Sukarno
Sukarno | |
|---|---|
.jpg) Potret rasmi, c. 1949 | |
| Presiden Indonesia | |
| Megai pengawa 18 Ogos 1945 – 12 Mac 1967[lower-alpha 1] | |
| Menteri Besai | See list
|
| Sapit Presiden | Mohammad Hatta (1945–1956) |
| Didulu | Office established |
| Diganti | Suharto |
| President of the United States of Indonesia | |
| Megai pengawa 27 December 1949 – 17 August 1950 | |
| Menteri Besai | Mohammad Hatta |
| Sapit Presiden | Mohammad Hatta |
| Didulu | Tony Lovink (as High Commissioner of the Dutch East Indies) |
| Diganti | Himself (as President of Indonesia) |
| Menteri Besai Indonesia | |
| Megai pengawa 9 July 1959 – 25 July 1966 | |
| Presiden | Himself |
| Sapit | See list |
| Didulu | Djuanda Kartawidjaja |
| Diganti | Suharto (as Chairman of the Cabinet Presidium) |
| Personal details | |
| Ada | Koesno Sosrodihardjo 6 Jun 1901 Soerabaja, Dutch East Indies |
| Midang | 21 Jun 1970 (umur 69) Jakarta, Indonesia |
| Pendam | Grave of Sukarno |
| Parti politik | Independent |
| Other political affiliations | PNI (1927–1931) |
| Kaling |
|
| Anak | 14, nyengkaum Rukmini, Megawati, Rachmawati, Sukmawati, and Guruh |
| Pelajar | Hogere Burgerschool te Soerabaja |
| Alma mater | Technische Hoogeschool te Bandoeng (Ir.) |
| Gawa |
|
| Anugerah |
|
| Sain |  |
| Nama kumbais |
|
Sukarno (ada Koesno Sosrodihardjo; 6 Jun 1901 – 21 Jun 1970)[3] iya nya siku orang penting menua, aktivis, enggau revolusionari Indonesia ke nyadi presiden keterubah Indonesia ari taun 1945 ngagai 1967.
Sukarno nyadi ketuai pengelaban Indonesia deka meredeka ari penjajah Belanda. Iya siku ketuai ke tebilang dalam kebut timbal nasionalis Indonesia maya jeman kolonial lalu lebih sedekad ditan Belanda nyentukka dilepaska soldadu Jipun ke nyerang dalam Perang Dunya Kedua. Sukarno enggau bala bakih iya ke nasionalis bekerejasama ngumpul sukung ngagai pengawa perang Jipun ari rayat, dikena nukar bantu Jipun dalam ngerembaika penemu nasionalis. Lebuh Jipun nyerah diri, Sukarno enggau Mohammad Hatta madahka Indonesia meredeka kena 17 Ogos 1945, lalu Sukarno dipadu nyadi presiden. Iya nguluka pengawa ngelaban Indonesia ngagai pengawa bejajah baru Belanda nengah chara diplomatik enggau soldadu nyentukka Belanda ngaku meredeka Indonesia dalam taun 1949. Ketegal nya, iya diberi gelar "Apai Proklamasyen" ( Indonesia: Bapak Proklamator).[4]
Pengudah timpuh demokrasi parlimen ti charut, Sukarno meri kelala sistem autoritari ti dikelala enggau nama "Demokrasi Belalau" dalam taun 1959 dikena mulaika penegap sereta nekan pengawa charut dalam kandang menua. Ba pun taun 1960-an, Sukarno bejalaika polisi luar ti agresif lalu ngengkahka Indonesia nyadi sada nyawa ketuai dalam Kebut Nadai Bersekutu (NAM) ti anti-imperialis. Polisi-polisi tu nambahka agi penyarut enggau kuasa-kuasa Barat lalu mai Indonesia semak agi enggau Serakup Soviet, taja pan nyadi sebengkah nengeri ukai komunis. Pun polisi tu iya nya CONEFO, perambu Sukarno ke Gerempung Bansa-Bansa Beserakup ti baru ti bepalan di Jakarta.[5]
Berindik ari pekara ke nyadi ba Kebut 30 September dalam taun 1965, ke disalahka Parti Komunis Indonesia (PKI), Jeneral Suharto megai kuasa perintah dalam pengawa ngambi alih soldadu. Tu disempulang enggau pengawa meresi anti-komunis enggau skala besai ti disukung ejensi pemansik Barat nyengkaum ari Amerika Serikat enggau United Kingdom. Entara 500,000 ngagai lebih sejuta iku orang dibunuh dalam pengawa munuh bebala mayuh ke nagit kaban enggau orang ke disangka siru enggau PKI.
Suharto enggau rasmi nyadi presiden dalam taun 1967, lalu Sukarno ditan ba rumah nyentukka iya mati dalam taun 1970. Iya ditumbak ba Blitar, Jawa Timur, ngimbai indai iya. Dalam kandang beberapa taun keterubah rejim Perintah Baru Suharto, pengawa Sukarno dalam pengawa meredeka menua enggau pemujur iya ke dulu agi ari nya dikurangka, lalu nama iya mayuh dibuai ari randau mensia mayuh. Taja pia, lebuh penyakal ngelaban Suharto majak nambah enggau pengujung iya labuh dalam taun 1998, minat mensia mayuh ngagai Sukarno diidupka baru begulai enggau reformasyen demokratik. Diatu, legasi iya nyadi apai pemungkal Indonesia sereta lambang penyerakup enggau merdeka menua majak dipebasaka mayuh rayat Indonesia, suah agi lebih ari Suharto.[6]
Nama
[edit | edit bunsu]Nama Sukarno datai ari tuai bujang berani mitologi Mahabharata, Karna.[7] Sepil Soekarno, bepelasarka ortografi Belanda, agi suah dikena, kelebih agi ketegal iya nyain nama iya ngena sepil lama. Sukarno empu bebendar ngena "u" dalam tulis, ukai "oe," tang madahka diri udah dipadahka ba sekula ngena gaya Belanda, lalu pengudah 50 taun, kelalu tusah deka nukar sain jari iya, nya alai iya agi nyain ngena "oe."[8] Dekrit rasmi presiden Indonesia ari timpuh 1947–1968, taja pia, nyelak nama iya ngena sepil 1947. Padang Bilun Antarabansa Soekarno–Hatta, ti gawa ba kandang endur semak indu nengeri Indonesia, Jakarta, agi ngena sepil Belanda.
Rayat Indonesia mega ingatka iya enggau nama Bung Karno tauka Pak Karno. Baka mayuh orang bansa Jawa, iya semina bisi siti nama aja.[9]
Iya kekadang disebut dalam akaun menua luar enggau nama Achmed Sukarno, tauka sekeda variasyen ari nya. Sumber ari Opis Menteri Luar mantaika “Achmed” (udah nya, ditulis nyadi “Ahmad” tauka “Ahmed” ulih nengeri Arab enggau pengarang berita nengeri luar bukai) ditempa M. Zein Hassan, siku tarak Indonesia ba Universiti Al-Azhar lalu nyadi kaban staf ba Opis nya, deka madahka identiti Sukarno ti bepengarap Islam ngagai raban berita Ejip pengudah kontroversi enda lama maya nya ketegal nama Sukarno dipadahka "enda chukup Islam". Pengudah ngena nama “Achmed” berengkah, menua-menua Islam enggau Arab bibas nyukung Sukarno. Nya alai, dalam surat enggau Timur Tengah, Sukarno seruran nyain nama iya nyadi "Achmed Sukarno."[10][11]
Nota
[edit | edit bunsu]- ↑ On 11 March 1966, Sukarno, confronted by Generals Basuki Rahmat, Mohammad Jusuf, and Amir Machmud, who were sent by Suharto, signed an order "delegating to General Suharto the authority 'to take all necessary steps to guarantee security and calm and the stability of the running of the government and the course of the revolution,' and also to preserve the personal safety of the president." This effectively ended Sukarno's presidential powers. However, he remained the nominal president. Later in the month, a new cabinet was announced.[1]
- ↑ De facto (self-appointed)[2]
- ↑ As Chairman of the Cabinet Presidium
Kereban sanding
[edit | edit bunsu]- ↑ Legge, John (1 September 1985). Sukarno: A Political Biography. Allen & Unwin.
- ↑ Ricklefs, M.C. (2008) [1981]. A History of Modern Indonesia Since c.1300 (4th ed.). London: MacMillan. ISBN 978-0-230-54685-1.
- ↑ Biografi Presiden Archived 21 September 2013 at the Wayback Machine Perpustakaan Nasional Republik Indonesia
- ↑ "Ini 7 Julukan Presiden Indonesia, Dari Soekarno Sampai Jokowi: Okezone Edukasi". 28 November 2022. Archived from the original on 23 April 2023. Retrieved 23 April 2023.
- ↑ Ide, Derek. "The US Cheered On Suharto's Massacres in Indonesia". Jacobin. Retrieved 7 October 2025.
- ↑ Richburg, Keith B. (30 April 1987). "Indonesian Politics Sees Revival of Sukarno Legacy". The Washington Post. Retrieved 13 June 2025.
- ↑ Bishku, Michael B. (1992). "Sukarno, Charismatic Leadership and Islam in Indonesia". Journal of Third World Studies. 9 (2): 100–117. ISSN 8755-3449. JSTOR 45197254.
- ↑ Sukarno; Adams, Cindy (1965). Sukarno: An Autobiography. The Bobbs-Merrill Company Inc. p. 27 [1].
- ↑ In Search of Achmad Sukarno Steven Drakeley, University of Western Sydney
- ↑ Hassan, M. Zein (1980). Diplomasi Revolusi Indonesia Di Luar Negeri: Perjoangan (sic) Pemuda/Mahasiswa di Timur Tengah (in Indonesia). Jakarta: Penerbit Bulan Bintang.
- ↑ Jo, Hendi (20 March 2018). "Mengapa Ahmad Sukarno?". Historia - Majalah Sejarah Populer Pertama di Indonesia (in Indonesia). Retrieved 23 October 2021.