Muzium Adityawarman
Museum Adityawarman | |
 Muzium Adityawarman ba dalam tukuh Rumah Gadang Minangkabau | |
 | |
| Established | 16 Mac 1977 |
|---|---|
| Location | Jalan Diponegoro 10, Padang, Indonesia |
| Coordinates | 0°57′19″S 100°21′21″E / 0.955274°S 100.355817°E |
| Type | Muzium etnogradik |
| Collection size | Utai tradisyen bansa Minangkabau enggau Mentawai |
| Owner | Perintah Sumatera Barat |
| Website | www.museumadityawarman.org |
Muzium Adityawarman nya siti muzium negeri (Museum Negeri) bepalan ba Padang, Sumatera Barat. Muzium tu dikelala rasmi enggau nama Muzium Negeri Sumatera Barat (Museum Negeri Sumatera Barat). Muzium tu ngayanka gumpul utai etnografik ke bekaul enggau adat ba Provinsi Sumatera Barat, kelebih agi adat bansa Minangkabau enggau Mentawai.
Sejarah
[edit | edit bunsu]Penemu muzium ungkup adat Sumatera Barat keterubah kali diperambu Amir Ali, Pala Opis Pelajar Adat Sumatera Barat. Perambu ke asal iya deka nirika siti "Dewan Adat Minangkabau". Penemu tu dipadah ngagai Gabenor Sumatera Barat maya nya, Harun Al Rasyid Zain. Penemu tu ditimbal enggau manah ari piak bekuasa menua, nya alai pengawa ngaga Muzium Negeri ungkup Provinsi Sumatera Barat udah berengkah.
Pengaga berengkah maya taun 1974 ba plot tanah sepemesai 2.6 hektar (6.4 ekar). Pengaga muzium tu ngambi 3 taun. Muzium tu dipenyadika kena 16 Mac 1977, ulih Opis Menteri Pelajar enggau Main Asal Indonesia maya nya, Syarief Thayeb. Kena 28 Mei 1979, sebuah Muzium Negeri ditumbuhka ngena nama ‘Muzium Negeri Sumatera Barat’. (Jaku Indonesia: Museum Negeri Sumatera Barat) lalu diberi nama Adityawarman. Nama Adityawarman datai ari pemungkal enggau pemerintah Malayapura ba Tanah Tinggi Minangkabau ba abad ke-14.[1]
Perambu meri nama Adityawarman diisi enggau kontroversi, kelebih agi ba raban bansa Sumatra Barat. Taja pan sejarah Adityawarman ti beguna dalam mai mulia ngagai perintah Minangkabau sereta iya nya orang Minangkabau nengah atur matrilineal, tang kaul Adityawarman enggau pemerintah Jawa ngasuh iya nyadi kontroversi. Siti chunto kontroversi bekaul enggau nama Adityawarman iya nya lebuh Menteri Pelajar Mohammad Yamin deka meri nama nya ngagai sebuah universiti di Sumatera Barat, tang rayat nulak nama nya lalu nukar nama nya ngagai Universiti Andalas dalam taun 1956. Dalam taun 1975, Gabenor Harun . Zain enggai ngemendarka muzium nya dikumbai Muzium Adityawarman. Taja pia, pengawa iya ti enggai nya diputarka Azwar Anas, penganti iya.
Berindik ari skim autonomi pelilih menua di Indonesia, dalam taun 2001 pengawa ngatur muzium nya dipindahka ngagai Perintah Wilayah Sumatera Barat, terus ari baruh Jabatan Budaya dan Dagang Temuai Provinsi Sumatera Barat.
Muzium nya rusak ketegal tanah berenyang Padang. Lebih 80% ari koleksyen muzium nya udah rusak.[2]
Begunan
[edit | edit bunsu]Muzium tu diengkah ba sebuah begunan asal Minangkabau ti dikelala enggau nama Rumah Gadang. Dua iti rangkiang (durung Minangkabau) ngapit muzium ba laman mua rumah.
Koleksyen
[edit | edit bunsu]Muzium tu endur nyimpan kereban sejarah enggau budaya ke ditemu ba pelilih menua Sumatera Barat, kelebih agi ke bekaul enggau budaya sereta sejarah Minangkabau enggau Mentawai. Naka taun 2006, muzium tu bisi nyimpan 5,781 iti barang. Koleksi ke pemadu tebilang ba Muzium Adityawarman iya nya relik ari jeman perintah Melayu-Buddha Dharmasraya abad ke-11, e.g. duplikat patung Bhairawa enggau inskripsyen Amoghapasa (asal iya disimpan ba Muzium Nasional).
Malin
[edit | edit bunsu]- ↑ "Museum Negeri Provinsi Sumatera Barat "Adityawarman"". Asosiasi Museum Indonesia. ASOSIASI MUSEUM INDONESIA. 2017. Archived from the original on January 15, 2017. Retrieved November 3, 2017.
- ↑ Suryanto (October 12, 2009). "Museum Adityawarman Sumbar Rusak Akibat Gempa" [Adityawarman Museum of West Sumatra Damaged Because of Earthquake]. Antara News. Antara News. Retrieved November 3, 2017.