Tanda nama

Tag nama tauka lenchana nama iya nya pelekat ti dikena ba gari ti pemadu luar nyadika chara mandangka nama orang ti ngena iya ngambika dipeda orang bukai. Keterubah iya ditemu urung taun 1955, ulih orang ti ngempu restoran Bram Combrink.

Tag nama tau nyadi sementara, baka stiker ti bisi gambar ikonik iya nya "Hai! Nama Aku ________"; tauka iya engka tan lama agi. Ke sementara biasa iya ulih ditulis ngena jari enggau nama orang ke ngena, tauka dichelak. Tanda nama kekal selalu iya digaga ari logam tauka plastik ti lempung lalu kitai ulih dikelala ari nama nya.

Tag nama tau dilekatka ba gari ngena perekat tauka dikena enggau bantu magnet, pin tauka velcro. Tag nama plastik tauka logam tau dilekatka ba mayuh macham backing ti dikena ngelekatka ba gari orang ti ngena iya. Mayuh macham bansa backing tag nama, nyengkaum backing magnet, pin enggau klip. Magnet, enda nebuk gari ngena pin, nyadika chara mutarka penanggul ti popular ungkup tanda nama. Bisi sekeda tanda nama dikena ba rekung ngena tali. .

Tag nama ke bisi magnet tau ngeruga orang ke bisi pacemaker laban magnet nya tau ngachau fungsyen implan ke normal. Digaga ngambika orang ke bisi pacemaker ngena pinback backing ba tanda nama sida.

Tag nama dikena sekeda kompeni ke meri servis ngagai pelanggan, baka ba restoran, ngambika orang ke datai ulih ngelala pengereja pengawa ngena nama. Pengereja pengawa profesional tauka pengari gerempung ti betunga mua enggau mensia mayuh baka universiti, bank, tauka kompeni bukai ke alai pengereja pengawa enda beruniform lalu tau ngena tanda nama nyadika chara mida tauka ngelala orang ke mai, seraya ngemendarka pengereja pengawa nya ngena pekayan sida ninting hari.

Bisi emoji ungkup tanda nama jepun (📛) bisi enggau Unicode U+1F4DB.

Raban soldadu suah ngena lenchana nama ba uniform sida, suah agi ba dada kanan. Ba sedadu Amerika enggau Eropah, tag nya suah mandangka semina nama diri sebilik (tauka nama kepenudi). Raban sedadu bukai ngena konvensyen ti bebida bepelasarka budaya (gaya idup) sida laban nama kepenudi aja. Ambika chunto, ba Raban Soldadu Singapura, nama kepenudi India suah agi diberi inisial lalu nama keterubah disepil enggau penuh. Sekeda uniform mega bisi nyengkaum nama pampang servis, suah agi ba dada kiba.

Jeneral Soldadu Darat Republik China (ROCA) Chung Shu-ming, ngena uniform ngepan enggau pin nama logam ti mandangka nama penuh iya dalam jaku China
Seiku leftenan kedua ROCA, enggau pita kain ti ngayanka pangkat (biru), nama (nama ti diberi kabur), enggau pampang servis, semua nya dalam jaku China .
Kapten Soldadu Tasik Republik Korea (ROKN) Yang Yong-mo, ngena tanda nama plastik ti mandangka nama penuh iya dalam jaku Korea enggau nama penudi dalam jaku English .
Tiga iku leftenan ROKN ngena uniform servicec enggau tanda nama kain ti ngayanka nama penuh dalam jaku Korea enggau nama penudi dalam jaku English .
Uniform Soldadu Langit India, mandangka tanda nama dua jaku plastik ba uniform ceremonial enggau pita nama kain English ba baju penerebai bilun
Ex-Ketuai Staf Pasukan Pertahanan Diri Darat Jepun Eiji Kimizuka . Pita kain pangkat-nama sebilik dalam jaku Jepun ba dada kiba, pita nama sebilik kain ba dada kanan dalam jaku English.

Pengawa ngena tanda nama nyangka bepun ari nanda ba dobi, dikena ngelala gari enggi individu keterubah. Maya Perang Dunya Kedua, soldadu Amerika Syarikat berengkah ngena tanda nama luar, kelebih agi ba gari penerebai bilun enggau uniform perang. Pengawa ngena pita nama kain nyadi utai ti suah nyadi ketegal Perang Korea lalu pengawa ngena iya ngerembai ngagai soldadu bukai. Soldadu Kanada berengkah ngena pita nama kain ba uniform perang dalam taun 1960-an. Dalam timpuh tu, pengawa ngena tanda nama ngerembai ngagai uniform ngepan enggau tanda digaga ari plastik ti diukir ukai ari kain.

Pemesai polis selalu iya suah ngena tanda nama ba uniform sida ti bebida ari lenchana ti ngelala pangkat rasmi sida nyadi pemesai penerit atur.

Ngambika tanda nama bisi tikas privasi, tanda nama tau dilekatka ngena velcro ti ulih diubah enggau mudah.