Baju Burung
Baju burung nya pekayan adat laki Iban. Baju burung nya pekayan adat laki Iban. Iban bansa ti tebesai ba Sarawak. Asal baju burung dipelabaka dikena bujang berani Iban. Laki ti ngena gari tu dikumbai keling. Keling iya nya gelar ngagai orang Iban ti mai reti laki ke berani enggau siga. Entara utai ke disengkaum ba baju burung tu iya nya, gagung, ketapu, sirat, marik, terabai enggau senyata.
Gagung
[edit | edit bunsu]Gagung tradisional gaga ari kulit jelu. Gagung dikena maya Gawai Dayak enggau pengerami besai. Nitih ke pengarap orang kelia, bala munsuh takut ngelaban enggau orang Iban enti sida ngena gagong. Tebal gagung digaga ari kulit jelu keran kulit ti
Ketapu
[edit | edit bunsu]Ketapu dingena ba atas pala. Ketapu tu digagak ari rutan. Iya ditenun nitihka chura tiap iku. Udah nya, iya diengkah bulu burung. Majak mayuh bulu burung ke dikena, majak manah ketapu digaga.
Sirat
[edit | edit bunsu]Sirat nya gari laki ke ngena ba belakang enggau chara nutup nyentuk ngagai baruh pah. Maya kelia, laki enda ngena tanchut tang ngena sirat aja. Sirat ulih dikena maya ritual tauka pengerami Gawai Dayak. Orang Iban kelia selalu ngiga asil utan ketegal deka ngaga baju enggau sirat. Chara ngena sirat tu iya nya balut ba pinggang enggau bagi kangkang. Ujung dijuntai ari pinggang ke mua enggau belakang tubuh. Kadang-kadang manik diengkah nyadi perengka iyas ba bagi nya.
Marik
[edit | edit bunsu]Marik disulam enggau ngena manik aja. Manik tu bisi chura ti bebida-bida. Bisi mega orang ke ngena taring baka maruk. Taring nya diambi ari jelu.
Terabai
[edit | edit bunsu]Terabai nya perengka perang bansa Iban. Terabai tu dikena laki Iban iya ke berani ngemegah diri. Ba jeman moden, terabai dikena ba pengawa ngajat. Terabai tau dibandingka enggau pemesai nembiak, kira-kira 3 ngagai 5 kaki. Terabai digaga ari kayu keras ngau tahan. Kayu tebelian dikena dalam terabai lama. Terabai baru ngena kayu ringan laban mudah diukir. Chara ukir terabai nitih pengelandik tiap-tiap nitihka chura asal bansa Iban.
Senyata
[edit | edit bunsu]Senyata tu dikena nyadika kereban lebuh bejalai, ngasu jelu enggau belaya. Utai tu dikena ngelatih bujang berani ngetanka nengeri. Senjata ke dikembuan laki Iban iya nya Ilang enggau Nyabur. Ilang enggau Nyabur sama iya nya Nyabur pandak agi ari Ilang lalu mata Nyabur besai agi. Setengah ari Nyabur nya diengkah bulu bulu. Bulu nya nyadika lambang sida udah beperang.