Taylor Swift
Taylor Swift | |
|---|---|
 Taylor Swift ba Anugerah Video Musik MTV 2023 | |
| Ada | Taylor Alison Swift Disember 13, 1989 |
| Pengawa |
|
| Taun aktif | 2003–present |
| Organisasyen | Taylor Swift Productions |
| Gawa | |
| Bala sebilik |
|
| Anugerah | Full list |
| Pengawa musik | |
| Penatai | Nashville, Tennessee, US |
| Genre | |
| Kereban musik |
|
| Label | |
| Lambar web | taylorswift |
| Sain | |
 | |
Taylor Alison Swift (ada 13 Disember 1989) nya siku penyanyi enggau penulis lagu ari Amerika Serikat. Dikelala enggau pengawa nulis lagu autobiografi sereta penemu baru seni, Swift seiku orang ti bepengaruh dalam budaya popular sereta subjek ti dikerinduka mensia mayuh.
Swift nyain dalam Big Machine Records kena taun 2005 lalu mungkalka pengawa iya nyadi penanyi lagu kauntri enggau album Taylor Swift (2006) sereta Fearless (2008). Single "Teardrops on My Guitar", "Love Story", sereta "You Belong with Me" ditemu pemujur crossover ba format radio menua enggau pop. Speak Now (2010) ngerembaika munyi lagu pop kauntri iya enggau kuing lagu rok, lalu Red (2012) dipansik pengaruh elektronik. Swift ngatur baru identiti seni iya ari genre kauntri ngagai pop enggau album synth-pop 1989 (2014); pengawa meresa media ti nangkanka nya meri inspirasyen ngagai hip-hop–imbued Reputation (2017). Dalam kandang taun 2010-an, iya ngumpul lagu tunggal lumur satu ba Billboard Hot 100 Amerika Serikat "We Are Never Ever Getting Back Together", "Shake It Off", "Blank Space", "Bad Blood", sereta "Look What You Made Me Do".
Mindah ngagai Republic Records ba taun 2018, Swift mansutka album pop elektrik Lover (2019) lalu ngerikod baru empat ari enam album keterubah iya ketegal penyarut enggau Big Machine. Iya ngerikut genre indie folk ba taun 2020 enggau album Folklore enggau Evermore, pulai baru ngagai genre synth-pop enggau album Midnights (2022) sereta The Tortured Poets Department (2024), lalu bisi ngengkahka soft rock dalam The Life of a Showgirl (2025). Lagu-lagu "Cardigan", "Willow", "All Too Well (Taylor's Version)", "Anti-Hero", "Cruel Summer", "Is It Over Now?", "Fortnight", enggau "The Fate of Ophelia" bisi dalam charta Hot 100. Eras Tour iya (2023–2024) nya pejalai konsert keterubah ti bulih $1 billion, enggau filem ti bekaul enggau iya, Taylor Swift: The Eras Tour (2023), nyadi filem konsert ti pemadu mayuh bulih duit dalam sejarah.
Swift semina siku aja artis ke kala dipilih nyadi Artis Rikut Global IFPI lima kali. Rikut lapan iti album iya udah dijual lebih sejuta iti minggu keterubah di A.S. Penabur berita baka Rolling Stone enggau Billboard udah ngengkahka Swift entara artis pemadu besai sepanjai maya. Iya nyadi individu keterubah ari seni ke diberi gelar Time Orang dalam Taun tu (2023). Anugerah iya nyengkaum 14 Anugerah Grammy—nyengkaum rikod empat menang Album Taun—enggau Anugerah Primetime Emmy. Swift nyadi artis ke pemadu mayuh bulih anugerah ba Anugerah Muzik Amerika, Anugerah Muzik Billboard, enggau Anugerah Muzik Video MTV. Subjek ke mayuh dipansutka media, iya ngembuan peminat global ke dikelala enggau nama Swifties.