Hari Nasional Malaysia
| Hari Meredeka | |
|---|---|
.jpg) Children waving the Malaysian flag on Independence Day in 2012 | |
| Nama resmi | Hari Merdeka |
| Pia mega dikumbai | (Hari Kebangsaan) |
| Diintu | Malaysia |
| Bansa | Nasional |
| Reti | Marks the independence of the Federation of Malaya |
| Pengerami | Malaysian Independence Day parade |
| Haribulan | 31 August |
| Next time | Templat:Date-mf |
| Penyuah | Annual |
Hari Meredeka Malaysia (Melayu: Hari Merdeka), tau dikumbai mega Hari Nasional (Hari Kebangsaan), nya hari Meredeka Federasyen Malaya ari Empayar British.[1][2] Hari tu diintu ngingatka Deklarasyen Meredeka Malaya kena 31 Ogos 1957, lalu ditukuka dalam artikel 160 Konstitusyen Malaysia.[3] Hari nya ditanda enggau pengerami sereta pengawa ngintu ti resmi enggau enda resmi di serata menua.
Penyadi ke ngujungka meredeka
[edit | edit bunsu]Pengawa ngulihka meredeka nya diuluka Tunku Abdul Rahman Putra Al-Haj, Menteri Besai keterubah Malaysia, ti nguluka raban menteri enggau ketuai politik Malaya dalam pengawa berunding enggau British di London ungkup Merdeka, tauka meredeka begulai enggau presiden keterubah Gerempung China Malaysia (MCA) Presiden Tan Cheng Lock sereta presiden kelima Kongres India Malaysia, Tun V. T. Sambanthan.[4] Pengudah penyerakup entara bansa Melayu, India, enggau China dijapai, sempekat dijapai kena 8 Februari 1956,[5] ngambika Malaya bulih merdeka ari Empayar British. Taja pia, kebuah logistik enggau pentadbiran ngujungka proklamasyen rasmi merdeka ba taun ke nangkanka nya, kena 31 Ogos 1957, ba Stadium Merdeka, di Kuala Lumpur, ke sengaja digaga ungkup pengerami hari merdeka menua. Pengawa madahka hari nya udah ditetapka beberapa bulan sebedau tu ulih Tunku Abdul Rahman dalam aum Perikatan di Melaka dalam bulan Februari 1957.[6]
Hari Meredeka (31 Ogos 1957)
[edit | edit bunsu]Kena malam 30 Ogos 1957, lebih 20,000 iku orang begelumu ba Dataran Merdeka in Kuala Lumpur ngambika ulih meda pengawa nyerahka kuasa ari British. Menteri Besai ke dichiri Tunku Abdul Rahman Putra Al-Haj datai pukul 11:58 malam, lalu begulai enggau kaban pampang nembiak Parti Perikatan meratika dua minit pemetang.[7] Ba tengah malam, lampu diidupka baru, lalu Menira Union ba dataran diturunka lebuh lagu diraja God Save the Queen dimain.[8] Menira Malaya baru diangkat lebuh lagu kebangsaan Negaraku ditebah. Tu lalu ditangkanka enggau tujuh kali laung "Merdeka" ari bala mayuh.[7][8] Tunku Abdul Rahman udah nya meri jaku muji pengerami nya nyadi "momen pemadu besai dalam pengidup rayat Malaya".[7] Sebedau meri jaku ngagai mensia mayuh, iya diberi rantai lengan ari pengari nembiak Parti Perikatan dikena bebasaka pengawa besai tu dalam sejarah, enggau kar Malaya diukir ba atas nya. Pengawa tu tembu pukul satu pagi.
Kena pagi 31 Ogos 1957, pengerami nya mindah ngagai Stadium Merdeka ke baru tembu digaga. Lebih 20,000 iku mensia mayuh bisi meda pengerami nya ke berengkah pukul 9:30 pagi. Sida ke bisi datai nyengkaum pemerintah negeri Melayu, orang ke dipebasa ari menua luar, kaban kabinet perintah besai, enggau rayat.[9] Pengari Kuin, Duke Gloucester mantaika kereban meredeka ngagai Tunku Abdul Rahman.[9] Tunku lalu neruska pengawa macha Proklamasyen Merdeka, ti ngujungka iya nyebut "Merdeka!" tujuh kali enggau mensia mayuh sama enggau.Pengerami nya diteruska enggau pengawa nikika Menira Kebangsaan Malaya disempulang enggau lagu kebangsaan dimain band soldadu enggau tabi basa 21 senapang, ditangkan enggau kangau azan enggau sampi terima kasih dikena bebasaka pengerami besai tu.[9]
Hari nya ditangkan enggau pengawa nyiri Yang di-Pertuan Agong keterubah, Tuanku Abdul Rahman ari Negeri Sembilan, di Jalai Ampang, enggau pengerami makai lemai masang keterubah dikena meri basa ngagai iya muak ke lemai lalu ditangkan enggau pengawa mandangka ‘beating retreat’ enggau pengawa mandangka bungai api. Pengawa lumba enggau main sereta pengawa bukai nyadika tanda pengada bansa baru.
Bala ke datai
[edit | edit bunsu]Temuai dipebasa ari menua luar nyengkaum:
- Kaban sebilik diraja
- Raja enggau Kuin Thailand
- Putera Raja enggau Puteri Jipun
- Duke ari Gloucester (ngarika Kuin)
- Putera William ari Gloucester
- Kepala perintah
- Menteri Besai South Africa, Johannes Gerhardus Strijdom
- Menteri Besai India, Jawaharlal Nehru
- Menteri Besai Pakistan, Huseyn Shaheed Suhrawardy
- Menteri Besai North Vietnam, Phạm Văn Đồng
- Menteri Besai Ceylon, Solomon Bandaranaike
- Menteri Besai Burma, U Nu
- Menteri Besai Kemboja, Sim Var
- Sekretari Perintah Amerika Serikat, John Foster Dulles (ngarika presiden A.S. Dwight D. Eisenhower)
- Presiden Perintah Enda Lama Republik Taiwan, Thomas Liao
- Pengari ari koloni British ke bukai
- Gabenor Hong Kong, Sir Alexander Grantham
- Kepala Menteri Singapore, Lim Yew Hock
- Kaban ari administrasyen kolonial British ke suba
- Sir Gerald Templer (Komisioner Tinggi British ba Malaya ke suba) enggau Lady Templer
- Lady Gurney (bini Komisoner Tinggi British ba Malaya ke suba, Sir Henry Gurney)
- Lady Gent (bini Komisoner Tinggi British ba Malaya ke suba, Sir Edward Gent)
- Komisioner Tinggi ari menua Komanwel ke bukai
- Komisoner Tinggi Kanada ke Malaya, Arthur Redpath Menzies
- Komisioner Tinggi Australia ke Malaya, Tom Critchley
- Komisioner Tinggi New Zealand ke Malaya, Foss Shanahan
Kereban sanding
[edit | edit bunsu]- ↑ "Starchild: Malaysian children are in high spirits to celebrate Merdeka Day." The Star. 27 August 2021. Retrieved 1 September 2021.
- ↑ Adila Sharinni Wahid. "Ceriakan anak-anak polis pada Hari Merdeka." Sinar Harian. 31 August 2021. Retrieved 1 September 2021. (dalam jaku Melayu)
- ↑ Chin, James; Harding, Andrew (2015), 50 Years of Malaysia: Federalism Revisited, Marshall Cavendish International, p. 10, ISBN 978-9814561242
- ↑ Mahmood., Ibrahim (1981). Sejarah perjuangan bangsa Melayu : suatu penyingkapan kembali sejarah perjuangan bangsa Melayu menuju kemerdekaan. Pustaka Antara, Kuala Lumpur. OCLC 959796594.
- ↑ "MyGOV – The Government of Malaysia's Official Portal". www.malaysia.gov.my. Retrieved 26 July 2021.
- ↑ Pelancongan., Malaysia. Kementerian Kebudayaan, Kesenian dan (2003). Di atas runtuhan kota Melaka kita dirikan negara baru : pengisytiharan kemerdekaan di Bandar Hilir, Melaka, 20 Februari 1956. Kementerian Kebudayaan, Kesenian & Pelancongan, Malaysia dan Jabatan Muzium dan Antikuiti. OCLC 607250142.
{{cite book}}: CS1 maint: multiple names: authors list (link) - ↑ 7.0 7.1 7.2 "1957: Malaya celebrates independence". BBC. 31 August 1957. Retrieved 24 April 2011.
- ↑ 8.0 8.1 "Detik Jam Tengah Malam Di Padang Kelab Selangor" (in Melayu). National Archive of Malaysia. Archived from the original on 7 October 2011. Retrieved 24 April 2011.
- ↑ 9.0 9.1 9.2 "Pengisytiharan Kemerdekaan Tanah Melayu" (in Melayu). National Archives of Malaysia. Archived from the original on 7 October 2011. Retrieved 24 April 2011.