Anime

Anime tu animasyen Jepun ti digambar ngena jari tauka ngena teknologi komputer. Leka jaku anime nya jaku pandak ari animasyen dalam jaku English, ti nunjukka semua bansa animasyen. Ba luar Jepun, leka jaku tu dikena enggau spesifik dikena madahka semua animasyen ti diasilka di Jepun. Taja pia, nya enda nulak peluang anime ulih diasilka di luar menua Jepun. Sekeda pakar madahka anime tu siti chara baru ari orientalisme.

Anime keterubah bulih populariti ti luas iya nya Astro Boy ari Ozamu Tezuka dalam taun 1963. Diatu, anime lebih mansang ari anime kelia, enggau grafik ti udah mansang ngagai jalai cherita ti narit ati. Orang Jepun, ari nembiak mit nyentukka orang besai tuai, gagit amat meda anime enggau macha manga. Sida ngumbai anime nyadi sebagi ari pengidup sida.

Sida ngumbai anime nyadi sebagi ari pengidup sida. Tu meh utai ti ngasuh sekeda stesyen televisyen kabel tebilang enggau filem kartun sida, baka Cartoon Network enggau Nickelodeon ti ngeluarka kartun sida. Diatu anime udah nyadi dagang ti mai penguntung ngagai sekeda orang, lalu mayuh orang beambi ulih ari pekara tu dikena salah guna.

Penemu anime dikumbai animator. Bala animator gawa ba studio ngasilka anime. Ba studio nya, bisi beberapa iku animator ti bekerejasama ngasilka anime ti bekualiti. Taja pia, amat sayau, gaji bala animator tu chukup mit enti dibanding enggau pengawa sida ti bebendar. Tu ngasuh bala animator enggai gawa enggau profesyenal. Sida ngasaika nya enda berega enggau pengawa ti udah digaga sida. Bala animator tu suah dikumbai "artis bayang". Laban sida gawa baka artis ti nguji ngemeratka elemen cherita enggau elemen intrinsik.

Pengawa lanun mega ngasuh bala animator tusah deka bulih penguntung penuh ari asil pengawa sida ti bebendar, taja pan dipeda bisi mega "gosip" ti madahka bisi pengeluar anime ti ngagihka asil sida di luar saluran dagang rasmi enggau tuju deka ngepopularka agi pengawa sida kerja.

Bisi orang ke Jepun belajar ngaga anime laban sida bisi minat pengudah meda bemacham anime ti udah ngerembai ngagai mayuh bengkah endur di dunya tu. Bisi mega piak ti ngaga karya ti sebaka tauka engka mega nunda tukuh anime, ambika chunto Korea Selatan enggau beberapa buah menua Asia bukai.

Teknologi grafik komputer enggau ke bukai udah ngemuntangka pengawa ngaga anime kemaya hari tu, ketegal tu, bisi orang ngumbai kualiti seni iya baruh agi ari anime kelia. Semina patut diperatika kualiti imej kemaya hari tu nyamai agi dipeda sereta mudah agi diperetika laban imej nya lebih proporsional sereta chura iya terang agi, ditambah enggau bisi teknologi definisyen tinggi.