Endaraja
Endaraja nya siti fenomena optik ketegal bias, pantul dalam enggau rampah penampak dalam titik air ngujungka spektrum penampak ti terus ayan ba langit.[1] Endaraja tu betukuh engkelung bulat ti mayuh chura.[2] Endaraja ti nyadi ketegal panchar mata panas selalu ayan ba bagi langit ti betentang terus enggau Matahari. Endaraja tau nyadi ketegal mayuh macham bansa ai ti bisi ba angin. Tu nyengkaum ukai semina ujan aja, tang mega kabut, sembur, enggau embun ti bisi ba angin.
Endaraja tau nyadi bulat penuh. Taja pia, orang ke meratika nya biasa iya semina meda engkelung ti ditempa titik-titik ti dpanchar ba atas tanah,[3] lalu bepusat ba garis ari Matahari ngagai mata orang ke merati.
Ba endaraja primari, engkelung ngayanka chura mirah ba bagi luar enggau violet ba bagi dalam. Endaraja tu nyadi ketegal penampak ti bebias lebuh tama ngagai titik ai, udah nya pantul ke dalam ba belakang titik ai nya lalu bebias baru lebuh pansut ari nya.
Dalam endaraja beganda, engkelung kedua dipeda ba luar engkelung primari, lalu bisi atur chura iya ti dibali, enggau chura mirah ba tisi dalam engkelung. Utai tu nyadi ketegal penampak ti dipandangka dua kali ba dalam titik ai sebedau pansut ari iya.
Malin
[edit | edit bunsu]- ↑ Tony Buick (2010). The Rainbow Sky: An Exploration of Colors in the Solar System and Beyond. Springer Science & Business Media. p. 200. ISBN 9781441910530. Diarkib ari asal ba 22 June 2023. Diambi 28 May 2023.
- ↑ "Rainbow". National Geographic. Diarkib ari asal ba 20 May 2023. Diambi 20 May 2023.
- ↑ Masters, Jeff (14 April 2005). "The 360-degree Rainbow". Weather Underground. The Weather Company. Diarkib ari asal on 29 January 2015.