Pemintas Suez
| Pemintas Suez | |
|---|---|
.jpg) Pemintas Suez ari atas, ngayanka the Danau Pait Besai ba tengah (pengudah pengerembai 2015) | |
| Koordinat | 30°42′18″N 32°20′39″E / 30.70500°N 32.34417°E |
| Specifications | |
| Pemanjai | 193.3 km (120.1 batus) |
| Maximum boat beam | 77.5 m (254 ka 3 in) |
| Maximum boat draft | 20.1 m (66 ka) |
| Locks | None |
| Navigation authority | Pemesai Pemintas Suez |
| History | |
| Construction began | 25 1859 |
| Date completed | 17 1869 |
| Geography | |
| Start point | Penyangkai Kapal Said |
| End point | Penyangkai Kapal Suez |
 | |
Pemintas Suez (Arab: قَنَاةُ ٱلسُّوَيْسِ, Qanāt as-Suwais) iya nya jalai ai ti digaga ba tikas tasik di Ejip, nyambung Tasik Mediterranean ngagai Tasik Mirah nengah Isthmus Suez sereta nyerara Afrika enggau Asia (lalu nengah chara ti jauh agi, Semenanjung Sinai ari menua Ejip ti bukai). Pemintas sepemanjai 193.30-kilometer-long (120.11 bt) nyadi kunchi jalai dagang entara Eropah enggau Asia.
Dalam taun 1858, seiku diplomat Perancis Ferdinand de Lesseps numbuhka Compagnie de Suez enggau tuju ti nyemetak ngaga pemintas. Pengawa ngaga pemintas tu dipejalaika ari taun 1859 ngagai 1869. Pemintas tu dibuka enggau rasmi kena 17 November 1869. Iya meri kapal jalai terus entara Tasik Atlantik enggau utara Hindi nengah Tasik Tengah enggau Tasik Mirah, nyeliahka diri ari Atlantik Selatan enggau selatan tasik Hindi lalu ngurangka penyauh pejalai ari Tasik Arab ke London dalam urung 8,900 kilometers (5,500 bt), ngagai 10 hari enggau penyampat 20 knots (37 km/j; 23 mph) tauka 8 hari enggau penyampat 24 knots (44 km/j; 28 mph).[1] Pemintas nya ngerembai ari ujung utara Palan Penyangkai Kapal Said nyentuk ngagai ujung selatan Palan Penyangkai Kapal Tewfik ba mengeri Suez. Ba taun 2021, lebih 20,600 buah kapal nengah pemintas nya (purata 56 iti sehari).[2]
Pemintas asal nya bisi jalai ai siti lurung enggau endur nengah ba Ballah Bypass enggau Danau Pait Besai.[3] Iya ngundan, nitihka perambu Alois Negrelli, nadai kunchi, enggau ai tasik ti bibas nengah iya. Ari sukut rama, ai ba pemintas ba utara Danau Pait nya nelusur ke utara maya musin chelap lalu ke selatan maya musin angat. Selatan tasik, arus berubah enggau pasang ba Suez.[4]
Pemintas nya enggi perintah Ejip, tang pemegai saham Eropah, ke tebal agi ari British enggau Peranchis, ngempu kompeni konsesyen ti bejalaika iya nyentuk ngagai bulan Julai 1956, lebuh Presiden Gamal Abdel Nasser nasionalisasyenka iya— siti pekara ti ngujungka Krisis Suez bulan Oktober–November 1956.[5] Terusan nya dipejalaika sereta diintu Lembaga Terusan Suez ti diempu perintah menua Ejip.[6] Di baruh Konvensyen Konstantinopel, iya tau dikena "maya perang baka maya pemaik, ulih tiap kapal dagang tauka perang, nadai bida menira."[7] Taja pia, pemintas nya udah bejalaika tanggungpengawa strategik soldadu ti beguna nyadi jalai pandak soldadu tasik enggau palan chekak. Soldadu Tasik ke bisi garis pantai enggau pengkalan ba kededua Tasik Mediterranean enggau Tasik Mirah (Ejip enggau Israel) ngembuan pengerindu keterubah ba Pemintas Suez. Pengudah Mesir nutup Pemintas Suez ba pun Perang Enam Hari kena 5 Jun 1967, terusan nya mengkang ditutup pengelama lapan taun, lalu dibuka baru kena 5 Jun 1975.[8]
Perintah Ejip ngepunka pengawa pemansang dalam taun 2014 dikena ngemesai sereta ngemesaika Ballah Bypass pemanjai 35km dikena ngenyampatka timpuh transit terusan nya. Pengawa ngemesaika nya ngembuan juluk deka ngangkatka kapasiti Pemintas Suez semak dua kali lipat, ari 49 ngagai 97 iti kapal sehari.[9] Enggau ungkus LE 59.4 billion (US$9 billion), projek tu dipelanja ngena setipikit beranakka puku ti bisi bungai ti dikeluarka eksklusif ngagai entiti enggau orang siku-siku menua Ejip.
Lembaga Pemintas Suez enggau rasmi muka oemintas tisi baru nya dalam taun 2016. Pemintas tisi tu, ba sepiak utara sambung timur Pemintas Suez, meri servis ngagai Terminal Timur endur kapal ngengkahka enggau nurunka kapal ari terminal nya. Laban Terminal Kontena Timur bepalan ba Pemintas nya empu, sebedau pengawa ngaga saluran tisi baru nya enda ulih ngengkahka tauka ngelepaska kapal ba terminal nya lebuh konvoi benung bejalai.[10]
Malin
[edit | edit bunsu]- ↑ "The Suez Canal – A vital shortcut for global commerce" (PDF). World Shipping Council. Archived (PDF) from the original on 22 April 2018. Retrieved 15 March 2019.
- ↑ "Number of ships passing through the Suez Canal from 1976 to 2021". Statista. 31 March 2022.
- ↑ "Suez Canal Authority". Archived from the original on 13 June 2014. Retrieved 2 May 2010.
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ "Suez Crisis". History.com. A&E Television Networks. 9 November 2009. Archived from the original on 30 March 2019. Retrieved 17 April 2019.
- ↑ "SCA Overview". Suez Canal Authority. Archived from the original on 25 June 2019. Retrieved 25 July 2019.
- ↑ Konvensyen Konstantinopel Pemintas Suez kena 2 Mac 1888 agi dikena sereta dikemeranka enggau spesifik dalam Akta Nasionalisasyen Nasser.
- ↑ Feyrer, James. "Distance, Trade, and Income – The 1967 to 1975 Closing of the Suez Canal as a Natural Experiment" (PDF). National Bureau of Economic Research. Archived (PDF) from the original on 11 February 2021. Retrieved 27 March 2021.
- ↑ "New Suez Canal project proposed by Egypt to boost trade". caironews.net. Archived from the original on 29 November 2014. Retrieved 7 August 2014.
- ↑ "Egypt opens East Port Said side channel for navigation". Xinhua. Archived from the original on 25 February 2016. Retrieved 12 March 2016.