Ai mineral
Ai mineral nya ai dibulih ari mata ai mineral ke bisi bemacham mineral, baka garam enggau sebatian sulfur. Ai tu bisi mega dalam tukuh ai bekabonat.
Kelia, ai mineral dikena tauka diirup ari mata ai. Diatu, ai mineral amat suah dibulih dalam tukuh bebutul ungkup diirup orang rama. Enda suah orang deka ngagai palan mata ai deka ngiga ai irup, lalu ba sekeda endur, pengawa tu enda dikemendarka ketegal bisi sekeda kilang ngembuan hak pengempu komersial. Mayuh ari 4,000 iti jenama ai ti bisi ba serata dunya.[1]
Utai diundan
[edit | edit bunsu]Agi mayuh ion kalsium enggau magnesium ti larut dalan ai, agi keras ai nya; ai ti ngundan mimit ion kalsium enggau magnesium nya dipadah ai lembut.[2]
Pengatur Pemakai enggau Dadah A.S. ngelas ai mineral nya ai ti ngundan paling enda 250 bagi juta semua utai pejal larut (TDS), ke datai ari bunsu ai baruh tanah ti dilindung enggau geologikal enggau fizikal. Nadai mineral bukai ulih ditambah ngagai ai tu.[3]
Ba menua-menua Serakup Eropah, ai butul engka ulih dikumbai ai mineral enti ai tu dibutul ba bunsu ai lalu ngasaika nadai tauka minimal pengubat.[4] Pemendar diberi ungkup pemuai zat besi, manganis, sulfur enggau arsenik nengah dekantasyen, penapis tauka perubat nengah angin ti ngundan ozon, seagi-agi pengawa perubat tu enda ngubah komposisyen ai bekaul enggau utai ti diundan ke beguna meri penteba iya. Nadai utai tambah dikemendarka kelimpah ari karbon dioksida, ke engka ulih ditambah, dibuai tauka ditambah baru nitihka chara fizikal ekslusif. Enda dikemendarka mega nambah pemunuh kuman, tauka nambah ajen bakteriostatik.
Empas ngagai pengerai
[edit | edit bunsu]Pansik ari Organisasyen Pengerai Dunya nemu pengurang mimit penyakit kardiovaskular enti orang nya ngirup ai ti ngundan mineral ti agi mayuh, lalu magnesium sereta mega dipelaba kalsium nyadi penyaup pengurang penyakit tu.[5]
Taja pia, pemayuh mineral bebida nitihka bansa jenama ai mineral, lalu ai paip engka ngundan pemayuh mineral ti sebaka tauka mayuh agi. Siti pansik nemu median isi mineral dalam ai mineral Amerika Utara was nya kurang agi ari ai paip, taja penyampau nitihka raban ti bebida.[6]
Malin
[edit | edit bunsu]- ↑ Mineral Waters of the World
- ↑ "Hard Water". USGS. 8 April 2014. Retrieved 16 May 2015.
- ↑ "CFR - Code of Federal Regulations Title 21". www.accessdata.fda.gov. Retrieved 2020-12-04.
- ↑ EU Directive 2009/54/EC
- ↑ "Nutrients in Drinking Water". World Health Organization. Retrieved 2024-05-09.
- ↑ Azoulay A, Garzon P, Eisenberg MJ (March 2001). "Comparison of the Mineral Content of Tap Water and Bottled Waters". Journal of General Internal Medicine. 16 (3): 168–175. doi:10.1111/j.1525-1497.2001.04189.x. PMC 1495189. PMID 11318912.