Teori main

Teori main nya pansik model matematik ungkup interaksyen strategi.^[1] Teori tu mayuh guna dalam bidang sains sosial, lalu dikena mega dalam bidang ekonomi, logik, sains sistem sereta sains komputer.^[2] Keterubah iya, teori main betatika main sam-kusung dua iku, ke alai penguntung tauka pengerugi siku pesereta amat-amat ditimbalka enggau pengerugi enggau penguntung pesereta bukai. Dalam taun 1950-an, iya dikerembaika ngagai pengawa mansik main ukai sam-kusung, lalu pengujung iya dikena ngagai mayuh macham kaul ulah. Diatu iya nyadi leka jaku payung ungkup sains pengaga pemutus ti rasional ba mensia, jelu, enggau komputer.

Teori main moden berengkah enggau penemu penimbal strategi bechampur dalam main dua iku orang sam-kusung lalu bukti iya diulih John von Neumann. Bukti asal Von Neumann ngena teorem titik tetap Brouwer ba pengawa ngaga kar ti terus nyadi set cembung ti padat, ti nyadi chara standard dalam teori main enggau ekonomi matematik. Keretas iya ditangkanka Theory of Games and Economic Behavior (1944), ditulis saum Oskar Morgenstern, ti dianggap main koperatif beberapa iku pemain.^[3] Edisyen kedua meri teori aksiomatik utiliti ti disadang, ti ngemendarka pakar statistik enggau ekonomi matematik ngubat pengawa ngaga pemutus ba baruh penetap.

Teori main dikemansangka enggau mayuh dalam taun 1950-an, lalu dikena enggau terang ngagai evolusyen dalam taun 1970-an, taja pan pemansang ti sebaka nyau nyadi sekurang-kurang iya nyentuk ngagai taun 1930-an. Teori main udah dikelala mayuh nyadi kereban ti beguna dalam mayuh bengkah bidang. John Maynard Smith diberi Perais Crafoord ungkup guna iya ba teori main beevolusyen ba taun 1999, enggau lima belas iku pakar teori main udah menang Perais Nobel dalam ekonomi naka taun 2020, nyengkaum ke pemadu baru Paul Milgrom enggau Robert B. Wilson.

Kereban sanding

↑ Myerson, Roger B. (1991). Game Theory: Analysis of Conflict. Harvard University Press. ISBN 9780674341166.
↑ Shapley, Lloyd S.; Shubik, Martin (1971-01-01). "Chapter 1, Introduction, The Use of Models". Game Theory in Economics. Archived from the original on 23 April 2023. Retrieved 23 April 2023.
↑ Neumann, John von; Morgenstern, Oskar (2007-04-08). Theory of Games and Economic Behavior. Princeton University Press. ISBN 978-0-691-13061-3. Archived from the original on 28 March 2023. Retrieved 23 April 2023.

[Myerson-1] Myerson, Roger B. (1991). Game Theory: Analysis of Conflict. Harvard University Press. ISBN 9780674341166.

[2] Shapley, Lloyd S.; Shubik, Martin (1971-01-01). "Chapter 1, Introduction, The Use of Models". Game Theory in Economics. Archived from the original on 23 April 2023. Retrieved 23 April 2023.

[3] Neumann, John von; Morgenstern, Oskar (2007-04-08). Theory of Games and Economic Behavior. Princeton University Press. ISBN 978-0-691-13061-3. Archived from the original on 28 March 2023. Retrieved 23 April 2023.

[1]

[2]

[3]