Sepital Eropah Gaza
| Sepital Eropah Gaza مستشفى غزة الاوروبي | |
|---|---|
 | |
| Geografi | |
| Palan | Al-Fukhari, Gaza, Palestin |
| Koordinat | 31°18′14.44″N 34°19′11.48″E / 31.3040111°N 34.3198556°E |
| Organisasyen | |
| Belanja | UNRWA |
| Bansa | sepital |
| Sejarah | |
| Construction started | 1989 |
Sepital Eropah (Arab: مستشفى غزة الاوروبي) iya nya sepital rama di Al-Fukhari semak Khan Yunis ba selatan Jalur Gaza, Palestin. Iya ditumbuhka UNRWA enggau geran ari Serakup Eropah dalam taun 1989.
Ungkus keterubah kena ngaga Sepital Eropah ke bisi 232 katil nya dipelabaka manggai $45 juta. Juluk nya nyendiaka pengawa ngintu pengerai primari enggau sekondari ungkup peranak Gaza.[1] Sepital tu agi benung digaga dalam taun 1999.[2]
Maya taun 2019, sepital nya meri servis ngagai urung 17,500 iku pesakit sebulan. Sepital tu nyadi siti ari tiga sepital sanding pemadu besai di Gaza. Nitihka ripot UNDP, sepital nya nyendiaka servis labotari, servis imej (CT, MRI, X-ray), unit pengintu intensif, enggau pengawa bebuntas spesyel.[3]
Perang Gaza 2023
[edit | edit bunsu]Kena 31 Oktober 2023, pengawa nyerang langit Israel nagit kandang endur Sepital Eropah.[4] Kena 13 November Tom Potokar, ketuai pakar bebuntas Bulan Sabit Mirah ba sepital nya, nulis ba Twitter madahka iya benung ngubat mayuh pesakit ketegal bakal redak peluru.[5]
Kena 19 November, sepengudah pengawa ngepung Sepital Al-Shifa tembu enggau soldadu Israel nguasa Sepital Al-Shifa, Gerempung Pengerai Sedunya madahka sida merambu misi ngangkut pesakit Al-Shifa ke agi tinggal ngagai Sepital Eropah enggau Kompleks Perubat Nasser dalam timpuh 2-3 hari ti deka datai.[6] Kena 23 November, ketuai Komiti Penyelamat Penusah Ngenyit Perubat ba Sepital Indonesia madahka pesakit enggau staf ba Sepital Indonesia udah dipindahka ngagai Sepital Eropah.[7]
Kena bulan Mei 2024, pengereja pengawa nyaga pengerai ari menua luar ke gawa ba Sepital Eropah tepekul ba dalam Gaza lebuh Israel ngerampas kuasa ba palan meraka Garis Entara Menua Rafah.[8] Tammy Duckworth ngarika pengawa mindahka siku ari lutur ke tepekul, Adam Hamawy, ke dikumbai iya nyelamatka nyawa iya sepengudah iya bakal ba Iraq. Hamawy berandau enggau The Washington Post pasal penanggul suntuk bekal enggau mayuh nembiak mit ke bakal ke udah diperubat iya ba Sepital Eropah.[9]
Kena bulan Julai 2024, Raban Pengetan Israel (IDF) ngasuh orang mindah ari kandang endur Sepital Eropah, udah nya mansutka penerang madahka sepital nya enda disengkaum dalam perintah nya.[10] Staf, pesakit, enggau orang ke pindah pansut ari sepital enggau tusah ketegal gaya jalai alun enggau sekeda pesakit.[11][12] Mayuh orang dipindahka ngagai Sepital Nasser.[13] Sekumbang sepital tu ditutup, mayuh bekal dichuri.[14][15] Sepital nya dibuka baru dalam bulan September enggau kapasiti ke mimit. [15]
Sekeda lutur ari menua luar udah nyadi voluntia ba Sepital Eropah lalu bejaku enggau pengarang berita pasal peneleba sida dia.[16] Nitihka penerang ari Dr. Mark Perlmutter enggau Dr. Feroze Sidwa, seduai iya nadai kala meda "pengawa kasar" baka ti nyadi ba seduai iya di Gaza, taja pan seduai iya udah gawa ba mayuh bengkah misi kemanusiaan ba menua ti benung mansang, penusah alam, enggau zon perang.[17] Perlmutter udah ngeripotka 90% ari pesakit bilik penusah ngenyit ti ditapi iya nya nembiak mit lalu sekeda dipeda sengaja dituju bala penimbak IDF. [18][17] Kena bulan Julai 2024, 45 iku lutur nyengkaum Perlmutter enggau Sidwa nulis surat tebuka ngagai Joe Biden enggau Kamala Harris dikena ngasuh pengetu senyata enggau tagang senyata.[18]
Kereban sanding
[edit | edit bunsu]- ↑ Brynen, Rex (2000). A Very Political Economy: Peacebuilding and Foreign Aid in the West Bank and Gaza. United States Institute of Peace Press. p. 196. ISBN 9781929223046.
- ↑ Barghouthi, Mustafa; Lennock, Jean; Shaban, Radwan A. (1999). "Managing the Growth of the Health Sector". In Diwan, Ishac; Shaban, Radwan A. (eds.). Development Under Adversity: The Palestinian Economy in Transition (PDF). The World Bank. p. 174.
- ↑ "Solar Electrification of the Health System in the Gaza Strip: Opportunities & Challenges" (PDF). UNPD.org. Jun 2019. p. 31-32.
- ↑ Farah Najjah. "Dozens killed in Israeli air attack on refugee camp, Gaza officials say". Al Jazeera.
- ↑ Tom Potokar. "Surgeon Dr. Tom Potokar shares on the situation from European Hospital, Gaza". X.
- ↑ Diaz, Jaclyn. "31 premature babies are evacuated from Al-Shifa Hospital to southern Gaza". NPR.
- ↑ "Al Jazeera is reporting that the Indonesia hospital in Gaza has been evacuated". The Guardian. 23 November 2023.
- ↑ Haydar, Nour; Doherty, Ben (2024-05-20). "Australian doctor trapped in Gaza hospital begs government to evacuate medical team". The Guardian (in Inggeris British). ISSN 0261-3077. Retrieved 2024-09-21.
- ↑ Bellware, Kim (2024-05-17). "American doctors in Gaza see up-close toll of war weapons on children". Washington Post (in Inggeris AS). ISSN 0190-8286. Archived from the original on 2024-05-18. Retrieved 2024-09-21.
- ↑ Kareem Khadder, Abeer Salman, Michael Schwartz, Alex (2 Julai 2024). "Israeli military orders new evacuations in southern Gaza, prompting evacuation of European Hospital". CNN.
{{cite web}}: CS1 maint: multiple names: authors list (link) - ↑ "Why Israel ordered yet another evacuation of Gaza's Khan Younis". Al Jazeera. 2024-07-02.
- ↑ Hurwitz, Sophie. "Inside one of the last hospitals in Gaza". Mother Jones.
- ↑ "Supply shortages and patient influxes leave Nasser hospital at breaking point | MSF". MSF.
- ↑ "We Volunteered at a Gaza Hospital. What We Saw Was Unspeakable". Politico. 2024-07-19.
- ↑ 15.0 15.1 Hurwitz, Sophie. "One of the only hospitals in Gaza just reopened". Mother Jones.
- ↑ "Inside Gaza's destroyed healthcare system: 'Patients scream for their loved ones'". Independent. 24 Julai 2024.
- ↑ 17.0 17.1 "We Volunteered at a Gaza Hospital. What We Saw Was Unspeakable". Politico. 2024-07-19.
- ↑ 18.0 18.1 Akbarzai, Sahar. "'We cannot remain silent about what we saw.' US medical workers demand Gaza ceasefire in letter to Biden and Harris". CNN.