Tawi Sli

Yang Berbahagia Dato' Sri Penghulu
Tawi Sli
ABS PNBS
Yang Berbahagia Dato' Sri Penghulu Tawi Sli ABS PNBS
2nd Chief Minister of Sarawak
	Megai pengawa; 23 September 1966 – 7 July 1970
Governor	Abang Haji Openg; Tuanku Bujang Tuanku Othman;
Sapit	Abang Abdul Rahim (1966-1970)
Diulu	Stephen Kalong Ningkan
Diganti	Abdul Rahman Ya'kub
Personal details
Ada	12 Jun 1912; Banting, Lingga, Sri Aman, Raj of Sarawak
Midang	22 Disember 1987 (umur 75); Kuching, Sarawak, Malaysia
Peranak menua	Malaysian
Parti politik	Sarawak National Party (SNAP) (1963–1966); Parti Pesaka Sarawak (1966–1974);
Kaling	Datin Sri Dorothy Inti Anak Robert Eddie (Deceased)
Gawa	Politician

Dato’ Sri Penghulu Tawi Sli (12 Jun 1912 – 22 Disember 1987^[3]) nya kepala menteri kedua Sarawak.

Pengidup diri enggau pelajar

Tawi Sli ada ba Banting, Lingga, Sri Aman, Sarawak. Iya datai ari sebilik ke bepengarap Kristian Anglika. Iya nerima pelajar formal ba sekula St. Thomas di Kuching nyentuk ke Pom 3.^[4]

Pengawa tumu

Sepengudah iya nembuka sekula, Tawi Sli begawa nyadi pengajar ba sebuah sekula misyen seraya nengah program latih tiga taun nyadi pastor. Iya kala nyadi kerani enggau perintah sebedau iya pinchin dalam taun 1961.

Pengawa politik tumu

Dalam taun 1963, Tawi Sli dipadu nyadi Penghulu lalu iya berengkah regas dalam bidang politik. Iya kala nyadi sekretari Parti Asal Bansa Sarawak (SNAP) pampang Simanggang. Udah nya iya ningkilka diri ari SNAP lalu nyeretai Parti Pesaka Sarawak dalam taun 1966.^[4]

Penyiri nyadi kepala menteri

Tawi Sli dichiri Gabenor Sarawak maya nya, Abang Haji Openg, nyadi kepala menteri Sarawak lebuh krisis konstitusyen Sarawak taun 1966 ti udah nyadi kena 17 Jun 1966.^[5]^[6] Tawi Sli tekala nya nyiri lima iku kaban dalam Kaunsil Pemadu Tinggi iya (sebaka enggau kabinet Sarawak kemaya hari tu) iya nya: Abdul Taib Mahmud, enggau Awang Hipni ari BARJASA, Umpau enggau Laing ari PESAKA, enggau Abang Haji Abdul Rahman ari PANAS. Dua bulan pengudah nya, Teo Kui Seng enggau Ling Beng Siong ari SCA dipadu nyadi Kaunsil Pemadu Tinggi. Berebak enggau nya, Taib Mahmud nyadi sapit kepala menteri enggau menteri pemansang enggau kampung. Parti SNAP enggi Ningkan ningkilka diri ari Perikatan Sarawak. Abdul Rahman Ya’kub mengkang ngetanka pangku pengawa menteri perintah besai iya. Taib Mahmud, Abang Haji Abdul Rahman, enggau Thomas Kana nyadi penyanding penemu ke Tawi Sli.^[6]

Dalam bulan November 1967, Taib Mahmud badu nyadi Menteri Pemansang Nengeri sepengudah Tun Jugah nuduh Taib kelalu mayuh melanja ngaga surau enggau masjid seraya ti enda ibuhka utai ti diguna bansa Dayak. Udah nya Taib dipaduka nyadi kaban Dewan Rayat lalu nyadi Sapit Menteri Dagang enggau Industri Perintah Besai. Dalam taun 1968, Angkatan Nahdatul Islam Bersatu (BINA) udah ditumbuhka. Abdul Rahman Ya’kub nyadi chairman BINA lalu Taib Mahmud nyadi tukang wang.^[6]

Penusah konstitusyen Sarawak 1966

Ningkan mansang ngagai Kort Tinggi Kuching, enda puas ati enggau pengawa Gabenor (Abang Haji Openg) ti muai iya lalu nyiri Tawi Sli nyadi kepala menteri. Kort tinggi madahka Ultra vires (ngelui kuasa) ketegal pengawa Gabenor. Pengujung iya, Ningkan dichiri kort baru kena 8 September 1966, ti meda begunaka undi enda arapka iya enggau chara formal. Tawi Sli nyadi kepala menteri pengelama 3 bulan (16 Jun 1966 ngagai 7 September 1966) lebuh mahkamah tinggi ngaga pemutus ngambi Ningkan nyadi kepala menteri baru. ^[7]

Ningkan nguji deka ngepunka pengawa ngererak DUN lebuh iya dipadu baru. Taja pia, perintah besai netapka gaya darurat kena 15 September, lalu madahka penyarut nyadi ba negeri nya.^[8] Perintah besai udah nya sepiak-sepiak ngubah Konstitusyen Sarawak meri kuasa ngagai gabenor nengeri ngepunka aum Kaunsil Negri. Undi enda pechaya udah dikemendar kena 24 September lalu Tawi Sli ngangkat sumpah baru nyadi kepala menteri.^[6]

Pemuai ekspatriat ari servis perintah

Kena 27 Julai 1966, Tawi Sli madahka bisi pematut "menua ti meredeka dipegai pemesai menua iya empu". Dalam kandang tu, dua iku ekspatriat ditinggalka dalam Kaunsil Negri (diatu dewan undang-undang negeri Sarawak) iya nya Tony Shaw enggau John Pike sepengudah pengawa nuchi Ningkan ari Kaunsil Pemadu Tinggi (kabinet Sarawak ke diatu) maya penusah rang undang-undang tanah taun 1965. Tony Shaw enggau John Pike mega kala nyadi penyanding penemu rapat perintah Ningkan suba. Tony Shaw diberi timpuh sepuluh hari pansut ari negeri tu, taja pia, Shaw mantah ketegal enda chukup awak nyendiaka diri. Tawi Sli udah nya madahka kena 30 Julai tu tadi, Shaw deka bekemisi nyentuk ujung bulan Ogos tu tadi. Shaw deka ninggalka Sarawak pengudah merarau beserara begulai enggau Tawi Sli kena 26 Ogos. Shaw dibayar baki pampas kontrak iya. John Pike benung cuti di menua tasik lebuh Tawi Sli madahka pemutus tu. Nyadi John Pike sama dibayar pampas lalu diasuh enda pulai ke Sarawak.

Pemangku kepala menteri Taib Mahmud udah nya madahka ke 300 iku pemesai ekspatriat ti agi tinggal dalam perintah, semua kontrak sida enda deka dikemaru enti timpuh iya abis. Nya alai, manggai ba bulan Oktober 1967, semua pemesai ekspatriat tu deka diganti enggau orang menua tu. Taib Mahmud dipelabaka ngepunka pemisi Tony Shaw enggau John Pike nganti Tawi Sli empu. Sekeda udah ngumbai bala ekspatriat nya nyadika penekul dikena nyerakupka Sarawak enggau penuh ngagai Malaysia ketegal penekan bala ekspatriat nya ti madahka perintah Malaysia patut nitihka penuh tiap iti pekara dalam Sempekat Entara Perintah dikena nyaga pemerat Sarawak. Bisi mega ngumbai bala ekspatriat nya nyadika penekul ngagai jalai kereja sida empu laban bala ekspatriat nya ngambi pengawa ti patut diempu peranak menua nya.^[6]

Pengidup dudi ari

Iya pinchin ari politik dalam taun 1974 lalu udah nya ngaul diri dalam pengawa dagang nyentukka iya midang dalam taun 1987. Bini iya, Datin Sri Dorothy Inti udah nadai kena bulan April 2015 tu tadi.

Penyanding

↑ Hong Min, Lim (1982). 18 years in Malaysia (Sarawak&Sabah) 1963-1981. Kuching, Sarawak: Malaysia Timor Publications. pp. 16–20. Retrieved 4 October 2020.
↑ "Search result from newspaper.sg". NewspaperSG. 1987-12-24.
↑ "Search result from newspaper.sg". NewspaperSG. 1987-12-24.
↑ ^4.0 ^4.1 "Revisiting 48 years of leadership". The Borneo Post. 16 September 2011. Retrieved 31 August 2012.
↑ "Previous Chief Ministers of Sarawak". The Borneo Post. 12 February 2014.
↑ ^6.0 ^6.1 ^6.2 ^6.3 ^6.4 Porritt, Vernon L (2004). "Turbulent times in Sarawak: the end of expatriate influence and the struggle for power over and within the state". Borneo Research Bulletin. Retrieved 26 February 2023.
↑ Weiss, Meredith L. (2014). Routledge Handbook of Contemporary Malaysia. Routledge. p. 87. ISBN 978-1-317-62959-7.
↑ "Background: Constitutional Crises" (PDF). The Edge (Malaysia). 3 February 2009. Retrieved 31 August 2012.

[Hong_Min_1982-1] Hong Min, Lim (1982). 18 years in Malaysia (Sarawak&Sabah) 1963-1981. Kuching, Sarawak: Malaysia Timor Publications. pp. 16–20. Retrieved 4 October 2020.

[2] "Search result from newspaper.sg". NewspaperSG. 1987-12-24.

[3] "Search result from newspaper.sg". NewspaperSG. 1987-12-24.

[Tawi-4] 4.0 ^4.1 "Revisiting 48 years of leadership". The Borneo Post. 16 September 2011. Retrieved 31 August 2012.

[5] "Previous Chief Ministers of Sarawak". The Borneo Post. 12 February 2014.

[Porritt_2004-6] 6.0 ^6.1 ^6.2 ^6.3 ^6.4 Porritt, Vernon L (2004). "Turbulent times in Sarawak: the end of expatriate influence and the struggle for power over and within the state". Borneo Research Bulletin. Retrieved 26 February 2023.

[Weiss_2014-7] Weiss, Meredith L. (2014). Routledge Handbook of Contemporary Malaysia. Routledge. p. 87. ISBN 978-1-317-62959-7.

[crisis-8] "Background: Constitutional Crises" (PDF). The Edge (Malaysia). 3 February 2009. Retrieved 31 August 2012.

[1]

[2]

[3]

[4]

[5]

[6]

[7]

[8]