penyampau bansa Ukit tu mimit lalu napi penusah punas ketegal mayuh raban bansa nya udah lama dibunuh. Pengerugi ti balat dalam kayau ngagai suku bansa Dayak ti kering agi di Pulau Borneo (Iban, Kayan enggau ke bukai) ngujungka sida dibuai ari menua asal diri (dipelabaka kandang menua Saribas, Kalaka enggau Krian). Pengawa jadi melaki bini enggau suku bansa bukai mega siti agi kebuah penyampau tubuh sida majak kurang. Diatu, penyampau bansa Ukit dipelabaka semina urung 120. Taja pia, nyangka agi bisi bansa Ukit ti enda ditemu penyampau ti idup ngena chara asal sida iya nya orang ti bejalai kampung.
Dalam taun 1880 bansa Ukit ditemu siku penerebai menua Inggeris Harry De Windt ti nerangka sida baka tu:[3]
Raban bansa Ukit tu dipelabaka nyadi spesimen ti pemadu liar ari bansa mensia ti bedau ditemu di Borneo. Suku bansa tu (ti semina diau ba ulu Rejang ti enda betatu) udah sekali-sekala tang jarang dipeda ba pelilih menua tu ulih orang Eropah, laban sida ngeredut ari semua kaul enggau mensia, lalu terebai ba semak sebarang orang kelimpah ari bansa sida empu. Sida digambarka ngembuan chura ti jauh terang agi ari bansa Poonan, nadai ngembuan endur diau, lalu nadai bebaju enggau penuh.
Malin
[edit | edit bunsu]- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Harry De Windt "On the Equator"
Litericha
[edit | edit bunsu]- O'Hanlon Redmond (1985): Into The Heart of Borneo. Pp. 143–4, 171–183. Penguin (Salamander Press 1985)