Ujut
Dalam geografi, ujut tauka tanjung nya ulu, semenanjung tauka promontori ti ngerembai ngagai ai, ke suah iya tasik.[1] Sebengkah ujut seruran iya ngayanka ubah ti tampak ba trend garis pantai, [2] suah nyadika sida tanda ti beguna dalam pengawa ngelayang tasik. Tu mega ngasuh sida mudah kena tukuh pengerusak semula jadi, kelebih agi pengawa pasang surut, ngujungka timpuh idup geologi ti enda tentu lama.
Penumbuh
[edit | edit bunsu]Ujut ulih ditempa ketegal gletser, bukit berapi, enggau ubah tikas tasik.[2] Erosyen bejalaika tanggung pengawa ti besai dalam tiap-tiap chara penumbuh tu.[3] Penusah tusur tebing tasik ketegal gelumbang enggau arus ulih nempa tanjung nengah chara ngerusak batu ti lembut agi lalu ninggalka formasyen batu ti kering agi. Engkebut kerak Bumi ulih ngangkatka tanah, lalu nempa tanjung. Ambika chunto, Ujut Pengadang Manah ditumbuhka ketegal kuasa tektonik. Bukit berapi meletup ulih ngaga ujut nengah chara ngengkahka lava ti nyadi pejal nyadi gaya tanah baru. Ujut Verde, (ke mega dikelala enggau nama Cabo Verde) nya chunto ujut bukit berapi.[4] Gletser ulih ngukir tanjung nengah chara ngerusak rampa menua lebuh sida mansang sereta surut. Ujut Cod di Amerika Serikat ditumbuhka ketegal aktiviti glasial maya Jeman Ais ke penudi.[3]
Penyanding
[edit | edit bunsu]- ↑ Whittow 1984.
- ↑ 2.0 2.1 Wright & Nichols 2018.
- ↑ 3.0 3.1 "Cape". education.nationalgeographic.org (in Inggeris). Retrieved 2024-08-24.
- ↑ "Cabo Verde - Trade, Fisheries, Tourism | Britannica". www.britannica.com (in Inggeris). 2024-08-14. Retrieved 2024-08-24.