Pegi ngagai isi

Menua mansang

Ari Wikipedia
  Menua mansang (IMF)
  Menua ngerembai (IMF)
  Menua tebelakang (UN)
  Nadai data

Kar dunya ti ngayanka klasifikasyen menua nitihka IMF[1] enggau GBB[2] (kepenudi dikemaru kena April 2023). "Ekonomi mansang" nitihka skim klasifikasyen tu dipandangka ngena chura biru. Kar nya nadai nyengkaum klasifikasyen ari Bank Dunya.

Leka jaku menua mansang,[3][4] nujuka sebarang bengkah menua ti ngembuan kualiti pengidup ti tinggi, ekonomi ti mansang, enggau infrastruktur teknologi ti maju enti dibandingka enggau menua bukai ti kurang beindustri. Ke pemadu suah, kriteria dikena beratika tikas pemansang ekonomi iya nya produk domestik kasar (KDNK), produk kasar menua (GNP), penatai pemisi per kapita, tikas industrialisasyen, penyampau infrastruktur ti ngerembai enggau tikas pengidup rama.[5] Definisyen ti bebida pasal menua ti udah mansang disediaka Tabung Wang Entarabansa enggau Bank Dunya; tambah mega, penuduk HDI dikena ngayanka indeks komposit umur, pelajar, enggau penatai pemisi per kapita. Ba taun 2023, 40 buah menua setipak enggau semua empat kriteria, lalu tambah 19 buah menua setipak enggau tiga ari empat.

Menua mansang ngembuan ekonomi pasca industri ke mansang agi, reti nya sektor servis meri mayuh agi pengaya ari sektor industri. Sida tu dibida enggau menua ngerembai, ti benung dalam proses industrialisasyen tauka pra-industri lalu nyau deka semua agrarian, sekeda ari nya engka masuk dalam kategori Menua Tebelakang. Naka taun 2023, ekonomi mansang mungkur 57.3% ari GDP global bepelasarka rega nominal enggau 41.1% ari GDP global bepelasarka pariti kuasa meli (PPP) nitihka IMF.[6]

Reti enggau kriteria

[edit | edit bunsu]
Klasifikasyen ekonomi menua enggau kandang menua dunya ulih Dagang enggau Pemansang GBB: ekonomi ti mansang dikemeratka ngena chura biru.[7][8]

Kriteria ekonomi udah suah agi nguasa randau. Siti ari kriteria ke baka nya iya nya penatai pemisi per kapita; menua ti ngembuan produk domestik kasar (KDNK) per kapita ti tinggi enggau nya deka dikumbai menua ti udah mansang. Siti agi kriteria ekonomi iya nya industrialisasi; menua ti endur sektor industri tersier enggau kuaternari nguasa enggau nya deka digambarka udah mansang. Apin lama ke udah, siti agi ukur, Indeks Pemansang Mensia (HDI), ti begulaika ukur ekonomi, penatai pemisi menua, enggau ukur bukai, indeks ungkup umur enggau pelajar udah nyadi tampak. Kriteria tu deka meri definisyen menua maju iya nya menua ke ngembuan peningkat (HDI) ke tinggi amat. Indeks nya taja pia enda ngambi kira beberapa pekara, baka pengaya beresi per kapita tauka kualiti barang ti relatif ba sesebengkah menua. Situasyen tu suah agi nurunka penuduk sekeda menua ti pemadu maju, baka kaban G7 enggau ke bukai.[9][10]

Nitihka penerang ari Begian Statistik Gerempung Bansa Beserakup:

Nadai konvensyen ti udah ditetapka dikena netapka menua tauka kandang menua "mansang" enggau "benung mansang" dalam sistem Gerempung Bansa Beserakup.[11]

Lalu iya beratika:

Leka jaku "mansang" enggau "benung mansang" dituju ke pengelantang statistik lalu enda tentu mantaika penemu pasal renggat ti dijapai sesebengkah menua tauka kandang endur dalam proses pemansang.[12]

Taja pia, Dagang enggau Pemansang PBB beratika kategorisasyen tu ulih terus dikena:

Ekonomi ke mansang nya enggau luas mungkur Amerika Utara enggau Eropah, Israel, Jipun, Republik Korea, Australia, enggau New Zealand.[7]

Malin

[edit | edit bunsu]
  1. ↑ "World Economic and Financial Surveys World Economic Outlook Database—WEO Groups and Aggregates Information". International Monetary Fund. Diarkib ari asal ba 3 March 2023. Diambi 2 June 2022.
  2. ↑ Least Developed Countries Archived 17 Mei 2011 at the Wayback Machine (2018 list Archived 21 Disember 2019 at the Wayback Machine)
  3. ↑ "Fiscal Policy and Inclusive Growth in Advanced Countries: Their Experience and Implications for Asia" (PDF). adb.org. Asian Development Bank. December 2014. Diarkib (PDF) ari asal ba 26 July 2021. Diambi 8 July 2021.
  4. ↑ "Advanced Countries Will Benefit Most from Progress in Technology, with Lesser Benefits to Other Nations". rand.org. RAND Corporation. 1 June 2006. Diarkib ari asal ba 21 August 2021. Diambi 8 July 2021.
  5. ↑ Developed Economy Definition Archived 22 Mac 2016 at the Wayback Machine. Investopedia (16 April 2010). Retrieved 12 July 2013.
  6. ↑ International Monetary Fund. "World Economic Outlook Database, April 2023". International Monetary Fund. Diarkib ari asal ba 13 April 2023. Diambi 30 April 2023.
  7. ↑ 7.0 7.1 "UNCTADstat - Classifications". Diarkib ari asal ba 6 October 2022. Diambi 30 September 2022.
  8. ↑ "Classifications - UNCTAD Handbook of Statistics 2023". unctad.org.
  9. ↑ The Courier (id jaku Inggeris). Commission of the European Communities. 1994. Diarkib ari asal ba 15 March 2020. Diambi 20 January 2021.
  10. ↑ "Human development index". Economics Help (id jaku Inggeris British). Diarkib ari asal ba 17 December 2020. Diambi 23 September 2018.
  11. ↑ "Millennium Development Indicators: World and regional groupings". United Nations Statistics Division. 2003. Note b. Diarkib ari asal ba 10 February 2005. Diambi 13 May 2017.
  12. ↑ "Standard Country and Area Codes Classifications (M49): Developed Regions". United Nations Statistics Division. Diarkib ari asal ba 11 July 2017. Diambi 13 May 2017.
Diambi ari "https://iba.wikipedia.org/w/index.php?title=Menua_mansang&oldid=9439"