Pegi ngagai isi

Miri

Coordinates: 04°23′33″N 113°59′10″E / 4.39250°N 113.98611°E / 4.39250; 113.98611
Ari Wikipedia
Miri
City and district capital
Bandaraya Miri
Other transcription(s)
 • Jawiميري
 • Chinese美里
Méilǐ (Hanyu Pinyin)
Ari atas, kiba ke kanan:
Pemandang Miri ari Bukit Kanada, Kompleks Lama Majlis Bandaraya Miri, Taman Pengingat Perang Dunya Kedua Miri, Rumah Api Kuda Laut, enggau Muzium Petroleum.
Official seal of Miri
Seal
Nickname(s): 
"Resort City" (Bandaraya Peranginan), "Oil Town" (Bandar Minyak)
Motto: 
Maju Bersama Masyarakat (Inggeris: Progress with the Society)
Map
Location of Miri in Sarawak
Miri is located in Sarawak
Miri
Miri
   Miri in    Sarawak
Miri is located in Malaysia
Miri
Miri
Miri (Malaysia)
Miri is located in Asia
Miri
Miri
Miri (Asia)
Miri is located in Earth
Miri
Miri
Miri (Earth)
Coordinates: 04°23′33″N 113°59′10″E / 4.39250°N 113.98611°E / 4.39250; 113.98611
Country Malaysia
State Sarawak
DivisionMiri
DistrictMiri
Founded by Royal Dutch Shell10 August 1910
Granted municipality status6 November 1981
Granted city status20 May 2005
Government
[1]
 • TypeCity council
 • BodyMiri City Council
 • MayorAdam Yii Siew Sang
Pemesai
[2]
 • Miri City997.43 km2 (385.11 sq mi)
Elevation
[3][4]
8 m (26 ft)
Lowest elevation
0 m (0 ft)
Penyampau mensia
 (2021)[5]
 • Miri City488,000
 • Pemadat358/km2 (930/sq mi)
 • Demonym
Mirian
Time zoneUTC+08:00 (MST)
 • Summer (DST)UTC+08:00 (Not observed)
Postal code
98xxx
Area code(s)+6085 (landline only)
Vehicle registrationQM and QM****A (etc..) (for all vehicles except taxis)
HQ (for taxis only)
Websitewww.miricouncil.gov.my

Nengeri Miri, bepalan ba Miri, Sarawak nya siti nengeri keterubah ke ukai indu negeri ti bulih gelar bandar raya. Miri udah mulihka peniki status maya 20 Mei 2005 enggau gelar "Bandaraya Peranginan".

Miri nengeri kedua pemadu besai ba Sarawak, enggau pemayuh orang ti diau ba nengeri nya urung 488,000 orang ba taun 2024. Pemansang nengeri tu ketegal pengeraja asal kelebih agi petroleum. Miri mega dikumbai ''Oil Town'' ketegal empas petroleum.

Sejarah

[edit | edit bunsu]

Perintah Brooke

[edit | edit bunsu]
Charles Hose ngarika pengawa ngiga minyak Miri ngagai Royal Dutch Shell.
Miri Well No. 1 maya taun 1910
Pemandang jalai ba Miri maya taun 1925

Charles Brooke nganti James Brooke nyadi Rajah Sarawak ke baru kena taun 1868. Ba taun 1883, Sultan Brunei (Sultan Abdul Momin) nyerahka kandang menua Baram (nyengkaum Miri) ngagai Charles Brooke.[6][7] Bagi Menua Keempat Sarawak tekala nya ditumbuhka enggau pengawa masang Claude Champion de Crespigny nyadi Residen Bagi Menua keterubah.[7] Maya nya kandang menua Miri nya kampung orang berikan.[8] Nya sebuah genturung pendiau mit ti dikelingi kampung bakau enggau kampung sawit Nipah ti bisi 20 buah rumah ti beserak, sekeda kedai kayu ti dipejalaika orang dagang China enggau siku orang dagang Arab kediri.[9] Siti kubu digaga ba Claudetown (diatu Marudi, 43km ari timur Miri)[10] ba taun 1883. Claudetown nyadi palan pentadbiran ba bagi menua nya. Administrasyen Mr Claude dibantu dua iku pemesai junior, 30 iku renjer, enggau sekeda polis ari orang asal dia.[11] Charles Hose nganti Mr de Crespigny nyadi Residen baru dalam taun 1891 lalu kubu di Marudi diberi nama baru nyadi "Kubu Hose". Dikena mulaika pemaik entara mayuh macham suku bansa ti beperang ba pelilih menua Baram, Charles Hose mutuska deka ngatur aum pemaik ba kubu iya dalam bulan April 1899. Aum pemaik tu mega ngujungka pengada Regatta Baram keterubah, pekit lumba perau panjai entara orang asal ti majak diatur nyentuk ke sehari tu.[12]

Rayat menua nya di Miri endang udah berengkah ngulihka minyak ari telaga ti digali ngena jari kenyau ari beratus taun ke udah. Song Huiyao Jigao, dokumentasyen dinasti Song menua China, bisi nyebut pasal kapur import Borneo enggau petroleum ba abad ke-11. Dalam taun 1882, Mr de Crespigny udah ngeripot ngagai perintah Brooke pasal 18 iti telaga minyak ti digali ngena jari ba kandang menua Miri. Iya mega meri perambu ngambika kandang endur besemak enggau Sungai Miri patut dipansik enggau silik. Taja pia, jaku lalau iya enda dikeibuhka. Tang lebuh Charles Hose ngambi alih opis Residen dalam taun 1891, iya bisi minat enggau penemu Mr de Crespigny lalu berengkah bekerejasama enggau iya. Mr de Crespigny berengkah ngaga kar rembus minyak ngelingi kandang menua Miri, taja pia siku pakar geologi penyanding penemu ari England enda meransang pengawa ngiga minyak di Miri ketegal gaya logistik ti enda manah. Udah pinchin ari pengawa administrator di Sarawak, Charles Hose lalu pulai ke England. Udah nya iya mansang ke London berundingka penemu ngiga minyak di Miri enggau Kompeni Petroleum Anglo-Saxon (udah nya nyadi sebagi ari Kompeni Royal Dutch Shell dalam taun 1907). Templat:Thinspace Benjamin, siku menijar pampang ari kompeni petroleum, bisi minat enggau penemu tu. Pengujung iya dalam taun 1909, Rajah Charles Brooke datai ke London laban deka nyain Suwa Ngelumbung Minyak Sarawak ti keterubah. Royal Dutch Shell nganjung siku pakar geologi kanan ti benama Josef Theodor Erb begulai enggau Charles Hose pulai ke Miri. Erb berengkah ngaga kar telaga minyak Miri ari bulan Ogos 1909 ngagai bulan Julai 1910. Iya mega ngelala siti endur ti dikelala enggau nama "Miri Hill" (diatu dikelala enggau nama "Canada Hill", 150m ari tikas tasik) engkeman nyadika antiklin endur ngebur minyak.[8][13]

Begunan Residensi di Miri asal iya dikena nyadi begunan pentadbiran British sebedau digaga nyadi indu opis Jepun maya sida megai Miri.

Pengujung iya, kena 10 Ogos 1910, operasyen ngebur minyak keterubah iya berengkah. Sebuah pelantar 30m (diberi nama panggil "Grand Old Lady") ti digaga ari derrick kayu enggau pengebur perengka kabel dikena dalam operasyen Royal Dutch Shell. Kena 22 Disember 1910, minyak kena tinggang pengudah 130m pengebur ba telaga nya. Royal Dutch Shell mega numbuhka anak kompeni ti benama Sarawak Oil Field Ltd, ti diatu beoperasyen nyadi Sarawak Shell Berhad. Kenyau ari nya, 624 buah agi telaga tanah udah digerudi ngelingi Miri nyentuk ngagai taun 1972 ti dikelala enggau nama "ladang Miri". Ladang Miri nya aja ladang ba darat di Sarawak, laban pengawa ngeluarka minyak udah ngalih ke tasik kenyau ari ujung taun 1950-an. Telaga minyak keterubah di Canada Hill (Telaga Miri No. 1) ngasilka sepenyampau 0.65 million tongs (103,000 m3) sepengelama 60 taun nyentuk iya ditutup kena 31 Oktober 1972.[8][14] Kilang penapis minyak enggau paip kapal selam keterubah iya digaga di Miri dalam taun 1914. Kilang penapis minyak nya udah dipindahka ngagai Lutong, 11km ke utara Miri, dalam taun 1916.[15]

Opis Residen pindah ari Marudi ke Miri dalam taun 1912. Miri mansang enggau jampat baka tikas pemansut minyak kompeni Shell. Dalam taun 1920, jalai alun udah digaga ba menua Miri. Ensikal enggau mutosikal mega bisi dibeli tama ngagai bandar.[9] Datai ba taun 1921, bisi 40 buah rumah kedai di Miri, bisi sebuah sekula English enggau sebuah sekula China. Kerita bemotor udah nya diberi kelala ngagai bandar tu. Dalam taun 1924, Jalai Pujut digaga kena nyambung Miri enggau Lutong. Datai ba taun 1925, pengawa ngebur putar berengkah dipejalaika. Pemansut minyak majak nambah nyentukka manggai ba tikas pemadu tinggi 15,211 tongs (2,418.4 m3) ninting hari ba taun 1929. Bekal ai dikemanahka agi, kampung dibuai, lalu mayuh agi jalai alun digaga.[16] Miri nyadi palan pentadbiran serata kandang menua Baram dalam taun 1929.[17]

Lebuh Jipun megai kuasa

[edit | edit bunsu]
Perintah Brooke udah ngerusak kilang penapis enggau endur nyimpan minyak Lutong sebedau penatai Jipun.
Pemasang penapis minyak ti rusak di Lutong dalam taun 1945 ketegal Serakup ngebom
Empas ari pengebom bala Serakup

Perintah Brooke udah chakah ngelobi ngambika perintah British nerima Sarawak nyadi sebengkah ari protektorat sida enti sema bisi perang nyadi. Datai ba taun 1888, pengujung iya British setuju meri lindung nya ngagai Sarawak. British nganjung beberapa iku soldadu ke Sarawak dikena ngenegapka pengawa ngetanka menua Sarawak dalam taun 1930-an. Datai ba taun 1938, ari baruh iring Rajah Charles Vyner Brooke, padang bilun digaga di Miri, Kuching, Oya, enggau Mukah dikena nyediaka diri napi perang ti deka nyadi. Taja pia, ba taun 1941, British Soldadu Tasik Diraja enggau Soldadu Langit Diraja udah nyurutka diri ari Sarawak lalu pulai baru ngagai Singapura. Nya alai, perintah British ngemeranka "polisi bumi angus" ungkup perintah Brooke enti sema bisi serang Jipun. Skim Penyangkal ditumbuhka dikena ngerusak pemasang minyak di Miri enggau Lutong. Tu ketegal pemanjai pantai 30km ari Lutong ngagai Miri enda ulih ditan ari Jipun ketegal suntuk tenaga. Datai ba bulan Mei 1941, 1 Kompeni Infantri ari 2/15 Rejimen Punjab,[18] Bateri Artileri Diraja Hong Kong-Singapura 6 inchi, enggau 1 Platun Injinir Diraja diengkah ba Miri ngemataka pengawa ngerusak telaga minyak Miri. Dalam bulan Ogos 1941, siti operasyen dipejalaika dikena ngurangka pemansut minyak Miri 70%.[19]

Enda lama udah berita Jipun serang ngagai Pearl Harbor, bilun Jipun bisi dipeda ngaga penerebai matau Miri.[20] Perintah Brooke mutuska pengawa ngerusak abis telaga minyak enggau padang bilun di Miri. Bala pemesai kompeni Shell nerima atur bejalaika Skim Penyangkal kena 8 Disember 1941. Lemai hari ti sama, pengawa nya tembu.[19] Semua telaga minyak ti ngeluarka minyak nya ditutup enggau perengka enggau jentera ti beguna bendar dibungkur lalu dianjung ngagai Singapura. Bala pengereja pengawa ti landik enggau keretas kompeni ti beguna mega bisi enggau perengka nya lalu dianjung ngagai Singapura.[20] Rejimen Punjab enggau beberapa iku pemesai dianjung nyaga Kuching.[19] Kena 16 Disember 1941, 9 hari sepengudah penusah ngebom Pearl Harbor, bala soldadu Jipun ti mungkur 10,000 iku lelaki bedarat ba Pantai Tanjung Lobang, Miri enggau nadai mayuh ngelaban.[19] Taja pia, kena 17 Disember 1941, siti perau terebai Belanda ari Pulau Tarakan nyerang kapal pengerusak Jepun Shinonome (di baruh pegai Hiroshi Sasagawa) ba luar Miri. Kapal nya karam begulai enggau semua kru kapal ke bisi 228 iku.[21] Siti agi bot terebai X-33 mega ngerusak sebuah kapal pengangkut Jepun.[19] Udah menua Singapura labuh kena 15 Januari 1942, bala pengereja pengawa ti landik ti belalai enggau perengka sida dianjung Jipun pulai ke Miri. Sida lalu tekala nya diasuh gawa ba kompeni servis bekal minyak Jipun ti benama Nen Ryo Hai Kyu. Mayuh perengka pengebur enggau penapis minyak Jipun nya ulih dibai. Penyampau 0.75 million tongs (119,000 m3) diasilka lebuh Jipun megai menua tu ari taun 1941 nyentuk ke 1945.[20]

Maya dipegai, Miri enggau Lutong nyadi subjek serang enggau ngebom Sekutu ari maya ke maya. Pemakai, gari enggau ubat nyau majak kurang. Bala pengereja pengawa servis bekal minyak Jepun dikena ngaga baru sereta ngintu Jematan Lutong enggau padang bilun Lutong ari pengerusak bom Sekutu.[20]

Pemansang baru-baru tu

[edit | edit bunsu]
Miri town in 1983

Petronas, sebengkah kompeni minyak enggau gis nasional Malaysia, ditumbuhka dalam taun 1974. Ketegal nya, sistem konsesyen ditukar nyadi sistem kunterik bekunsi pemansut (PSC) entara Shell enggau Petronas. Semua kompeni minyak menua luar nyengkaum Shell dipinta ngulihka lisin ari Petronas. Dua iti PSC ti keterubah disain kena 30hb November 1976. Kompeni minyak menua luar dipinta nyimpan enda lebih ari 41% ari minyak ti diasilka nyentukka ungkus asal sida diulihka baru. Pengudah pulai duit ti diperanakka sida, kompeni-kompeni minyak nya deka nyimpan 30% ari asil nya sepengudah semua ungkus operasyen enggau royalti minyak dipotong.[22] Petronas mega numbuhka sebuah kompeni ti diberi nama Petronas Carigali Sdn Bhd ti bisi kaul terus dalam pengawa ngiga, ngemansang, enggau ngeluarka minyak enggau gis di menua tu. Petronas mega ngepunka projek Gempuru Gis Delta Baram (Bardegg) ti mungkur pengawa ngumpul[23] enggau pemampat gas ari lima bidang iya nya Betty, Bekor, Baram, Baronia, enggau Lutong Barat, ti bepalan ba 10 to 45 km (6 to 28 bt) ari pantai Miri. Tu dikena nentuka pengelenyau gis maya ngasilka minyak nyadi minimum. Petronas enggau Shell mega bisi ngaul diri dalam aktiviti ‘outreach’ pelajar baka meri sekulasip ngagai nembiak ke patut. Kededua kompeni nya mega bisi kaul enggau projek ‘rig-to-reef’ keterubah Malaysia, dalam pengawa ngintu bio-marin idup ba tasik luar pantai Miri. Dalam projek tu, sebuah pelasar tasik ti ditinggalka digaga nyadi sebagi ari terumbu karang Siwa.[15] Kededua kompeni nya mega berengkah numbuhka Rizab Rampa Menua Piasau dalam taun 2014.[24]

Kaunsil Mengeri Miri udah ngambi kuda tasik nyadi lambang rasmi mengeri nya. Iya diperambu ex-kepala menteri Sarawak Abdul Taib Mahmud lalu diberi kelala nyadi sebagi ari kimpin "I love Miri" dalam taun 1994. Kuda tasik dipilih ketegal gamal iya ti nyelai enggau gerak ti lembut sereta anggun. Ciri-ciri tu nerangka mayuh macham identiti etnik enggau budaya Miri ti idup dalam pemaik enggau harmoni enggau nilai pengidup ti manah. Iya mega nandaka endur mengeri Miri semak enggau tasik sereta terumbu karang sereta status mengeri nyadi paradais palan ngelantangka ati.[25][26]

Miri diangkatka nyadi nengeri kena 20 Mei 2005 lalu nyadi nengeri kesepuluh Malaysia.[27] Miri mega mengeri keterubah di Malaysia ke ukai indu nengeri diberi status nengeri besai.[28] Hari Nengeri Miri diintu ninting taun kena 20 Mei kenyau ari nya udah dipadahka Kepala Menteri ke dulu suba, Abdul Taib Mahmud.[29] Kapsul awak ti ngundan artikel berita sehari nya enggau bup pengingat udah dikuburka ba Muzium Sains Petroleum di Canada Hill, Miri. Kapsul maya nya deka dibuka 100 taun udah nya kena 20 Mei 2105.[30] Pengawa mega udah dipejalaika dikena ngemansangka Miri nyadi mengeri ngelantangka ati ti ulih endur diau.[31]

Penyanding

[edit | edit bunsu]
  1. ↑ "Official Website of Miri City Council - Mayor message". Miri City Council. Retrieved 19 March 2015.
  2. ↑ "Miri Council ... in Brief". Website of Miri City Council. Website of Miri City Council. 4 September 2014. Retrieved 7 September 2014.
  3. ↑ "Miri, Malaysia Weather History and Climate Data". World Climate. Archived from the original on 7 January 2004. Retrieved 21 March 2015.
  4. ↑ "Malaysia Elevation Map (Elevation of Miri)". Flood Map : Water Level Elevation Map. Archived from the original on 22 August 2015. Retrieved 22 August 2015.
  5. ↑ "Population Distribution by Local Authority Areas and Mukims, 2010 (page 1)" (PDF). Department of Statistics, Malaysia. Archived from the original (PDF) on 5 February 2015. Retrieved 19 March 2015.
  6. ↑ "Chronology of Sarawak throughout the Brooke Era to Malaysia Day". The Borneo Post. 16 September 2011. Archived from the original on 6 February 2015. Retrieved 24 March 2015.
  7. ↑ 7.0 7.1 "Laman Web Rasmi Pejabat Residen dan Daerah di Miri - Sejarah Miri (Official Website of Miri Resident and District Office - History of Miri)" (in Melayu). Miri Resident and District Office. Archived from the original on 2 April 2015. Retrieved 24 March 2015.
  8. ↑ 8.0 8.1 8.2 Sorkhabi, Rasoul (March 2011). "Historical Highlight: Miri Field Seeps Helped, But Success Was a Higher Calling". American Association of Petroleum Geologists (AAPG). Retrieved 24 March 2015.
  9. ↑ 9.0 9.1 Murang, Datu Ose; Ngenang, Anak Jangu (2010). Miri - People - Progress - Prosperity (in Inggeris and Melayu). Malaysia: Miri Resident Office. p. 37. Retrieved 28 March 2015.
  10. ↑ Joseph, Anthony (28 May 2012). "Road upgrade will reduce Miri—Marudi travelling time". The Borneo Post. Archived from the original on 26 March 2015. Retrieved 26 March 2015.
  11. ↑ Hose, Charles; McDougall, William (1912). The pagan tribes of Borneo; a description of their physical, moral and intellectual condition, with some discussion of their ethnic relations, vol.2. Macmillan and Co. Ltd. p. 279. Archived from the original on 2 April 2015. Retrieved 24 March 2015. Alt URL
  12. ↑ Madian, Amrizan (2011). "Baram Regatta A Testament Of Racial Harmony". Bernama. Archived from the original on 24 March 2015. Retrieved 24 March 2015.
  13. ↑ Sorkhabi, Rasoul (2010). History of oil: Sarawak - Miri 1910. GEO ExPro Magazine Vol 7, No 2. p. 44. Archived from the original on 24 March 2015. Retrieved 24 March 2015. {{cite book}}: |work= ignored (help)
  14. ↑ Tan, Chin Siang (27 March 1990). "Grand Old Lady of Miri - Where it all began". New Straits Times. Retrieved 21 September 2015.
  15. ↑ 15.0 15.1 "Miri – from where it all began". The Star (Malaysia). 20 May 2005. Archived from the original on 28 March 2015. Retrieved 28 March 2015.
  16. ↑ "A Little Excitement". Miri Resort City. Archived from the original on 18 March 2015. Retrieved 1 April 2015.
  17. ↑ "History of Miri". Curtin Sarawak Malaysia. Archived from the original on 5 November 2012. Retrieved 1 April 2015.
  18. ↑ "Labuan War Cemetery". Commonwealth War Graves Commission. Archived from the original on 17 May 2015. Retrieved 17 May 2015.
  19. ↑ 19.0 19.1 19.2 19.3 19.4 L, Klemen (1999–2000). "The Invasion of British Borneo in 1942". Forgotten Campaign: The Dutch East Indies Campaign 1941-1942. Archived from the original on 1 April 2015.
  20. ↑ 20.0 20.1 20.2 20.3 "Decline and War". MiriResortCity.com. 13 January 2006. Archived from the original on 19 March 2015. Retrieved 28 March 2015.
  21. ↑ Visser, Jan (1999–2000). "Who sank IJN destroyer Shinonome, December 1941?". Forgotten Campaign: The Dutch East Indies Campaign 1941-1942. Archived from the original on 27 May 2023. Retrieved 30 March 2021.
  22. ↑ "Where it all started - The site: Miri in Sarawak". New Sunday Times. 18 April 1981. Retrieved 21 September 2015. The conditions set by Petronas were that the contractors (i.e. the oil companies) could keep as much as, but not more than 41 percent of the oil produced to cover original costs, and give a return of their investment until the costs were finally covered. After that the contractor can keep about 30 percent of what remains after royalties and current operating costs are deducted.
  23. ↑ "Shell, Petronas expand Baram Delta terms to include gas rights". The Star (Malaysia). 3 July 2014. Archived from the original on 18 March 2015. Retrieved 17 May 2015.
  24. ↑ "Sarawak Government Collaborates With Shell And Petronas To Conserve Environmental Biodiversity". Malaysian Shell Berhad. 10 May 2014. Archived from the original on 21 March 2015. Retrieved 17 May 2015.
  25. ↑ "Miri Macot—Sea Horse". Tan Chin Kian. Archived from the original on 16 April 2015. Retrieved 16 April 2015.
  26. ↑ Pan, Ivy; Goh, SC (2010). "Borneo Talk Highlight - Miri ecotourism" (PDF). 17. Bumi Serasi: 4. Archived from the original (PDF) on 24 June 2016. Retrieved 16 April 2015. The seahorse is the city's mascot, gentle and graceful in motion, which aptly describes the multi ethnic and culture people living here, all with a smile for visitors who come here. {{cite journal}}: Cite journal requires |journal= (help)
  27. ↑ Then, Stephen (20 May 2005). "Revelry as Miri turns city". The Star (Malaysia). Archived from the original on 29 March 2015. Retrieved 29 March 2015.
  28. ↑ "Miri to replace Kuching as Sarawak capital?". New Straits Times. 19 May 2014. Archived from the original on 19 May 2014. Retrieved 19 May 2014.
  29. ↑ Joseph, Anthony (19 May 2013). "14,000 walk to celebrate Miri City Day". The Borneo Post. Archived from the original on 29 March 2015. Retrieved 29 March 2015.
  30. ↑ "Some of the outstanding achievements of the leadership of Pehin Sri Abdul Taib". New Sarawak Tribune. 29 March 2015. Archived from the original on 4 March 2016. Retrieved 29 March 2015.
  31. ↑ "Miri aims to be 'the most liveable resort city'". The Borneo Post. 24 July 2014. Archived from the original on 29 March 2015. Retrieved 29 March 2015.
Diambi ari "https://iba.wikipedia.org/w/index.php?title=Miri&oldid=12778"