Padang Bilun Entarabansa Minangkabau
Padang Bilun Entarabansa Minangkabau Bandar Udara Internasional Minangkabau | |||||||||||
|---|---|---|---|---|---|---|---|---|---|---|---|
 | |||||||||||
 | |||||||||||
| Penerang pandak | |||||||||||
| Bansa padang bilun | Rama | ||||||||||
| Pengempu | Perintah Indonesia | ||||||||||
| Operator | Angkasa Pura II | ||||||||||
| Ngelayan | Padang | ||||||||||
| Dibuka maya |
| ||||||||||
| Zon jam | Jam Indonesia Barat (UTC+07:00) | ||||||||||
| Peninggi ari tikas tasik | 18 ft / 5 m | ||||||||||
| Koordinat | 00°47′12″S 100°16′50″E / 0.78667°S 100.28056°E | ||||||||||
| Laman web | www | ||||||||||
| Kar | |||||||||||
  PDG/WIEE Endur padang bilun ba Sumatera Barat / Indonesia  PDG/WIEE PDG/WIEE (Indonesia) | |||||||||||
| Landasan | |||||||||||
| |||||||||||
Padang Bilun Entarabansa Minangkabau (IATA: PDG, ICAO: WIEE) nya siti padang bilun ke ngelayan provinsi Sumatera Barat ba pulau Sumatera, Indonesia. Padang bilun tu bepalan ba Ketaping, Kabupaten Padang Pariaman ke alai urung 23 km barat laut ari tengah nengeri Padang. Padang bilun tu berengkah beoperasyen maya Julai 2005, nganti Padang Bilun Tabing ke lama ba Padang. Padang bilun tu bulih nama ari raban bansa Minangkabau ke nguan provinsi nya.
Sejarah
[edit | edit bunsu]Padang Bilun Entarabansa Minangkabau bepalan 23 km ari tengah nengeri Padang, ti mungkur pemesai 427 hektar nyadi pintu penama besai ngagai Sumatera Barat. Padang bilun nya digaga dalam taun 2001, nganti Padang Bilun Tabing ke udah beoperasyen pengelama 34 taun. Pengawa mindah ari Padang Bilun Tabing ngagai Padang Bilun Entarabansa Minangkabau digaga laban padang bilun lama enda ulih agi nangkup peminta ari sukut pengelikun penerebai bilun. Pengawa ngaga padang bilun baru nya begunaka ungkus urung 9.4 billion yen, dalam tukuh duit injau lembut ari Bank Kerejasama Entarabansa Jipun (JBIC) enggau bajet nengeri urung Rp 97.6 billion (10% ari nya). Pengawa ngaga nya dipejalaika kunteriktor besai Shimizu enggau Marubeni ari Jipun JO enggau Adhi Karya ari Indonesia. Padang bilun tu ulih endur bilun ke ngembuan tubuh ke luas baka Airbus A330, Boeing 747-400, tauka Boeing 777. Pengudah tembu semua pengawa ngemanah ke diperambu, iya deka ngembuan perengka guna ke manah agi ungkup penumpang enggau operator.
Pengerembai
[edit | edit bunsu]Padang Bilun Entarabansa Minangkabau iya nya padang bilun ketiga di Indonesia, pengudah Padang Bilun Soekarno–Hatta di Cengkareng enggau Padang Bilun Antarabansa Kualanamu di Medan ke digaga ari pun. Padang bilun nya diatu benung dipejalaika pemansang ngambika ulih ditambah. Fasa I udah tembu. Ba renggat II terminal nya deka dikemansang ngagai 49,124 meter persegi ngambika ulih nampung 5.9 juta iku penumpang setaun. Penyampau kaunter check-in deka nambah ngagai penyampau 32 kaunter enggau lima luggage conveyor belt. Landasan nya deka ngerembai ari arus ke ngembuan pemesai 2,750 x 45 meter persegi ngagai 3,000 x 45 meter persegi ngambika ulih nangkup operasyen bilun ke besai agi. Penyampau jalai teksi mega deka nambah ngagai lapan, dikena ngenyampatka trafik bilun ba sepiak langit, ngangkatka prestasi kompeni penerebai bilun nitihka timpuh, sereta nampung mayuh agi operasyen penerebai bilun.[1]
Perengka pengangkut
[edit | edit bunsu]Padang bilun tu ulih dilawa ngena servis bas, teksi, enggau servis tren padang bilun.
Bas
[edit | edit bunsu]| Servis | Alai tuju | Ungkus |
|---|---|---|
| Bas pengangkut padang bilun | ||
| Tranex Mandiri | Lubuk Begalung, Padang | IDR 18,000 |
| Damri | Pasar Raya, Padang | IDR 22,000 |
Teksi
[edit | edit bunsu]Bala penumpang diperansang ngena teksi ke bisi meter dikena nyeliahka diri ari kena tipu. Teksi bisi disediaka sebarang maya ba palan paking teksi. Selalu iya sida bisi ari pukul 07:00 pagi nyentuk 22:30 PM.[2]
Tren
[edit | edit bunsu]Jalai kereta api sepemanjai 3.9 km ti nyambung Stesyen Duku ke semak ngagai Stesyen Padang Bilun Antarabansa Minangkabau ke baru digaga udah dipenyadika Presiden Joko Widodo kena 21 Mei 2018. Ari Stesyen Duku, jalai kereta api nya terus ngagai Stesyen Padang. Iya nyadi sambung kereta api padang bilun ketiga di Indonesia pengudah Penyambung Kereta Api Padang Bilun Kualanamu enggau Penyambung Kereta Api Padang Bilun Soekarno–Hatta.
Penusah bebadi
[edit | edit bunsu]- Padang bilun tu napi pengerusak mimit ketegal tanah berenyang ujung bulan September 2009.
- Kena 2 Ogos 2015 siti bilun Citilink Airbus A320-200 ngelantak landasan maya bedarat ba Padang Bilun Minangkabau. Nadai penusah bebadi nyawa nyadi.
Malin
[edit | edit bunsu]- ↑ "Ini Rencana Pembangunan Bandara Internasional Minangkabau". Republika. Diambi 15 November 2017.
- ↑ "Passenger Guides". Minangkabau International Airport. Diambi 5 November 2018.