Louis Tomlinson

Louis Tomlinson
Louis Tomlinson maya 2019
Ada	Louis Troy Austin (1991-12-24) 24 Disember 1991 Doncaster, South Yorkshire, England
Pengawa	Penyanyi penulis lagu produser muzik
Taun aktif	2010–diatu
Gawa	Diskografi solo Diskografi One Direction
Anak	1
Pengawa musik
Genre	Indie rock Alternative rock Britpop Pop rock
Kereban musik	Vokal
Label	BMG Arista Syco Columbia
Kaban	One Direction
Lambar web	louis-tomlinson.com
Sain

Louis William Tomlinson (ada Louis Troy Austin; 24 Disember 1991) nya siku penyanyi, penulis lagu enggau produser asal ari England. Iya niki ngagai nama nyadi kaban raban One Direction. Tomlinson bisi ngambi audisyen ba siri pekit muzik British The X Factor maya taun 2010. Pengudah iya dibuai nyadi pemerindang solo, iya diengkah dalam siti raban enggau empat iku pemekit bukai ti lalu nyadi siti ari band lelaki ke pemadu laku sepanjai maya.

Berindik ari maya raban nya ngetu ba taun 2016, Tomlinson ngeluarka lagu “Just Hold On” enggau Steve Aoki nyadi lagu solo keterubah maya bulan Disember 2016. Iya manggai ba lumur dua ba Carta Tunggal UK lalu diberi setipikit platinum ba UK. Maya taun 2017, iya ngeluarka lagu "Back to You" begulai enggau penyanyi Amerika Bebe Rexha sereta "Miss You". Ba taun ke sama, iya bisi ayan dalam rintai nama orang ke pemadu bepengaruh di UK taun 2017 Debrett. Dalam taun 2018, iya bisi ayan ba siri kelima belas The X Factor nyadi akim enggau mentor kategori "Boys".

Maya taun 2019, Tomlinson ngeluarka lagu single "Two of Us", "Kill My Mind", "We Made It", "Don't Let It Break Your Heart" enggau "Walls". Album studio solo keterubah iya, Walls, dikeluarka maya bulan Januari 2020, lalu keterubah iya ba lumur 4 di UK enggau lumur 9 ba Billboard 200 Amerika Syarikat. Album studio kedua iya, Faith in the Future, dikeluarka maya November 2022 ke alai iya keterubah iya ba lumur 1 di UK enggau lumur 5 ba Billboard 200 US.