Steve Jobs

Steve Jobs
Steve Jobs
	Jobs introducing the iPhone 4, 2010
Ada	Februari 24, 1955; San Francisco, California, U.S.
Haribulan; pemarai	Oktober 5, 2011 (umur 56); Palo Alto, California, U.S.
Resting place	Alta Mesa Memorial Park
Pelajar	Reed College (dropped out)
Taun aktif	1971–2011
Dikelala ketegal	Pioneer of the personal computer revolution with Steve Wozniak; Co-creator of the Apple II, Macintosh, iPod, iPhone, iPad, and first Apple Stores;
Title	Co-founder, chairman, and CEO of Apple Inc.; Primary investor and chairman of Pixar; Founder, chairman, and CEO of NeXT;
Board member of	The Walt Disney Company; Apple Inc.;
Kaling	Laurene Powell (j. 1991)
Pangan	Chrisann Brennan (1972–1977)
Anak	4, including Lisa, Reed, and Eve
Bala sebilik	Mona Simpson (sister); Bassma Al Jandaly (cousin); Malek Jandali (cousin);
Anugerah	Presidential Medal of Freedom (posthumous, 2022)
Sain

Steven Paul Jobs (24 Februari 1955 – 5 Oktober 2011) siku orang dagang, penemu, enggau pemeranak puku Amerika ti tebilang ketegal sama numbuhka kompeni teknologi Apple Inc. Steve Jobs mega nyadi penumbuh NeXT enggau chairman iya sereta nyadi pemegai saham majoriti Pixar. Iya nyadi pemungkal revolusyen komputer peribadi dalam taun 1970-an enggau 1980-an, begulai enggau kaban dagang iya ke dulu suba sereta kaban pemungkal Apple Steve Wozniak.

Jobs ada di San Francisco dalam taun 1955 lalu diambi nyadi anak enda lama udah nya. Iya besekula ba Kolej Reed dalam taun 1972 sebedau narit diri ba taun ke sama. Dalam taun 1974, iya bejalai nengah India, ngiga penerang sebedau udah nya belajarka pengarap Buddha Zen. Iya enggau Wozniak sama numbuhka Apple dalam taun 1976 dikena ngemansang sereta nyual agi komputer peribadi Apple I Wozniak. Begulai, dua iku nya bulih nama enggau pengaya setaun udah nya enggau ngasilka sereta nyual Apple II, siti ari mikrokomputer keterubah ti mujur bendar diasilka mayuh.

Jobs meda potensi komersial Xerox Alto dalam taun 1979, ti dipejalai ngena maus sereta ngembuan interface pengguna grafik (GUI). Tu ngujungka pengawa ngaga Apple Lisa ti mayuh enda mujur dalam taun 1983, lalu ditangkan enggau penembu Macintosh dalam taun 1984, komputer ti keterubah diasilka bebala mayuh enggau GUI. Macintosh ngepunka industri pemansut desktop dalam taun 1985 (chunto, Aldus PageMaker) enggau penambah Apple LaserWriter, penyelak laser keterubah ti ngembuan grafik vektor enggau PostScript.

Dalam taun 1985, Jobs ninggalka Apple sepengudah lama berebutka kuasa enggau lembaga pengarah kompeni nya sereta CEO iya maya nya, John Sculley. Ba taun ti sama, Jobs mai sekeda pengereja pengawa Apple enggau iya numbuhka NeXT, sebengkah kompeni pemansang platform komputer ti pakar dalam komputer ungkup makit pelajar tinggi enggau dagang, ti nyadi CEO kompeni nya. Dalam taun 1986, iya meli pampang grafik komputer Lucasfilm, ti diputarka bibas nyadi Pixar.^[2] Pixar ngasilka filem animasyen komputer keterubah, Toy Story (1995), lalu nyadi studio animasyen ke tebilang, ngasilka bepuluh iti filem ke mujur ba pengawa komersial sereta dipuji bala kritik.

Dalam taun 1997, Jobs pulai baru ngagai Apple nyadi CEO sepengudah kompeni nya ngulihka NeXT. Iya mayuh betanggungjawap ngidupka baru Apple ti benung ba ambang bankrap. Iya bekerejasama rat enggau pereka British Jony Ive ngaga siti baris produk enggau servis ti ngembuan ramifikasyen budaya ti besai agi, berengkah enggau kimpin iklan " Berunding bebida ", lalu ngujungka ngagai iMac, iTunes, Mac OS X, Apple Store, iPod, Kedai iTunes, iPhone, App Store sereta iPad. Jobs mega kala nyadi kaban board ba Gap Inc ari taun 1999 ngagai 2002.^[3] Dalam taun 2003, Jobs ditemu bisi tumor neuroendokrin pankreas. Iya mati ketegal sekat seput bekaul enggau tumor dalam taun 2011; ba taun 2022, iya diberi Midul Pengelepas Presiden pengudah iya mati. Kenyau ari iya mati, iya udah menang 141 iti paten; Jobs megai lebih 450 iti paten sepenyampau.^[4]

Kereban sanding

↑ "The Walt Disney Company and Affiliated Companies—Board of Directors". October 14, 2009. Archived from the original on October 14, 2009. Retrieved September 18, 2018.
↑ Paik, Karen (2015-11-03). To Infinity and Beyond!: The Story of Pixar Animation Studios (in Inggeris). Chronicle Books. p. 52. ISBN 978-1-4521-4765-9.
↑ Paik, Karen (2015-11-03). To Infinity and Beyond!: The Story of Pixar Animation Studios (in Inggeris). Chronicle Books. p. 52. ISBN 978-1-4521-4765-9.
↑ Paik, Karen (2015-11-03). To Infinity and Beyond!: The Story of Pixar Animation Studios (in Inggeris). Chronicle Books. p. 52. ISBN 978-1-4521-4765-9.

[1] "The Walt Disney Company and Affiliated Companies—Board of Directors". October 14, 2009. Archived from the original on October 14, 2009. Retrieved September 18, 2018.

[2] Paik, Karen (2015-11-03). To Infinity and Beyond!: The Story of Pixar Animation Studios (in Inggeris). Chronicle Books. p. 52. ISBN 978-1-4521-4765-9.

[3] Paik, Karen (2015-11-03). To Infinity and Beyond!: The Story of Pixar Animation Studios (in Inggeris). Chronicle Books. p. 52. ISBN 978-1-4521-4765-9.

[4] Paik, Karen (2015-11-03). To Infinity and Beyond!: The Story of Pixar Animation Studios (in Inggeris). Chronicle Books. p. 52. ISBN 978-1-4521-4765-9.

[1]

[2]

[3]

[4]