Katedral Metropolitan Athens

Katedral Metropolitan Pemadah (Gerika: Καθεδρικός Ναός Ευαγγελισμού της Θεοτόκου, romanized: Kathedrikós Naós Evangelismoú tis Theotókou), tebilang enggau nama Metropolis or Mitropoli (Gerika: Μητρόπολη, romanized: Mitrópoli), nya siti gerija katedral Archbishoprik Athens enggau serata Gerika.

Sejarah

Pengawa nirika katedral tu berengkah naya Hari Krismas, 1842 enggau pengengkah batu sukut ari Raja Otto enggau Kuin Amalia. Pengaga tu di baruh arkitek Theophil Hansen lalu disambung Dimitris Zezos, Panagis Kalkos enggau François Boulanger. Pengereja ngena batu marmar ari 72 gerija ti udah direrak kena ngaga dinding besai katedral. Tiga arkitek sereta 20 taun udah nya, katedral tu udah tembu digaga. Kena 21 Mei 1862, katedral ke udah tembu nya diungkupka Pemadah Indai Allah Taala (Ευαγγελισμός της Θεοτόκου) ulih Raja enggau Kuin. Katedral nya ngembuan tiga lurung, basilika bekubah sepemesai 130 kaki (40 m) panjai, 65 kaki (20 m) libar, enggau 80 kaki (24 m) tinggi. Ba dalam nya bisi pendam dua sante ti udah dibunuh orang Turki Ottoman ba jeman Ottoman: Sante Philothei enggau Patriak Gregory V.

Sante Philothei ngaga siti konven, udah midang kudus kena taun 1589, lalu tulang iya agi ulih ditampak dalam relikari pirak. Iya dipebasa ketegal nebus ulun indu Gerika dalam harem Empayar Ottoman.
Gregory V ari Konstantinopel, Patriark Konstantinopel, udah digantung ketegal asuh Sultan Mahmud II lalu tubuh iya ditikau ke Bosphorus kena taun 1821, kena malas penyarut orang Gerika kena 25 Mac, ngujungka Perang Meredeka Gerika.

Ba selatan katderal nya bisi Gerija St. Eleftherios ti dikumbai mega enggau nama "Mitropoli Mit." Ba dataran Mitropoleos ba mua katedral bisi dua iti patung. Keterubah iya Constantine XI, raja besai kepenudi Empayar Rome Timur. Patung kedua iya nya Bishop Besai Damaskinos ke nyadi Bishop Besai maya Perang Dunya II sereta nyadi Rejen Raja George II sereta Menteri Besai Gerika ba taun 1946. Katedral Metropolitan mengkang nyadi tanda menua besai ba Athens sereta nyadi palan pengerami penting ke bisi orang politik nasional datai, seraya pengawa bejadi enggau nguburka orang ke tebilang.