Sante Conval
Sante Conval | |
|---|---|
| Ada | c. 570 Ireland |
| Midang | c. 630 (umur 60) Scotland |
| Dipebasa ba | Gerija Katolik Gerija Ortodoks Timur |
| Dikanon | Pra-Gempuru |
| Pengerami | 28 September |
Sante Conval (Conwall) (midang c.630) iya nya seiku indu misi ke ada di Ireland ke, nitihka cherita tuai ke dirikod ba Aberdeen Breviary,[1] lebuh iya benung besampi ba tebing tasik "ngambika dibai, ngena sebarang chara, ngagai pelilih menua ti di seberai tasik", dibai enggau chara ajih ulih batu ti endur iya bediri meraka Tasik Ireland ngagai Inchinnan di Scotland. Iya regas ba Perintah Strathclyde ba kandang menua Renfrewshire Timur, ti endur bisi “telaga Conval” di Barrhead enggau Thornliebank.[2] Iya dipelabaka numbuhka gerija di Inchinnan, Pollokshaws enggau Fereneze (semak Barrhead). Tulang iya disimpan dalam sarkofagus ti ngalitka ati ba gerija Inchinnan.[3]
Aberdeen Breviary ngerikod tradisyen ti madahka iya murid Kentigern di Glasgow, tang tu engka bepun ari bala bishop abad ke-12 ti nguji mai gerija Inchinnan ari baruh kuasa sida. Nitihka adat gerija, Conval dikuburka ba Inchinnan.[4] Dalam abad ke-12 David I ari Scotland meri Knights Templar sebuah gerija di Inchinnan ke diungkupka ngagai Sante Conval, iya diganti enggau ‘Gerija Hallows’ dalam taun 1900, udah nya direrak dalam taun 1965 ketegal pengawa ngemesaika padang bilun Abbotsinch ngagai Padang Bilun Glasgow.[5]
Siti batu, dipelabaka nyadika pelasar regang orang Kristian keterubah, dijaga ngena kandang besi tuang semak jematan di Inchinnan, lalu dikelala enggau nama “St Conval’s Chariot” ti dikumbai mai Sante Conval ari Ireland ke Inchinnan.[6] Bisi cherita tuai madahka orang ke bejalai raun ngirup ai ke digumpul ba lubang batu nya ketegal iya ulih ngeraika, lalu batu ke besepiak nya nyadika pedimen regang.[7]
Iya siku sante Katolik enggau Ortodoks, ke ngembuan hari pengerami maya 28 September.
Malin
[edit | edit bunsu]- ↑ The Legends and Commemorative Celebrations of St. Kentigern, His Friends and Disciples. Translated from the Aberdeen Breviary and the Arbuthnot Missal. Translated by W. Stevenson. Thomas George Stevenson. 1874. p. 28.
- ↑ Saint Conval of Strathclyde on CatholicSaints.Info
- ↑ "Inchinnan Historical Interest Group". Inchinnan Historical Interest Group. Diambi 26 February 2018.
- ↑ Tim Clarkson: The Men of the North: The Britons of Southern Scotland
- ↑ "Site Record for Inchinnan, Old Parish Church And Graveyard All Hallows Church; St Conval's Details". Canmore.rcahms.gov.uk. Diambi 2014-07-10.
- ↑ "A Wildlife Walk Along The Erskine Shore". Clydeside Images.co.uk. 2018. Diambi 26 February 2018.
- ↑ Argyll Stones, Renfrewshire Council, Retrieved 28 February 2018.