Songkhla
Songkhla
| |
|---|---|
| Mengeri Songkhla เทศบาลนครสงขลา | |
 Mengeri Songkhla | |
 Seal | |
  Songkhla Endur ba Thailand | |
| Coordinates: 7°12′22″N 100°35′48″E / 7.20611°N 100.59667°E | |
| Menua |  Thailand |
| Provinsi | Songkhla |
| Pelilih Menua | Mueang Songkhla |
| Government | |
| • Type | Kandang Mengeri |
| • Ketuai Mengeri | Somsak Tantiseranet |
| Pemesai | |
| • Penyampau | 9.27 km2 (3.58 sq mi) |
| Elevation | 11 m (36 ft) |
| Time zone | UTC+7 (ICT) |
| Kod talipaun | (+66) 74 |
| Website | songkhlacity |
Songkhla (Thai: สงขลา), tauka dikelala enggau nama Singgora tauka Singora (Jaku Melayu Pattani : ซิงกอรอ, Singoro), iya nya sebengkah mengeri (thesaban nakhon) di Provinsi Songkhla ba selatan Thailand, semak garis entara menua enggau Malaysia. Songkhla bepalan 968 km (601 mi) selatan Bangkok lalu naka taun 2020 ngembuan penyampau tubuh 61,758 iku.[1]
Taja pan mit agi ari mengeri ke besemak iya nya Hat Yai, Songkhla nyadi indu nengeri Provinsi Songkhla sereta mega Pelilih Menua Mueang Songkhla (pelilih mengeri Songkhla). Begulai enggau Hat Yai, Songkhla nyadi sebagi ari Kandang Menua Besai Hat Yai-Songkhla (sebengkah kandang mengeri ke ngembuan penyampau tubuh urung 800,000 iku), kandang mengeri besai ketiga pemadu besai di menua Thailand.
Ba mua Tasik Songkhla ngagai Teluk Thailand, Songkhla nyadi sebengkah mengeri berikan lalu mega nyadi palan penyangkai kapal ti beguna. Iya nyadi palan penyangkai kapal tasik besai ba sepiak timur Isthmus Kra.
Sejarah
[edit | edit bunsu]
Nama Songkhla mai reti ‘menua singa’ (enda tau saru enggau Singapura) lalu nyadi varian jaku Thai ungkup leka jaku “Singgora” (Melayu enggau Jawi: سيڠڬورا). Tu nunjukka bukit ke betukuh singa semak mengeri Songkhla. Pengawa ngali arkeologi ba isthmus entara Tasik Songkhla enggau tasik mandangka ba abad ke-10 nyentuk ke-14, tu kandang endur ke besai udah nyadi mengeri, sereta nyadi palan dagang maritim entarabansa, kelebih agi enggau Quanzhou di China. Nama Sanskrit ti panjai nengeri ti bisi dia udah lenyau; nama pandak iya dalam jaku Sanskrit iya nya Singhapura (‘Nengeri Singa’) (enda tau saru enggau Singapura ), sebengkah menua nengeri. Nama pandak vernakular iya nya Satingpra, datai ari jaku Mon-Khmer sting/steng/stang (reti iya ‘sungai’) enggau jaku Sanskrit pura (‘mengeri’).[2]
Rerak mengeri penyangkai kapal kelia Satingpra semina beberapa kilometer aja ari utara Songkhla. Iya nyadi siti ari palan dagang ti pemadu beguna ba Perintah Tambralinga. Pengawa ngali enggau pansik arkeologi ke dipejalaika ba ujung abad ke-20 nyadika saksi bisi kuta ke bekuta ke dijaga parit enggau dinding ke ngelingi iya ke betukuh empat segi ke digaga ari batu bata. Sistem alir ti canggih nyambung tasik ngagai Tasik Songkhla ngemendarka engkebut kapal. Pengawa ngali nya mai ngagai terang artifak ti besai rega sejarah enggau seni.[3]
Pemungkal mengeri Songkhla kemaya hari tu iya nya Kesultanan Singora, sebengkah mengeri penyangkai kapal ke balat dibenteng. Iya ditumbuhka siku orang Persia ba pun kurun ke-17, Dato Mogol, lalu ngerembai maya perintah anak iya, Sultan Sulaiman Shah. Dalam taun 1680, pengudah bepuluh taun penyarut, mengeri nya dirusak lalu ditinggalka; tinggal nyengkaum kubu, dinding mengeri, pendam Belanda enggau pendam Sultan Sulaiman Shah.
Kena 8 Disember 1941 jam menua nya, soldadu Jipun bedarat ba Songkhla, nyerang Thailand. Ketegal Garis Haribulan Antarabansa, tu kebendar iya nyadi beberapa jam sebedau serang 7 Disember (jam Hawaii) ba Pearl Harbor, nyadika iya pengawa besai keterubah Perang Pasifik. Bala soldadu Jepun lalu mindah ke selatan nuju Perlis enggau Pulau Pinang nyadi sebagi ari kimpin Malaya ti ngujungka sida ngalahka Singapura.[4]
Kenyau ari taun 2003, Songhkla udah kena empas penyarut penyerara ba menua sepiak Narathiwat, Pattani, enggau Yala.[5]
Ketuai Mengeri ba kandang mengeri nya, Peera Tantiserane, dibunuh ba Songkhla dalam taun 2014.[6]
Populasyen
[edit | edit bunsu]Majoriti peranak menua nya megai pengarap Buddha enggau sebagi besai pengarap Islam, kelebih agi ba kandang menua pesisir semak garis entara menua Malaysia. Orang Islam tu bejaku ngena jaku Yawi, jaku ti bekaul rat enggau jaku Melayu, ti bisi sekeda pengaruh Thai, kelebih agi dalam leka jaku pinjau ti diinjau ari jaku Thai.[7]
Mengeri Songkhla ngambi selampur pelilih mit Bo Yang. Naka taun 2020 mengeri Songkhla ngembuan penyampau tubuh 61,758 iku.[1]
Galeri
[edit | edit bunsu]-
Duyung Songkhla -
Jematan Tinsulanonda -
Palan penyangkai kapal tasik Songkhla -
Songkhla Lak Mueang
Kereban sanding
[edit | edit bunsu]- ↑ 1.0 1.1 "Thailand: Major Cities, Towns & Communes - Population Statistics, Maps, Charts, Weather and Web Information".
- ↑ Stargardt, Janice (2001). "Behind the Shadows: Archaeological Data on Two-Way Sea Trade Between Quanzhou and Satingpra, South Thailand, 10th-14th century". In Schottenhammer, Angela (ed.). The Emporium of the World: Maritime Quanzhou, 1000-1400. Volume 49 of Sinica Leidensia. Brill. pp. 309–393. ISBN 90-04-11773-3.
- ↑ Michel Jacq-Hergoualc'h (2002). BRILL (ed.). The Malay Peninsula: Crossroads of the Maritime Silk-Road (100 Bc-1300 Ad). Translated by Victoria Hobson. pp. 411–416. ISBN 90-04-11973-6.
- ↑ Parfitt, Allen. "Bicycle Blitzkreig [sic] The Japanese Conquest of Malaya and Singapore 1941-1942". MilitaryHistoryOnline.com. Retrieved 9 Aug 2011.
- ↑ Morch, Maximillian (2018-02-06). "The Slow Burning Insurgency in Thailand's Deep South". The Diplomat. Retrieved 3 July 2018.
- ↑ "'Hitman' sought in Peera murder". Bangkok Post. 2012-11-13. Retrieved 2013-02-20.
- ↑ Yegar, Moshe (2002). Between Integration and Secession; The Muslim Communities of the Southern Philippines, Southern Thailand, and Western Burma/Myanmar (eBook). Lexington Books. ISBN 9780739103562. Retrieved 2013-02-20.
| International | |
|---|---|
| National | |
