Zoo Nasional

Zoo Nasional
Zoo Nasional
	A monument at Zoo Negara
	3°12′35″N 101°45′28″E / 3.20972°N 101.75778°E
Haribulan dibuka	14 November 1963; 62 taun ke udah
Palan	Ulu Klang, Gombak, Selangor, Malaysia
Land area	110 ekars (45 he)
Penyampau jelu	5137
Penyampau spesies	476
Memberships	ISO 9001:2008, SEAZA
Major exhibits	16 major exhibits
Laman web	www.zoonegara.my

Zoo Nasional Malaysia (dikumbai enggau nama Zoo Negara ) iya nya zoo nasional keterubah di Malaysia lalu diatur penuh Gerempung Zoologi Malaysia, sebuah gerempung ukai dikuasa perintah ti bejalaika tanggungpengawa besai dalam pengawa ngintu jelu siga, pansik, pelajar enggau rekreasyen. Keterubah iya dipenyadika dalam taun 1930 ulih Menteri Besai Malaysia keterubah, Al-Marhum Tunku Abdul Rahman Putra Al-Haj . Zoo Negara berengkah enggau koleksyen induk iya ti diatu udah mansang ngagai 459 bansa jelu siga. Zoo ke nyadi palan urung 5000 iku jelu, udah ngasaika mayuh transformasyen enggau konsep pengawa pemandang tebuka ungkup pengelantang jelu enggau temuai.

Iya bepalan ba Ulu Klang ba timur laut Kuala Lumpur . Iya dipejalaika gerempung ukai dikuasa perintah, Gerempung Zoologi Malaysia, ti ditumbuhka dikena ngatur zoo keterubah Malaysia . Zoo Negara ditumbuhka kena 14 Januari 1930 lalu naka taun 2006 bisi dalam 4,000 bansa jelu ari 400 bansa mamalia, burung, reptilia, amfibia enggau ikan . Dalam taun 2007, Zoo Negara nerima setipikit MS ISO 9001:2000. Zoo Negara mungkur pemesai 110 ekar tanah ti semina urung 5 km ari mengeri Kuala Lumpur . Zoo Negara diatu mantaika konsep zoo tebuka enggau 90% jelu diengkah dalam kandang tebuka ti luas enggau rampa menua ti engkeman enggau rampa menua asal sida.

Dalam taun 1957, Gerempung Betanam Betupi Malaya (MAHA) muka zoo mini. Pengudah zoo mini nya digaga, penemu pasal zoo ke bendar nyau berenggat-renggat lalu perintah besai milih endur di Ulu Klang, Selangor sebelah garis entara menua Kuala Lumpur. Dalam taun 1960-an, Ulu Klang nyadi kandang endur gadung ti bedau dikemansang. Dalam taun 1963, Menteri Besai keterubah Melayu (diatu Malaysia ) YTM Tunku Abdul Rahman muka zoo nya ngagai mensia mayuh. Zoo Negara udah dikelala enggau nama "Zoo dalam Rimba" ketegal utai tumbuh ti gadung ngelingi kandang endur nya.

Zoo nya nyambut temuai ke-juta kena 14 November 1966, semina tiga taun pengudah dibuka, lalu ba taun 1986, zoo nya nyambut lebih sejuta temuai ninting taun. Faktor ba belakang penyampau temuai ke tinggi nyengkaum kerejasama enggau KFC, ke muka pampang ba zoo, pia mega kurang palan rekreasyen di Kuala Lumpur maya nya.

Kandang endur ngelingi zoo nya diisi enggau utai tumbuh nyentuk ke taun 1970 lebuh Kuala Lumpur ngasaika penumbuh penyampau tubuh enggau jampat ketegal ekonomi ti majak mansang . Ulu Klang ti bepalan besemak enggau Kuala Lumpur dibuka ngambika dikemansangka enggau chara besai nyadi kandang endur berumah dikena nampung penyampau mensia ti majak nambah di nengeri nya, ngujungka kandang endur kampung ngelingi zoo nyau majak kurang.

Ujung taun 1990-an enggau pun taun 2000-an, bisi perambu deka mindahka zoo nya ngagai endur bukai di Selangor. Taja pia, perambu nya enda mujur ba mensia mayuh laban nya dipeda baka pengawa sekeda pemaju beambi ulih ari rega tanah zoo nya ke besai. Nengah sukung ari Opis Menteri Pengeraja Asal enggau Rampa Menua Malaysia enggau Perintah Nengeri Selangor, Zoo Negara enda dipindahka.

Dalam taun 2014, Zoo Negara nerima dua iku panda besai, Fu Wa enggau Feng Yi, ari perintah China nyadika tanda diplomasi enggau Malaysia beserimbai enggau genap 40 taun kaul China-Malaysia, ti datai di Malaysia kena 21 Mei. Bepelasarka sempekat ari China, panda nya diterima ngena duit injau pengelama 10 taun, lalu anak panda nya deka dipulaika ngagai China pengudah anak panda nya beumur dua taun. Panda nya diberi nama Xing Xing enggau Liang Liang ulih Zoo Negara.

Isu pengelemi belanja enggau makai suap .

Zoo Negara diripotka napi penanggul ba pekara belanja kenyau ari taun 2000-an. Zoo Negara madahka penanggul belanja ke ditapi sida mayuh ketegal pengawa ngetuka geran perintah besai lima taun sepenyampau RM5 juta dalam taun 2004. Tu ngujungka Zoo Negara suntuk belanja dikena bejalaika pengawa ngemanahka infrastruktur zoo nya, lalu dipadahka iya patut bepanggai ba belanja ari perintah .

Ba taun 2019, Kongres Kesatuan Sekerja Malaysia (MTUC) ngeluarka ripot bekaul enggau dawa pengelenyau RM1.6 juta belanja ari perintah menua ngagai Zoo Negara, ti didawa dikena ngaga palan pengentap pendiau ungkup pengereja pengawa Zoo Negara. MTUC nuduh bisi pengawa makai suap ti bisi kaul enggau pengelenyau wang turu nya lalu ngaga ripot ngagai dua buah opis menteri menua ngambika mansik isu nya. Isu tu datai ba perati Suruhanjaya Nagang Penyalah Makai Suap Malaysia, ti muka pansik ba isu wang.

maya pandemik COVID-19nyeruga nengeri, penusah duit Zoo Negara laban pengawa Perintah Kawalan Pergerakan ari kerajaan ti ngujugka Zoo Negara mesti ditutup ti nyadi punca keterubah ti lenyau penatai zoo. Sepemanjai pandemik, pihak Zoo Negara terpaksa beretan ngagai sukung urang awam baka ngaga inisiatif jelu angkat serta nyumbang pemakai ari raban betanam betupi.^[5] sida Zoo Negara dipadahka bulih bantu sepenyampau RM 1.3 juta ari sida kerajaan kena April 2020, tangmina bulih beretan selama sebulan laban kos nguruska zoo ti tinggi. kelimpah ari nya, sida Kementerian Tenaga dan Sumber Asli mega yalurka kira-kira RM1.3 juta kena Jun 2020 dikena bantu nampung Zoo Negara.

Kena bulan November 2020, isu belanja Zoo Negara nyadi perati mensia mayuh pengudah paderi enggau dermawan tebilang Ebit Lew nganjung urung 700 kilogram pemakai nyadi bekal ungkup jelu zoo nya. Siti ripot ari Free Malaysia Today enda lama udah nya madahka bala pengereja pengawa Zoo Negara udah diketuka elawin khas sida lalu diberi gaji setengah bulan pulai baru, kelimpah ari penanggul gaji asal pukul rata pengereja pengawa ti manggai kurang ari RM2,000 sebulan. Kelimpah ari nya, tuduh baka nyual tikit enchuri, rega pemakai niki enggau sepeneka ati sereta bepilih mata dalam pengawa nyiri orang ti bepangkat tinggi mega bisi; Zoo Negara nyangkal tuduh nya.

Kereban sanding

↑ Penyalat nyebut: Tag <ref> tidak sah; tiada teks disediakan bagi rujukan yang bernama zoo_history
↑ ^2.0 ^2.1 ^2.2 Penyalat nyebut: Tag <ref> tidak sah; tiada teks disediakan bagi rujukan yang bernama zoo_about
↑ Penyalat nyebut: Tag <ref> tidak sah; tiada teks disediakan bagi rujukan yang bernama zoo_iso_2008
↑ Penyalat nyebut: Tag <ref> tidak sah; tiada teks disediakan bagi rujukan yang bernama seaza_members
↑ Penyalat nyebut: Tag <ref> tidak sah; tiada teks disediakan bagi rujukan yang bernama Sinar

[zoo_history-1] Penyalat nyebut: Tag <ref> tidak sah; tiada teks disediakan bagi rujukan yang bernama zoo_history

[zoo_about-2] 2.0 ^2.1 ^2.2 Penyalat nyebut: Tag <ref> tidak sah; tiada teks disediakan bagi rujukan yang bernama zoo_about

[zoo_iso_2008-3] Penyalat nyebut: Tag <ref> tidak sah; tiada teks disediakan bagi rujukan yang bernama zoo_iso_2008

[seaza_members-4] Penyalat nyebut: Tag <ref> tidak sah; tiada teks disediakan bagi rujukan yang bernama seaza_members

[Sinar-5] Penyalat nyebut: Tag <ref> tidak sah; tiada teks disediakan bagi rujukan yang bernama Sinar

[1]

[2]

[3]

[4]

[5]