Nasi padang
 Nasi padang | |
| Bansa | Pemakai asi |
|---|---|
| Penatai | Indonesia |
| Menua | Sumatera Barat |
| Digaga | Minangkabau |
| Pengangat pemakai | Angat tauka suam |
| Pemakai ti sebaka | Nasi kapau, nasi campur |
Nasi padang iya nya asi burak ti disaji enggau mayuh macham lauk nyelai bansa Minangkabau ari Indonesia. Leka jaku padang nujika indu nengeri provinsi Sumatera Barat, iya nya Padang. Nasi padang nya pemakai ti dibantai enggau penuh ngena gaya buffet enggau dagin, ikan, sayur enggau pemakai pedas diempa enggau asi burak. Nasi padang nyadi komoditi eksport ke pemadu tebilang lalu raban bansa Minangkabau udah meri pemeri ke besai ngagai pemakai Indonesia.[1] Ketegal eksklusiviti ba tiap-tiap pelilih menua, leka jaku nasi padang enda dikena di Sumatera Barat lalu leka jaku tu nunjukka nasi ramas ti datai ari jaku Minang ti mai reti asi bungkus; seraya leka jaku nya semina dikena ba luar Sumatera Barat.[2]
Nasi padang ti dibantaika ba kedai makai Padang nyamai ditemu ba mayuh bengkah pelilih menua di Indonesia, baka Sumatera, Jawa, Kalimantan, Sulawesi, Nusa Tenggara, Pulau Maluku, enggau Papua. Restoran Nasi Padang mega udah ngerembai ngagai menua sepiak, baka Malaysia enggau Singapura,[3] enggau Australia laban bansa Minangkabau ngembuan ulah mindah kin kitu (imigrasi), meri pangka ngagai pengerembai orang mindah kin kitu ngelui ari garis entara menua asal sida di Sumatera Barat. Nitihka penerang ari CNN Travel, nasi Padang dirintaika nyadi siti ari 40 bansa pemakai ke enda ulih diidupka rayat Singapura enti nadai pemakai nya.[4]
Pemantai
[edit | edit bunsu]Bisi dua bansa chara meri pemakai ba restoran Padang iya nya chara mesan enggau chara pemantai. Pesan nya chara ke pemadu suah — selalu iya digaga siku tauka dua iku pelanggan — ke alai pelanggan meresa jenila pemandang lalu milih lauk ke deka diempa sida enggau chara mesan ngagai pelayan ba mua jenila, lalu lauk nya tekala nya diberi. Pekara tu selalu iya suah digaga ba restoran Padang ti mit.
Ba restoran Padang ke besai agi, lauk pengerami selalu diberi. Buffet pemadu engkeman endur makai beraban. Udah pelanggan duduk, sida enda ibuh order. Bala pelayan enggau piring ba jari, deka tekala nya ngelaluka lauk ba atas mija. Mija deka jampat diatur enggau bepuluh iti piring mit ti penuh enggau pemakai baka rendang sapi, kari ikan, sayur rebus, chili, terung, kari ati sapi, tripe, usus, tauka tendon kaki, paru-paru sapi goreng, manuk goreng, enggau ari tentu , cili indonesia. Sedozen piring nya penyampau ke normal, lalu iya ulih nambah nyentuk ngagai 14 porsi tauka lebih. Nasi Padang deka bisi ba atas mija nyadi buffet. Pelanggan semina mayar utai ke diambi sida.[5]
Chara makai pemakai ti umum ba menua Minang iya nya makai ngena jari sepiak. Selalu iya sida meri mangkuk mit ti diisi ai enggau sebilah kapur dalam nya ngambika meri aroma ti baru. Ai tu dikena nuchi jari sebedau makai enggau pengudah makai. Enti pelanggan enggai makai ngena jari, pelanggan tau minta sudu enggau gerepu.
Malin
[edit | edit bunsu]- ↑ "Padang's Feast Fit for a King". Eating Asia. 2006-07-10. Diambi 2013-08-20.
- ↑ Pamungkas, Destriana. "Benarkah di Padang Tidak Ada yang Jual Nasi Padang?". Okezone. Jakarta: MNC Media. Diambi 2023-05-04.
- ↑ "Nasi Padang, a Delightful Indonesian Fare" (id jaku Inggeris). Singapura: Singapore Tourism Board. Diambi 2013-08-20.
- ↑ Catherine Ling (April 14, 2010). "40 Singapore foods we can't live without". CNN travel.
- ↑ "A Unique of Padang". Padangbaycity.com. Diarkib ari asal on 2010-12-14. Diambi 2010-09-22.