Pegi ngagai isi

Karl Ernst Claus

Ari Wikipedia
Karl Claus
Ada(1796-01-22)22 1796
Dorpat, Livonia Governorate, Russian Empire
Haribulan
pemarai		24 Mac 1864(1864-03-24) (umur 68)
Dorpat, Livonia Governorate, Empayar Rusia
Alma materUniversiti Tartu
Dikelala ketegalPenemu ruthenium
AnugerahDemidov Prize
Scientific career
Fields
Institutions

Karl Ernst Claus, dikelala mega enggau nama Karl Klaus tauka Carl Claus (Rusia: Карл Ка́рлович Кла́ус, romanized: Karl Karlovich Klaus; 22 Januari 1796 – 24 Mac 1864),[1] iya nya seiku pakar kimia enggau naturalis Rusia ke asal ari Jereman Baltik. Claus seiku profesor ba Universiti Negeri Kazan sereta kaban Akademi Sains Rusia. Iya keterubah iya dikelala nyadi seiku pakar kimia sereta penemu elemen kimia ruthenium, ti diberi iya nama nitihka nama menua asal iya Rusia,[2][3] tang mega nyadi siku ari saintis keterubah ngena chara kuantitatif dalam botani.[4][5][6]

Pengidup tumu enggau pelajar

[edit | edit bunsu]

Karl Claus ada ba taun 1796 ba Dorpat, Gabenorat Livonia, Empayar Rusia. Iya anak siku pelukis. Maya umur iya empat taun, iya lenyau apai lalu dua taun udah nya nyadi anak patu balu. Dalam taun 1810, iya pindah ngagai Saint Petersburg lalu berengkah gawa nyadi pemantu ba sebuah farmasi. Taja pan iya bedau nerima pelajar formal, tang maya umur 21 taun, Claus mujur pas ba peresa Negeri ba farmasi di Akademi Perubat Soldadu St. Petersburg, nyadi kaban farmasi pemadu biak di Rusia maya nya.[4] Pengudah nya maya taun 1826, iya numbuhka farmasi iya empu ba Kazan.[7][1]

Ba taun 1821, Claus jadi enggau Ernestine Bate ti dikelala iya kenyau ari iya agi biak. Seduai iya bisi tiga iku anak indu ada di Kazan lalu udah nya bisi seiku anak lelaki, lebuh seduai iya pindah baru ngagai Tartu.[4]

Botani

[edit | edit bunsu]

Ba taun 1827, Claus ngaul diri nyadi pemantu Eduard Friedrich Eversmann, dalam pansik botani stepa sungai Ural enggau Volga. Iya udah nya ngena data ti digumpul nya dalam pengawa iya Flora der Wolgagegenden (Flora ba Kandang Menua Volga).[7]

Ba taun 1834, lebuh agi belajar ba Universiti Tartu, Claus bisi enggau pejalai botani bukai ngagai stepa trans-Volga – sekali tu enggau profesor kimia Gebel. Asil ari ekspedisyen tu dikeluarka dalam taun 1837–1838.[7][8]

Kimia

[edit | edit bunsu]

Dalam taun 1828, lebuh iya udah manggai umur 32 taun, Claus mutuska deka nampung pelajar iya ba Universiti Tartu. Sekumbang ke belajar, dalam taun 1831, iya berengkah gawa nyadi pemantu ba makmal kimia universiti nya. Iya nembuka pelajar dalam taun 1835, lalu dalam taun 1837, iya ngetanka tesis PhD iya pasal fitokimia analitik ("Lasar Fitokimia Analisis") ba Universiti Tartu. Ba taun ke sama, iya minta ba Akademi Perubat-Pembedahan St Petersburg ngambika bulih pangku pengawa akademik lalu bulih pangku pengawa nyadi ketuai makmal kimia ba Universiti Negeri Kazan. Dalam taun 1839, iya ngetanka tesis habilitasi pasal pengawa nyerara mineral dalam ai mineral lalu dipadu nyadi penulung profesor. Iya nyadi profesor penuh dalam bidang kimia dalam taun 1844.[7]

Ruthenium

[edit | edit bunsu]

Ba taun 1840, Claus, nerima mayuh sampel bijih timah platinum ke pansik iya ari Gunung Ural enggau St Petersburg Mint lalu berengkah gawa ba kimia enggau ngasingka logam mulia, kelebih agi rhodium, iridium, osmium, enggau ba tikas ke mit agi, palladium enggau platinum. Dalam taun 1844, iya tetemuka elemen kimia baru, ti diberi iya nama ruthenium, nitihka nama Ruthenia, nama ti dilatin ungkup Rusia enggau nama Latin Rus’, ti mai reti Сlaus Empayar Rusia enggau Rusia kelebih agi.[2][6][9][10] Milih nama elemen baru nya, iya madahka: "Aku meri nama tubuh baru nya, dikena bebasaka Menua Indai aku, ruthenium. Aku bisi hak ngumbai iya ngena nama tu laban Tuan Osann ngelengka ke ruthenium iya lalu leka jaku nya bedau bisi dalam kimia."[2][11]

Claus ukai semina mujur nyerara ruthenium, tang mega nentuka pemerat atom enggau sifat kimia iya. Iya beratika penyemaka sifat kimia rutenium, rhodium, palladium enggau platinum lalu enggau silik dokumentasyen asil iya. Ketegal penemu tu, iya diberi Hadiah Demidov sepenyampau 5,000 rubles (ti mayuh mantu belanja ngagai sida sebilik ti besai).[4][7] Iya nganjung sampel elemen baru ngambika dianalisis ngagai Jöns Jakob Berzelius, ti nyadi siku ari saintis ti pemadu tebilang dalam bidang elemen baru, lalu ari nya iya dikelala bala saintis Eropah.[10][12]

Pengerai enggau taun ke penudi

[edit | edit bunsu]

Claus dikelala enggau ulah iya ti enda ibuhka pengerai iya. Kelebih agi, iya suah ngasaika kimia enggau sebatian baru iya lalu nguji pengering asid nya enggau chara nyelup jari ngagai asid nya lalu negu dilah iya ngena asid nya. Bisi sekali iya balat angus mulut lebuh ngasaika siti ari sebatian ruthenium baru ti udah disintesis iya. Lebuh iya ngasingka osmium tetroxide – sebengkah kimia ti chukup toksik – iya nerangka asai iya baka astringent sereta baka lada. Kena bulan April 1845, iya diracun wap osmium tetroksida lalu patut badu gawa pengelama dua minggu.[13] Dalam taun 1852, Klaus pindah ari Kazan pulai ngagai Universiti Tartu lalu mangku pengawa nyadi profesor dalam bidang farmasi. Iya mati ba Tartu dalam taun 1864.[4][7]

Malin

[edit | edit bunsu]
  1. ↑ 1.0 1.1 Templat:NDB
  2. ↑ 2.0 2.1 2.2 Matthey, Johnson. "The Discovery of Ruthenium". Johnson Matthey Technology Review (in Inggeris AS). Retrieved 4 August 2020.
  3. ↑ "Origin and meaning of ruthenium". Online Etymology Dictionary. Retrieved 5 August 2020.
  4. ↑ 4.0 4.1 4.2 4.3 4.4 Клаус, Карл КарловичTemplat:Fix/category[permanent dead link] in Волков В.А. et al "Выдающиеся химики мира: Биографический справочник" Moscow, Высш. шк., 1991 (in Russian)
  5. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  6. ↑ 6.0 6.1 Ralat Lua pada baris 3162 di Modul:Citation/CS1: attempt to call field 'year_check' (a nil value).
  7. ↑ 7.0 7.1 7.2 7.3 7.4 7.5 Клаус Карл Карлович Brockhaus and Efron Encyclopedic Dictionary (in Russian)
  8. ↑ "Reise in die Steppen des südlichen Russlands" by F. Göbel, C. Claus und A. Bergman (in German)
  9. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  10. ↑ 10.0 10.1 Ralat Lua pada baris 3162 di Modul:Citation/CS1: attempt to call field 'year_check' (a nil value).
  11. ↑ "Claus, Karl (1845). "О способе добывания чистой платины из руд"". Горный журнал (Mining Journal) (in Russian): 7 (3): 157–163.
  12. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  13. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
Diambi ari "https://iba.wikipedia.org/w/index.php?title=Karl_Ernst_Claus&oldid=10020"