Shakira
02.jpg)
Shakira Isabel Mebarak Ripoll (ada 2 Februari 1977), dikelala enggau nama Shakira, iya nya siku penyanyi, penulis lagu, enggau penari tebilang ari Colombia. Dikelala enggau gaya muzik ti bemacham sereta dikumbai "Ratu Muzik Latin",[1] iya siku orang ti bepengaruh amat ba industri pemerindang dunya. Enggau anggar jualan lebih 95 juta rekod, iya siku ari artis muzik ti pemadu laku sepanjai maya.[2] Penerai baka Billboard enggau Forbes udah ngengkahka iya entara artis ke pemadu mujur dalam sejarah muzik.
Pengudah nyain sempekat enggau Sony Music Colombia, Shakira bulih kelala ba renggat antarabansa nengah album Pies Descalzos (1995) enggau Dónde Están los Ladrones? (1998). Album Inggris keterubah iya, Laundry Service (2001), mansik muzik pop-rock lalu ngasilka lagu hit dunya "Whenever, Wherever" enggau "Underneath Your Clothes".[3] Muzik iya terus tebilang enggau rintai lagu tunggal ti mujur baka "Hips Don't Lie", "Waka Waka (This Time for Africa)", enggau "Loca". Berindik ari album El Dorado (2017) ti menang Anugerah Grammy, iya ngerembaika muzik urban ba album Las Mujeres Ya No Lloran (2024).[4] Ba taun 2026, iya baru aja ngeluarka lagu "Dai Dai" (begulai enggau Burna Boy) nyadi lagu rasmi ungkup Pekit Bol Dunya FIFA 2026.[5]
Kereban sanding
[edit | edit bunsu]- ↑ https://www.bbc.co.uk/newsround/articles/c9d3g68478no
- ↑ https://www.billboard.com/music/pop/shakira-greatest-pop-stars-21st-century-1235777625/
- ↑ https://www.wunc.org/2023-09-13/shakira-didnt-just-cross-over-she-created-a-new-multicultural-pop-stardom
- ↑ https://www.grammy.com/artists/shakira/17393
- ↑ https://www.billboard.com/music/latin/shakira-burna-boy-dai-dai-fifa-world-cup-song-1236247777/