Yasser Arafat
Yasser Arafat | |
|---|---|
ياسر عرفات | |
 Arafat in 1996 | |
| Megai pengawa 5 July 1994 – 11 November 2004 | |
| Menteri Besai | |
| Diganti | Rawhi Fattouh (interim) Mahmoud Abbas |
| Megai pengawa 2 April 1989 – 11 November 2004 | |
| Menteri Besai | Mahmoud Abbas Ahmed Qurei |
| Diganti | Rawhi Fattouh (interim) Mahmoud Abbas |
| Megai pengawa 4 February 1969 – 29 October 2004 | |
| Didulu | Yahya Hammuda |
| Diganti | Mahmoud Abbas |
| Personal details | |
| Ada | Mohammed Abdel Rahman Abdel Raouf Arafat al-Qudwa al-Husseini 4 or 24 Ogos 1929 Cairo, Egypt |
| Midang | 11 November 2004 (umur 75) Clamart, Hauts-de-Seine, France |
| Pendam | Arafat's compound |
| Parti politik | Fatah |
| Kaling | Suha Arafat (j. 1990) |
| Anak | 1 |
| Alma mater | University of King Fuad I |
| Profession | Civil engineer |
| Sain |  |
| Nama kumbai | Abu Ammar[1] |
Yasser Arafat (4 tauka 24 Ogos 1929 – 11 November 2004), mega dikelala enggau nama kunya iya Abu Ammar, iya nya siku ketuai politik Palestin. Iya nyadi chairman Gerempung Pengelepas Palestin ari taun 1969 ngagai 2004, Presiden Palestin ari taun 1989 nyentuk ke 2004[2] 2004 enggau Presiden Lembaga Palestin (PNA) ari taun 1994 ngagai 2004. Enti nitihka ideologi iya, iya megai ideologi nasionalis Arab enggau sosialis, lalu iya nyadi kaban penumbuh parti politik Fatah, ke alai dipegai iya ari taun 1959 nyentuk ngagai taun 2004.
Arafat ada ari apai indai Palestin ba Kairo, Ejip, endur iya ngabiska mayuh agi maya iya agi biak. Iya belajar ba Universiti Raja Fuad I. Lebuh agi nyadi nembiak, iya angkunka penemu nasionalis Arab enggau anti-Zionis. Ngelaban pengawa nempa Menua Israel taun 1948, iya beperang begulai enggau Ikhwanul Muslimin maya Perang Arab-Israel taun 1948. Berindik ari alah soldadu Arab, Arafat pulai ke Kairo lalu nyadi presiden Gerempung Besai Tarak Palestin ari taun 1952 ngagai 1956.
Ba ujung taun 1950-an, Arafat sama numbuhka Fatah, sebengkah gerempung paramiliter ke nguji nganti Israel enggau sebengkah menua Palestin. Fatah beoperasyen dalam kandang sekeda menua Arab, ari endur nya iya ngepunka serang ngagai tagit Israel. Ba ujung taun 1960-an profil Arafat majak nambah; dalam taun 1967 iya nyereta Gerempung Pengelepas Palestin (PLO) lalu dalam taun 1969 dipilih nyadi chairperson Kaunsil Nasional Palestin. Penatai Fatah ke majak nambah ba Jordan ngujungka penyarut soldadu enggau perintah Jordan Raja Hussein lalu ba pun taun 1970-an iya pindah ngagai Lebanon. Dia, Fatah mantu Kebut Nasional Lebanon maya Perang Sivil Lebanon lalu neruska serang ngagai Israel, ngujungka gerempung nya nyadi tagit besai penyerang Israel maya konflik Lebanon Selatan 1978 enggau Perang Lebanon 1982.
Ari taun 1983 ngagai 1993, Arafat bepalan ba Tunisia, lalu berengkah ngalihka chara iya ari konflik tebuka enggau orang Israel ngagai pengawa berunding. Dalam taun 1988, iya ngaku hak Israel ke bisi lalu ngiga chara mutarka dua menua ngagai konflik Israel-Palestin. Dalam taun 1994, iya pulai ke Palestin, ngentapka diri ba Nengeri Gaza lalu ngelakuka pengawa merintah diri ungkup kandang menua Palestin. Iya ngaul diri dalam siri pengawa berunding enggau perintah Israel dikena mutuska penyarut entara iya enggau PLO. Tu nyengkaum Aum Madrid taun 1991, Sempekat Oslo taun 1993 enggau Aum Tuchung Kem David taun 2000. Pemujur pengawa berunding di Oslo ngujungka Arafat diberi Perais Pemaik Nobel, begulai enggau menteri besai Israel Yitzhak Rabin enggau Shimon Peres, dalam taun 1994. Maya nya, sukung Fatah ba entara Palestin nurun enggau penumbuh Hamas enggau pesaing militan bukai. Ba ujung taun 2004, sepengudah efektif dikurung dalam kandang Ramallah iya lebih dua taun ulih soldadu Israel, Arafat labuh koma lalu mati. Pun pemati Arafat mengkang nyadi subjek spekulasyen. Pansik tim Rusia enggau Peranchis netapka nadai foul play bisi kaul,[3][4][5] seraya tim Switzerland netapka iya dirachun radiologi.[6][7]
Arafat mengkang nyadi siku orang ke bekontroversi. Rayat Palestin ba atur ke sebaka ngumbai iya siku martir ke melambangka juluk ati nasional rayat iya, lalu mayuh rayat Israel ngumbai iya seiku pengasar.[8][9][10] Bala pesaing Palestin, nyengkaum Islamis enggau sekeda radikal PLO, suah ngutuk iya makai suap tauka kelalu nunduk dalam konsesyen iya ngagai perintah Israel.
Kereban sanding
[edit | edit bunsu]- ↑ Helena Cobban (before Yasser Arafat's marriage): "Yasser Arafat is not married, but is called 'Abu 'Ammar' as an inversion of the name of the heroic early Muslim warrior 'Ammar bin ('son of) Yasser. The idea, presumably, that if Yasser Arafat had a son, he would or should be as heroic as the earlier Ammar [ibn Yasir]", Cobban 1984, p. 272
- ↑ Sekeda sumber ngena leka jaku Chairman, enti enda ngena Presiden; leka jaku Arab ungkup kededua gelar nya sama.
- ↑ "Yasser Arafat: French rule out foul play in former Palestinian leader's death". The Guardian. 16 March 2015.
- ↑ "France drops investigation into Arafat's death". The Jerusalem Post. Reuters. 2 September 2015. Retrieved 16 June 2024.
- ↑ "Yasser Arafat investigation: Russian probe finds death not caused by radiation". CBS News. 26 December 2013. Retrieved 16 June 2024.
- ↑ Tait, Robert (8 November 2013). "Arafat's body loaded with polonium, say scientists". The Sydney Morning Herald. Retrieved 17 June 2024.
- ↑ Poort, David; Silverstein, Ken (6 November 2013). "Swiss study: Polonium found in Arafat's bones". Al Jazeera. Retrieved 17 June 2024.
- ↑ Creed, Richard D. Jr. (2014). Eighteen Years in Lebanon and Two Intifadas: The Israeli Defense Force and the U.S. Army Operational Environment. Pickle Partners Publishing. p. 53. ISBN 978-1-78289-593-0.
- ↑ Kershner, Isabel (4 July 2012). "Palestinians May Exhume Arafat After Report of Poisoning". The New York Times. Retrieved 5 August 2012.
- ↑ Hockstader, Lee (11 November 2004). "A Dreamer Who Forced His Cause Onto World Stage". The Washington Post. Retrieved 16 June 2024.