Pulau Bruit
  Bruit Island | |
| Geography | |
|---|---|
| Koordinat | 2°35′0″N 111°20′0″E / 2.58333°N 111.33333°E |
| Pemesai | 417 km2 (161 bt2) |
| Pemanjai | 117.49 km (73.005 mi) |
| Administrasyen | |
| State |  Sarawak |
| Demographics | |
| Population | 9,342[1] (2016) |
| Pop. density | 22.4/km2 (58/sq mi) |
Pulau Bruit nya siti pulau ba Pelilih Menua Daro, Begian Mukah, Sarawak, Malaysia. Pulau tu bepalan ba Delta Rajang, 150 km timur laut ari Kuching.[2] Enggau penyampau mensia bisi 9,342 iku sereta pemesai 417 kilometer persegi, pulau tu pulau kedua pemadu besai ba Malaysia sepengudah Pulau Banggi.[2] Palan luchak ba ujung utara pulau nya udah ditetapka nyadi Kandang Endur Burung Penting ulih BirdLife International.[3]
Sejarah
[edit | edit bunsu]Nitihka bup Sarawak and Its People, Pulau Bruit udah bisi orang diau sebedau taun 1830.[4]
Geografi
[edit | edit bunsu]Pulau Bruit ba Delta Rajang, enggau Tasik China Selatan ba sepiak utara enggau barat, Sarikei ba sepiak selatan enggau Kuala Matu ba sepiak timur. Pulau tu diseraraka ari pulau-pulau bukai dalam Delta Rajang enggau tanah besai nengah muara Batang Paloh ba selatan, enggau Muara Lassa ba timur.
Diatu, pulau tu disambung ngagai tanah besai enggau mengeri ke ngelingi nengah dua palan feri; siti ba ujung selatan lalu siti agi ba tisi timur. Feri selatan nya nyambung pulau nya nengah jalai alun ngagai Tanjung Manis, sebuah palan penyangkai tasik, enggau nengeri Sibu. Titik feri timur nya nyambung iya ngagai mengeri Daro enggau ngagai Mukah, palan pentadbiran bagi menua. Dua jematan iya nya Jematan Muara Lassa (pemanjai 2.43 kilometer) enggau Jematan Batang Paloh (pemanjai 1.7 kilometer), ti deka nyambung pulau nya enggau tanah besai Sarawak benung digaga lalu diperambu tembu ujung taun 2024.[5][6][7]
Sepenyampau kampung berikan bisi ba sepemanjai tebing tasik kelebih agi ba tebing tasik barat, betunga mua enggau Tasik China Selatan enggau sekeda agi ba sepemanjai tebing tasik pulau nya ke bukai. Kampung-kampung tu selalu iya bepalan ba nanga sungai mit ba pulau nya. Dua bengkah genturung pendiau besai iya nya Kampung Semop enggau Kg. Bruit. Diatu, mayuh genturung pendiau disambung nengah jalai pampang sendi ngagai jalai besai ti meraka pulau nya membujur.
Nya ripih kampung ba Pulau Bruit nitihka penyampau orang:
- Bruit - 1935
- Tekajong - 1238
- Penipah - 1081
- Salah Kecil - 364
- Penibong - 425
- Penuai - 105
- Kut - 182
- Semop - 1967
- Saai - 174
- Sedi - 69
- Sebako - 773
- Betanak - 905
- Rumah Juing, Sungai Kelai - 124
Malin
[edit | edit bunsu]- ↑ "Penduduk Daro - Majlis Daerah Matu-Daro".
- ↑ 2.0 2.1 Angelina Sinyang (14 November 2015). "Pulau Bruit jadi tumpuan gara-gara penemuan 'emas'". Utusan Malaysia. Diambi 15 Ogos 2019.
- ↑ "Pulau Bruit National Park". BirdLife International. Diambi 19 August 2024.
- ↑ Wilfred Pilo (11 Disember 2010). "Pulau Bruit in dire straits". The Borneo Post. Diambi 15 Ogos 2019.
- ↑ "Pembinaan Jambatan Batang Lassa dan Paloh pelengkap jalan pesisir". www.utusanborneo.com.my (id jaku Melayu). 2019-07-17. Diambi 2022-12-27.
- ↑ "Muara Lassa Bridge to be completed in Dec 2024". DayakDaily. 25 January 2024. Diarkib ari asal ba 14 July 2024. Diambi 14 July 2024.
- ↑ "Batang Lassa bridge expected to be completed by year-end, says Daro assemblyman". Malay Mail. 7 April 2024. Diarkib ari asal ba 14 July 2024. Diambi 14 July 2024.