Dayak
Dyak | |
|---|---|
Ketuai Dayak megai sangkuh enggau terabai Klebit Bok. | |
| Penyampau tubuh | |
| c. 8.18 juta | |
| Kandang endur ti mayuh mensia | |
| Borneo: | |
| c. 4,589,938[1] | |
| c. 3,597,644[2] | |
| Jaku | |
| Jaku asal Borneo Utara Besai (Melayik, Dayak Darat, Kayan-Murik, Sarawak Tengah, Sarawak Utara, Sabah ) • Barito • Tamanik Ke bukai Inggeris • Melayu Malaysia • Indonesia • Leman jaku Melayu | |
| Pengarap | |
| Pengambis mayuh Kristian (Protestan, Katolik)(62.7%) Minoriti Islam (Sunni) (31.6%) Hindu/Kaharingan (4.8%) enggau ke bukai (i.e. Animisme) (0.9%)[3] | |
| Raban bansa ke bekaul | |
| Orang Austronesia Banjar • Melayu • Bajau Sama • Rejang • Malagasi, ekb. | |
Dayak (sepil lama: Dajak) tauka Dyak tauka Dayuh nya siti ari raban bansa asal ari Borneo.[4] Iya nya leka jaku ti lunggar ungkup lebih 200 bansa ti diau ba sungai enggau bukit, ti bepalan tebal agi ba tengah enggau selatan pedalaman Borneo, tiap-tiap raban bansa bisi jaku, adat, undang-undang, kandang menua, enggau budaya kediri empu, taja pan ulah ti sama mida nya mudah dikelala. Orang Dayak kala megai pengarap animisme (Kaharingan); tang kenyau ari abad ke-19 udah bisi orang bebala mayuh masuk pengarap Kristian sereta mega pengarap Islam ketegal pengerembai pengarap-pengarap Abrahamik.[5]
Etimologi
[edit | edit bunsu]Nama Dayak dipelabaka bepun ari jaku Melayu Brunei enggau Melanau, reti nya "orang ke diau ba menua pesisir", nadai nunjukka sebarang etnik ke spesifik. Gelar tu udah nya dikena penulis Belanda enggau Jerman nyadika leka jaku ke dikena ungkup suku bansa asal Borneo ke ukai Islam. Nya alai, batang bida entara Dayak enggau ukai Dayak iya nya ba pengarap. Taja pia, penulis English enda setuju enggau klasifikasyen ke ditengkebang Belanda enggau Jerman, nyengkaum James Brooke, ti semina ngena leka jaku Dayak ungkup dua iti raban ke spesifik iya nya Dayak Darat (Bidayuh) enggau Dayak Laut (Iban).
Klasifikasyen Belanda ti berengkah dalam abad ke-19 udah nya dikerembaika di Indonesia, nyadika leka jaku amt ungkup semua suku bansa ukai Islam di pulau Borneo nyentukka.. Lebuh ba Malaysia, leka jaku Dayak sechara umum mengkang nyadika malin ngagai suku bansa Iban (suba dikangau enggau nama Dayak Laut) enggau Bidayuh (suba dikelala enggau nama Dayak Darat).

Raban bansa enggau jaku
[edit | edit bunsu]Bansa Dayak ukai mina bejaku ngena siti jaku.[6] Jaku-jaku sida diempu mayuh raban-raban mit ti beleman baruh jaku-jaku Malayo-Polynesia, baka jaku-jaku Dayak Darat, Melayik, Sabah (taja raban bansa ba Sabah enda suah disengkaum dalam bansa Dayak di Malaysia), sereta Barito.[7][8] Kemaya hari tu mayuh orang Dayak nemu bejaku enda kurang ari dua jaku, kelimpah ari jaku asal sida, sida mega landik bejaku Indonesia tauka Melayu sereta jaku Inggeris, nitihka menua endur asal sida. Mayuh ari jaku-jaku bansa Dayak nya endemik (reti iya jaku-jaku tu enda dikena ba menua luar). Pemayuh macham budaya enggau jaku tu sebaka enggau biodiversiti ti tinggi sereta bekaul penemu tradisional Borneo.
Dipelabaka urung 170 bansa jaku enggau dialek dikena ba pulau nya lalu sekeda semina dikena beberapa ratus iku aja, lalu enggau nya meri risiko ti besai ngagai jemah ila jaku nya enggau pesaka asal ti bekaul.
Ba taun 1954, Tjilik Riwut ngeklasifikasyenka mayuh macham raban Dayak ngagai 18 suku bansa di serata pulau Borneo, enggau 403 sub-suku bansa nitihka jaku, adat, enggau budaya asal sida empu. Taja pia, iya enda netapka nama sub-suku bansa nya dalam penerbitan iya .:[9]
| Kluster | Suku Bansa | Penyampau suku bansa | Kandang menua enggau pemayuh ti signifikan[10] |
|---|---|---|---|
| I. Ngaju |
53 |
Borneo Tengah-Selatan | |
| II. Apukayan |
24 |
Borneo Timur Laut | |
| III. Iban/Dayak Laut |
11 |
Barat laut menua pesisir Borneo | |
| IV. Klemantan/Dayak Darat |
Bidayuh |
47 |
Kandang menua luar barat laut Borneo |
| V. Punan |
20 |
Borneo Tengah-Timur | |
| VI. Murut |
6 |
Borneo Utara | |
| VII. Ot Danum |
61 |
Borneo Tengah-Selatan |
Kereban sanding
[edit | edit bunsu]- ↑ "Jumlah dan Persentase Penduduk menurut Kelompok Suku Bangsa" (PDF). media.neliti.com. Kewarganegaraan, suku bangsa, agama dan bahasa sehari-hari penduduk Indonesia. Retrieved 13 May 2022.
- ↑ "Population Distribution and Demography" (PDF). Malaysian Department of Statistics. Archived from the original (PDF) on 13 November 2013.
- ↑ Ananta, Aris; Arifin, Evi; Hasbullah, M.; Handayani, Nur; Pramono, Wahyu (2015). Demography of Indonesia's Ethnicity. Singapore: ISEAS Publishing. p. 272. ISBN 978-981-4519-87-8. Retrieved 8 May 2020.
- ↑ "Report for ISO 639 code: day". Ethnologue: Countries of the World. Archived from the original on 1 Oktober 2007.
- ↑ Chalmers, Ian (2006). "The Dynamics of Conversion: the Islamisation of the Dayak peoples of Central Kalimantan" (PDF). Asian Studies Association of Australia. Archived from the original (PDF) on 7 March 2014. Retrieved 3 December 2016.
- ↑ Avé, J. B. (1972). "Kalimantan Dyaks". In LeBar, Frank M. (ed.). Ethnic Groups of Insular Southeast Asia, Volume 1: Indonesia, Andaman Islands, and Madagascar. New Haven: Human Relations Area Files Press. pp. 185–187. ISBN 978-0-87536-403-2.
- ↑ Adelaar, K. Alexander (1995). Bellwood, Peter; Fox. James J.; Tryon, Darrell (eds.). "Borneo as a cross-roads for comparative Austronesian linguistics" (PDF). The Austronesians: Historical and Comparative Perspectives (online ed.). Canberra, Australia: Department of Anthropology, The Australian National University: 81–102. ISBN 978-1-920942-85-4. Archived from the original (PDF) on 29 Jun 2014. Retrieved 29 Jun 2014.
- ↑ See the language list at "Borneo Languages: Languages of Kalimantan, Indonesia and East Malaysia". Royal Netherlands Institute of Southeast Asian and Caribbean Studies, Koninklijk Instituut voor Taal-, Land- en Volkenkunde (KITLV). Archived from the original on 9 Februari 2012.
- ↑ Masri Singarimbun (1991). "Beberapa aspek kehidupan masyarakat Dayak". Humaniora. 3: 139–151. Retrieved 3 May 2022.
- ↑ Masri Singaribum. "Beberapa Aspek Kehidupan Masyarakat Dayak". media.neliti. Retrieved 3 May 2022.