Simeon-François Berneux
Siméon-François Berneux | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Martyr | |||||||||||||
| Ada | 14 Me 1814 Château-du-Loir, French Empire | ||||||||||||
| Midang | April 8, 1866 (umur 51) Saenamteo, Joseon | ||||||||||||
| Dipebasa ba | Catholic Church | ||||||||||||
| Diberekat | 6 October 1968 by Pope Paul VI | ||||||||||||
| Dikanon | 6 May 1984 by Pope John Paul II | ||||||||||||
| Pengerami |
| ||||||||||||
| |||||||||||||
Siméon-François Berneux (14 Me 1814 – 8 Mach 1866) nya siku indu misi Katolik Peranchis ke Asia, lalu siku kaban Gerempung Misi Luar Paris ti dikuduska nyadi sante. Berneux dibunuh lebuh pengawa orang ke ngelaban orang Kristian di Saenamteo, Seoul, Korea, dalam taun 1866. Pemidang iya ngujungka kimpin Peranchis ngelaban Korea maya taun ke sama, ke ngujungka Korea ngenegapka polisi nempuk diri ke majak nyadi.
Biografi
[edit | edit bunsu]Siméon-François Berneux ada ba Château-du-Loir kena 14 Me 1814 lalu masuk Seminari Misi Menua Luar dalam taun 1831 lebuh umur iya tujuh belas taun. Dalam taun 1843 iya masuk Seminari Le Mans kena nembuka pelajar iya. Iya dichiri nyadi paderi kena 20 Me 1837 lalu dipadu nyadi Profesor Teologi ba Seminari Misi Luar Menua dalam bulan Oktober 1838.
Berneux bekejang ari Le Havre kena 12 Februari 1840 lalu datai ba Anyer di Jawa kena 31 Me. Iya ngabiska musin angat ba Manila sebedau belayar ke Makau. Dalam bulan Januari 1841 iya belayar ngagai Tonkin. Ba Vietnam iya dijil lalu dibai ngagai Huế ngambika dipechara, lalu iya datai kena 28 Me. Dalam taun 1842 iya diukum ketegal pengawa proselitisme lalu diukum mati, ukum ti ditangguh enda tentu lama. Iya dilepaska kena 12 Mach 1843 lalu belayar deka pulai ke Peranchis. Taja pia, ba Pulau Bourbon (diatu Réunion), iya nerima pemendar pulai ngagai Makau. Iya dipadu berengkah pengawa misi di Manchuria, lalu datai di Semenanjung Liaodong kena 15 Mach 1844.
Berneux dichiri nyadi bishop kena 27 Disember 1854, dipadu nyadi bishop titular Capsus[1] enggau Vikar Apostolik Korea.[2] Vikar Apostolik Korea ke dulu ari nya, Jean-Joseph-Jean-Baptiste Ferréol, udah dikuduska dalam taun 1843 lalu begawa di Korea ari taun 1845 nyentukka iya midang dalam taun 1853. Berneux belayar ari Shanghai ke Korea dalam bulan Januari 1856 ngena kapal China, datai ba tasik Korea kena 15 Mach. Sida betemu enggau sebuah kapal ke diempu raban Kristian Korea kena Hari Lima Kudus lalu bedarat semak mengeri Seoul. Tama ngagai mengeri nya sida bejalai kaki, Berneux enggau raban iya dibai ngagai rumah Marie-Nicolas-Antoine Daveluy, siku paderi Peranchis ke udah datai ke Korea begulai enggau Bishop Ferréol. Berneux numbuhka palan pengentap pendiau di Seoul, diau sereta gawa enggau chara belalai.
Dalam taun 1866 Berneux ditangkap lalu dipechara. Dalam bulan Februari 1866 iya suah ditasat ngena chara diperinsa, lalu diukum mati. Iya dibunuh ngena chara beputung pala kena 8 Mach 1866 ba Saenamteo luar Seoul. Daveluy nyadi Vikar Apostolik enda lama nyentukka iya mega dibunuh kena 30 Mach. Pemidang Berneux enggau indu misi Katolik bukai di Korea ditangkan enggau ekspedisyen ukum Peranchis ti ngenegapka polisi numpuk diri Korea.
Kanonisasyen
[edit | edit bunsu]Tulis rohani Berneux dikemendarka bala pakar teologi kena 13 Me 1914, lalu pengawa iya dibuka enggau formal kena 13 November 1918, lalu meri iya gelar Nembiak Allah Taala.[3] Iya dikuduska Pous Paul VI kena 6 Oktober 1968 lalu dikanon Pous John Paul II kena 6 Me 1984.[4] Hari pengerami iya nya 7 Mach,[5] lalu iya mega dipebasaka begulai enggau 103 iku Martir Korea ke bukai kena 20 September.
Relik iya dibai ke Berlin dalam taun 2001 lalu disimpan ba Institut St. Pjilipp Neri ba Berlin, Jereman.
Kereban sanding
[edit | edit bunsu]- ↑ Pratt, Keith; Rutt, Richard (December 16, 2013). Korea: A Historical and Cultural Dictionary. Routledge. p. 35. ISBN 9781136794001. Retrieved 17 August 2015.
- ↑ "Bishop St. Siméon-François Berneux [Catholic-Hierarchy]".
- ↑ Index ac status causarum beatificationis servorum dei et canonizationis beatorum (in Latin). Typis polyglottis vaticanis. January 1953. p. 80.
- ↑ "Saint Siméon-François Berneux". CatholicSaints.Info. 7 Mach 2010.
- ↑ "Roman Matyrology". Vatikan.
Bibliografi
[edit | edit bunsu]- Pengidup 103 iku orang kudus Korea ti udah mati syahid 37: Orang Kudus Siméon François Berneux, Bishop (1814-1866) Archived , Surat Berita Konferens Bishop Katolik Korea No.51 (Musim Panas 2005).
- Frederik Pichon (taun 1872). Pengidup Tuan Berneux, Bishop Capse, Penyapit-Rasul Korea . Burns, Oates, enggau Kompeni, London.
Laman web ke bukai
[edit | edit bunsu]- Profil Sante
- (in French) Arkib Gerempung Misi Luar Paris Diarkib