Serang 11 September 2001
Serang 11 September 2001 (mega dikelala enggau nama 9/11) iya nya siri empat serang munuh diri ti dikoordinasyen al-Qaeda ngagai Amerika Serikat kena 11 September 2001. Pagi nya, 19 iku pengganas al-Qaeda ngerampas empat iti bilun penepan komersial.[1][2] Bala penyamun nya sengaja ngelantak dua iti bilun ngagai Menara Sapit Pusat Dagang Dunya di Nengeri New York, lalu munuh semua penepan enggau tebal agi orang ke gawa ba begunan nya. Kededua menara nya runtuh dalam timpuh sejam 42 minit ngujungka begunan ke besemak mega anchur tauka rusak. Sida mega ngelantak bilun ketiga ngagai begunan Pentagon di Arlington, Virginia, di Washington, DC. Semua penepan ba semua empat iti bilun nya parai.
Sepenyampau 2,977 iku mansa enggau semua 19 iku orang ke ngerampas nya parai dalam serang nya.[3] Nitihka penerang ari Opis Pengerai Nengeri New York, naka bulan Jun 2009, sepenyampau 836 iku orang ke nimbal penusah tu nyengkaum raban bomba enggau polis udah mati.[4] Entara 2,752 iku mansa ke parai dalam pengawa nyerang Palan Dagang Dunya iya nya 343 iku raban bomba enggau 60 iku pemesai polis ari Nengeri New York enggau Lembaga Palan Penyangkai Kapal.[5] Bisi 184 iku agi orang parai dalam pengawa nyerang Pentagon.[6] Majoriti mansa nya orang awam nyengkaum peranak ari 70 iti menua.[7] Kelimpah ari nya, bisi pengabis kurang seiku pemati enda terus, ketegal penyakit lempuang ketegal kena abus reba Palan Dagang Dunya.[8]
Penyalah sangka jampat bendar dipansutka ngagai al-Qaeda. Ketuai iya, Osama bin Laden, keterubah iya nyangkal iya bisi kaul, tang ba taun 2004, pengujung iya ngaku tanggungpengawa nyadi dalang serang nya.[9] Amerika Serikat nimbal penusah tu enggau ngepunka Perang Ngagai Pengganas, nyerang Afghanistan dikena ngelabuhka raban Taliban ti benung ngelamun kaban al-Qaeda, lalu ngaga Akta PATRIOT USA. Kena bulan Mei 2011, bin Laden ditemu lalu dibunuh. Mayuh menua bukai mega udah ngenegapka undang-undang ngelaban pengani sereta nambahka kuasa penerit atur. Sekeda bursa saham Amerika ditutup sepemanjai minggu sepengudah serang nya, udah nya ngayanka pengerugi ke besai sepengudah sida dibuka baru, kelebih agi ba sektor penerebai bilun enggau industri. Pengerusak palan opis ti berega bebilion dollar udah balat ngeruga ekonomi Lower Manhattan.
Pengerusak ba Pentagon udah diberesi sereta dikemanahka dalam timpuh setaun, lalu Pengingat Pentagon didirika semak begunan nya. Proses ngaga baru udah dilanchar ba palan World Trade Cente. Palan Dagang One World ke baru diatu benung digaga ba palan nya lalu baru tembu dalam taun 2013. Beberapa iti agi menara benung digaga ba palan nya ari taun 2007 ngagai 2013.
Penyanding
[edit | edit bunsu]- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
- ↑ "9 Years Later, Nearly 900 9/11 Responders Have Died, Survivors Fight for Compensation". FOX News. 11 September 2010. Retrieved 12 September 2010.
- ↑ Penyalat nyebut: Tag
<ref>tidak sah; tiada teks disediakan bagi rujukan yang bernamaFOX Responders2 - ↑ Goldman, Henry (12 September 2010). "New York, U.S. Commemorate Sept. 11 Anniversary With Ceremonies, Protests". Bloomberg News. Retrieved 12 September 2010.
- ↑ "Top military officer honors 9/11 Pentagon victims". Associated Press. 11 September 2010. Archived from the original on 2018-12-25. Retrieved 12 September 2010.
- ↑ "A list of the 77 countries whose citizens died as a result of the attacks on September 11, 2001". U.S. Department of State, Office of International Information Programs. Archived from the original on 2007-10-06. Retrieved 2010-05-06.
{{cite journal}}: Cite journal requires|journal=(help) - ↑ Penyalat nyebut: Tag
<ref>tidak sah; tiada teks disediakan bagi rujukan yang bernamaDustDeath - ↑ Penyalat nyebut: Tag
<ref>tidak sah; tiada teks disediakan bagi rujukan yang bernamacbc-2004