Bagi Menua Bintulu

Bintulu
Begian ba Sarawak
Flag
Palan Opis Begian	Bintulu
Local area government (s)	Bintulu Development Authority (BDA)
Government
• Resident	Jack Aman Luat
Pemesai
• Penyampau	12,166.2 km2 (4,697.4 sq mi)
Penyampau mensia  (2020)
• Penyampau	266,200
License plate prefix	QD, QT

Bagi Menua Bintulu siti ari dua belas begian ba Sarawak, Malaysia. Pemesai iya ngembuan pemesai 12,166.2 kilometer persegi, lalu nyadi bagi menua ketiga pemadu besai pengudah Bagi Menua Kapit enggau Bagi Menua Miri. Bagi Menua Bintulu bisi dua pelilih menua iya nya Bintulu enggau Tatau, begulai enggau siti pelilih mit ari baruh Bintulu, iya nya Sebauh. Tiga mengeri besai di Bintulu iya nya Bintulu (ti nyadi indu nengeri kededua Pelilih Menua Bintulu enggau Begian Bintulu), Tatau enggau Sebauh.

Demografi

Nitihka pengawa pengitung tubuh 2020, Bagi Menua Bintulu ngembuan 266,200 iku orang ke diau dia. Bagi Menua Bintulu ngembuan nengeri keempat pemadu besai ba Sarawak.

Bintulu endang menua asal bansa Iban, China, Melanau, Melayu, Orang Ulu enggau Kedayan. Tebal agi bansa Iban ngachir ba serata menua pesisir di Bintulu iya nya di Tatau enggau Sebauh. Seraya, bansa Melanau (tauka bansa Melanau Bintulu/Vaie) betumpu ba kandang bandar di Bintulu enggau kandang menua pesisir, iya nya ba nengeri Bintulu, Tatau, Kuala Tatau, Sebauh, Pandan enggau Labang. Mayuh bansa Melayu ukai asal ari Bintulu, taja pia pengawa belaki bebini enggau peranak menua tu kelebih agi bansa Melanau udah nejuka bansa Melayu nyadi siti ari etnik besai di Bintulu.

Orang China lebih agi betumpu ba kandang mengeri, baka ba mengeri Bintulu, Sebauh enggau Tatau, lalu sekeda diau ba Sangan enggau Kuala Tatau. Bansa Orang Ulu, baka bansa Kenyah, Kayan, Tatau, Penan enggau Punan mayuh agi ngachir ba serata bagi menua Bintulu enti dibandingka enggau bansa Iban. Tebal agi sida tu agi diau jauh dalam menua pesisir baka Kakus enggau Jelalong. Raban bansa Kedayan taja pan mimit tang ulih dipeda ba kandang menua Nyalau (100 km ari Bintulu) semina ba garis entara menua enggau Begian Miri.