Pegi ngagai isi

Sejarah Sarawak

Ari Wikipedia
Ukir ngambarka sebengkah kampung di Kuching.

Sejarah Sarawak ulih dipansik nyentuk ke 40,000 taun ke udah nyentuk ngagai jeman Paleolitik ke alai bukti keterubah mensia diau ditemu ba gua-gua Niah. Siri seramik China ke digaga ari abad ke-8 ngagai ke-13 AD bisi ditemu ba palan arkeologi Santubong. Kandang menua pesisir Sarawak kala di baruh pengaruh Empayar Brunei dalam abad ke-16. Dalam taun 1839, James Brooke, siku pematau ari menua British keterubah iya datai di Sarawak. Udah nya Sarawak diperintah sida Brooke sebilik entara taun 1841 enggau 1946. Maya Perang Dunya Kedua, menua tu dipegai Jipun sepengelama tiga taun. Udah tembu perang, Rajah Putih kepenudi iya nya Charles Vyner Brooke nyerahka Sarawak ngagai Britain, lalu dalam taun 1946 iya nyadi Koloni Mahkota British. Kena 22 Julai 1963, Sarawak diberi kuasa merintah diri ulih British. Berindik ari nya, iya nyadi siti ari kaban pemungkal Federasyen Malaysia, ti ditumbuhka kena 16 September 1963. Taja pia, menua federasyen nya dibantah Indonesia, lalu tu ngujungka konfrontasyen Indonesia–Malaysia pengelama tiga taun. Ari taun 1960 ngagai 1990, Sarawak kala ngasaika penyarut komunis.

Prasejarah

[edit | edit bunsu]
Pintu penama besai ngagai Gua-gua Niah.

Bala orang keterubah ngiga pemakai nemuai ngagai Mulut Barat Gua Niah (bepalan 110 kilometer (68 bt) barat daya Miri)[1] 65,000 taun ke udah, ukai 40,000 taun ke udah baka ke kala dipechaya sebedau tu, lebuh Borneo disambung enggau tanah besai Asia Tenggara.[2] Rampa menua ngelingi Gua Niah suba rangkai agi sereta tebuka agi ari ke diatu. Ari segi sebedau sejarah, Gua Niah dikelingi gempung kampung ke ditutup enggau babas, tanah taman, paya, enggau sungai. Bala orang ke ngiga pemakai ulih idup ba kampung ujan nengah pengawa ngasu, berikan, sereta ngumpul moluska enggau utai tumbuh ke tau diempa.[3] Taris maya baru tu iya nya 65,000 taun ditumbuhka lebuh lima iti kereban mikrolitik ti beumur 65,000 taun enggau pala mensia ti beumur 55,000 taun ditemu ba sebagi ari kompleks Gua Niah, gua Trader, maya pengawa ngali.[4] Bukti ke dulu agi iya nya penemu ba keruntuk mensia moden, ke diberi nama kangau "Keruntuk Dalam", dalam parit ke dalam ke ditemu Barbara enggau Tom Harrisson (siku pakar etnologi British) dalam taun 1958;[1][5] tu mega tulang kerigai mensia moden ti pemadu tuai di Asia Tenggara.[6] Keruntuk Dalam nya nyangka enggi siku nembiak indu ke beumur 16 ngagai 17 taun.[3] Enti dibanding enggau keruntuk Iban enggau fosil bukai, Keruntuk Dalam pemadu sebaka enggau orang asal Borneo kemaya hari tu, enggau gamal sida ti alus sereta pemesai tubuh ti mit, lalu iya bisi mimit aja utai ti sebaka enggau keruntuk orang asal Australia.[7] Palan pendam Mesolitik enggau Neolitik mega bisi ditemu. Kandang endur ngelingi Gua Niah udah dichiri nyadi Taman Negara Niah.[8]

Siti agi pengawa ngali ke dulu agi ari nya ke digaga Tom Harrisson dalam taun 1949 tetemuka siri seramik China ba Santubong (semak Kuching) ke datai ari jeman dinasti Tang enggau Song dalam abad ke-8 ngagai ke-19 AD. Bisi pelaba Santubong nyadi palan penyangkai kapal tasik ti beguna di Sarawak maya timpuh nya, tang pemesai guna iya nurun maya dinasti Yuan, lalu palan penyangkai kapal nya sunyi maya dinasti Ming.[9] Palan arkeologi bukai di Sarawak ulih ditemu dalam kandang pelilih menua Kapit, Song, Serian, enggau Bau.[10]

Perintah-perintah ti dulu suba

[edit | edit bunsu]

Perintah keterubah dalam menua Sarawak iya nya Santubong (semak Kuching), Sadong (semak Samarahan), Saribas, Kalaka (kededua nya di Bagi Menua Betong), Malano (di Mukah),[11] enggau Banting enggau Lingga (kededua nya bepalan di Sri Aman).[12]

Sebedau perintah-perintah keterubah tu di Sarawak nyadi, Tamadun Funan Hindu, ke nyadi gempun mayuh bansa bansa Austronesia enggau Austroasiatik begulai enggau pemesai India (Asia Selatan), idup di Tanah Besai Asia Tenggara ba utai ke diatu dikumbai bansa Arab enggau bansa China, ngembuan pengarap enggau adat ke sama enggau perintah-perintah di Sarawak.[13]  Lebuh Kemboja (Khmer) ngalahka Funan, rayat iya rari ke Sarawak ke alai sida sebilik diraja iya dinasti Sailendra numbuhka perintah baru ngena orang ke lari ari Funan. [13] 

Pengawa ngali arkeologi di Santubong mandangka palan nya nyadi palan penyangkai kapal dagang ke beguna ari abad ke-7 nyentuk ke abad ke-14. Entara artifak ke ditemu iya nya seramik China, slag besi (berat urung 40,000 tan), enggau artifak pengarap Hindu. Nitihka bup sejarah Hikayat Datuk Merpati, Datuk Merpati enggau kaban belayan iya datai ari pulau Jawa. Sida mantu dua iku agi orang ke benama Datuk Kuli enggau Datuk Kuali ke tepekul ba Tanjung Datu (semak Kuching) di Sarawak. Kededua Datuk Kuli enggau Kuali ngelaluka Datuk Merpati pindah ke Sungai Sarawak lalu ngepunka perintah Santubong. Anak lelaki Datuk Merpati Merpati Jepang majakka perintah iya ba menua Santubong. Datai ba taun 1350, Majapahit berengkah ngerembaika palan kuasa iya ngagai Borneo. Pengawa bedagang ba palan penyangkai kapal Santubong diketuka, baka ke udah dibuktika nadai tembikar dinasti Ming China ba kandang menua nya. Nama Santubong udah nya ditukar ngagai Sawaku (Sarawak) baka ti dirikut dalam manuskrip jaku Jawa Nagarakretagama.[11]

Orang Santubong tentu mindah ke dalam menua ngagai kandang menua Gedong/Sadong dalam kandang Bagi Menua Saramahan. Silsilah Raja-raja Brunei bisi nyebut pasal menua Samarahan ti kekadang dikelala enggau nama Sadong. Nama endur Samadong ke dirikut dalam manuskrip Jawa Nagarakretagama dipelaba nunjukka menua Sadong. Dalam taun 1850-an, James Brooke enggau Spenser St.John tetemuka siti anak patung indu enggau siku sapi batu ba kandang endur tu ti dikena dalam pengawa sembiang pengarap Hindu. Pengawa ngali arkeologi ba Sungai Sadong tetemuka barang seramik China ke bisi kenyau ari abad ke-14 ngagai ke-15. Sepenyampau 79,654 igi seramik, manik, duit syiling, enggau emas ditemu ba Gedong, ke bepalan 7 batu ke dalam Santubong. Urung 15 batu agi ke dalam menua Gedong iya nya Bukit Sandong ke alai 30,000 iti seramik ditemu ti datai ari kereban tembikar ke ditemu ba Gedong enggau Santubong. Penatai barang seramik tradisional Thailand barang seramik Sangkhalok ba Bukit Sandong berengkah ari kandang menua nya kenyau ari abad ke-16 ngagai ke-17. Penatai barang seramik ti mayuh ngayanka pengawa bedagang tau nyadi jauh agi ke dalam menua ari Santubong. Lucas Chin, ex-direktor Muzium Negeri Sarawak madahka enti Gedong kala nyadi entiti politik, iya tentu udah bisi ari abad ke-7 ngagai ke-13.[11]

Bepalan semak lebak sungai Kalaka iya nya menua Kalaka, ti bepalan ba 10 batu tunga ke timur Santubong. Siti agi menua ke benama Kabong nya ba nanga sungai Kalaka enggau Saribas. Nagarakretagama ngerikut Kalaka enggau nama Kalka, koloni Majapahit. Ba Silsilah Raja-raja Brunei, Kalaka dipadahka udah diberi kesultanan Johor ngagai empayar Brunei. Ba Syair Tarsilah Cetera Dato’ Gudam enggau Temenggong Qadir Negeri Saribas, menua tu dipadahka diperintah dua iku menyadi indu. Pengawa ngali ba kandang endur tu tetemuka 9,469 iti barang seramik China, nyengkaum barang seramik Sangkhalok enggau tembikar biru enggau putih, ke digaga kenyau ari abad ke-16 ngagai ke-17.[11]

Perintah Saribas ke bepalan semak enggau perintah Kelaka ba endur sungai Saribas enggau sungai Rimbas besambung. Silsilah raja-raja menua Brunei nyebut nama menua Saribas. Dalam Syair Tarsilah Cetera Abang Gudam enggau Temenggong Qadir Negeri Saribas, siku orang ti dipebasa Brunei ti benama Pengiran Temenggong Abdul Qadir lari ari indu nengeri Brunei ketegal anak indu iya ti benama Dang Chi; udah diambi Sultan Brunei. Udah nya Abdul Qadir nirika indu nengeri di Tandang Sari ba tebing Sungai Saribas. Iya udah nya betemu enggau Dato’ Gundam ari Sumatera lalu mujuk Gundam mai anak indu iya pulai. Dato’ Gundam lalu nganti lalu anak indu Abdul Qadir jadi enggau Dato’ Gundam. Dato’ Gundam udah nya ngambi alih pengawa ngatur Perintah Saribas. Pemegai menua nya udah nya diturunka nengah pangku pengawa pemesai Datu Patinggi, Datu Bandar, Aulaksamana, Datuk Imam enggau Datu Hakim. Taja pia, Negarakertagama nadai nyebut nama Saribas. Tu tau nyadi ketegal perintah nya baru ditumbuhka ba pun tauka tengan abad ke-17.[11]

Perintah Melano bisi urung taun 1300 ngagai 1400 AD lalu bepalan ba sungai Mukah. Rajah Tugau tu siku Raja ti dikeingatka di Sarawak laban iya bisi disebut dalam sumber Brunei[14] enggau Filipina (Madja-as).[15][16] Perintah iya bisi raban orang ke sebaka jaku Melanau enggau Kajang lalu mungkur menua pesisir Sarawak nyentuk ke Belait. Sida mega bekunsi budaya enggau pesaka ti nyau deka sebaka. Nagarakertagama ke ditulis dalam taun 1365 maya Hayam Wuruk bisi nyebut Malano enggau Barune(ng) entara 14 anak sungai Majapahit. Pengudah Majapahit labuh, Barune(ng) ngerembaika kandang menua iya ba semanjai tebing tasik utara pulau Borneo.[13] Nitihka manuskrip bala pemerintah Brunei, berindik ari penusah Majapahit, Barunai ti betuaika Awang Semaun ditambahka bala Iban, ngalahka Tutong ari baruh tuai iya Mawanga enggau selampur perintah Melano nyentukka Igan ari baruh tuai iya Basiung taja pan bisi bala penguat ari Samba. Barunai neruska pengawa ngalahka serata selatan lalu udah nya utara Pulau Borneo, udah nya ngalahka serata menua Sulu enggau Filipina.[17]

Datai ba taun 1530, kandang menua Santubong dikelala bala tukang ngaga kar Portugis enggau nama Cerava, siti ari lima bengkah palan penyangkai kapal tasik besai ba pulau Borneo.[11][18][19] Kar Eropah ba abad ke-16 enggau ke-17 meri nama kandang menua Santubong nyadi Cereua (1537), Cereuwa (1550), Melano nyadi Belanos, Sadong nyadi Sedang, Kalaka nyadi Calca enggau Bintulu nyadi Sungai de Berulu. Dalam abad ke-17, Samuel Blommaert, siku orang dagang Belanda nyebut "Sadong nya siti ari palan ti pemadu manah endur bedagang setanding enggau Lauwe (Lawai)". Riput Belanda dalam taun 1609 bisi nyebut pasal pengawa ngelaban perintah kesultanan Brunei ari raban bansa ke diau di Calca, Saribas, enggau Melano ngambika ulih beserakup enggau perintah kesultanan Johor ba politik.[11] John Hunt, siku pemesai Inggeris nyebut Kalaka nyadi palan penyangkai kapal dagang ti beguna ba pelilih menua nya dalam taun 1812.[11]

Atlas Katalan ke dikeluarka dalam taun 1375 ngayanka kar perintah Malano. Pekara tu disahka kar Portugis ti ngayanka bisi menua ti dikumbai Malano. Ba Florence, Itali, siti kar lama ti ari taun 1595 ngayanka kandang menua pesisir Sarawak enggau nama pelilih menua Oya, Balingian enggau Mukah ti ditanda nyadi Malano. Dalam Nan-hai-chih menua China bisi nyebut Achen tauka Igan. Nitihka penemu Sejarawan Robert Nicholl, Rajah Tugau ari bansa Melanao nya Rajah Makatunao ke disebut dalam bup Sejarah Filipina Maragtas ke alai 10 iku Datu ari Kedatuan Madja-as di Pulau Panay, ba kandang menua Visayas, bejalaika perang ngelaban, iya nya nengah bansa Melariviya Vipuraya ke bukai udah ngaul diri enggau orang Srivijaya ba Vijayapura (Menua vassal Sriwijaya di Kalimantan) sebedau menua Majapahit megai kandang menua nya.[13]

Empayar Brunei enggau Kesultanan Sarawak

[edit | edit bunsu]
Makam Sultan Tengah, Sultan Sarawak, ti bepalan di Santubong.

Maya jeman mas iya, Brunei baruh perintah Nahkhod Raga Sultan Bolkiah (1473-1521 AD) mujur ngalahka Perintah Santubong Kingdom maya taun 1512.[20]

Dalam taun 1599, sepengudah pemati Sultan Muhammad Hasan, Abdul Jalilul Akbar angkat megai panggau Brunei. Taja pia, menyadi biak Jalilul Akbar, Pengiran Muda Tengah, nyakal pengawa nyiri Abdul Jalilu Akbar lalu mega deka nyadi Sultan Brunei enggau chara ngumbai diri nyadi penganti ti patut bepelasarka diri udah ada lebuh apai iya nyadi Putera Mahkota. Sultan Abdul Jalilul Akbar nimbal enggau ngaku Pengiran Muda Tengah nyadi Sultan Sarawak, laban maya nya Sarawak nyadi kandang menua dipegai Brunei.[21] Sultan Tengah dibunuh siku ari bala nembiak iya di Batu Buaya dalam taun 1641. Iya lalu dikuburka di Kampong Batu Buaya. Enggau pemati iya, Kesultanan Sarawak datai ba pengujung lalu udah nya diterima baru ngagai empayar Brunei. Ba pun abad ke-19, Sarawak udah nyadi kandang menua ti dipegai enggau lunggar di baruh kuasa Kesultanan Brunei. Empayar Brunei semina bisi kuasa ba semanjai pelilih menua pesisir Sarawak ti dipegai bala ketuai Melayu setengah meredeka. Berebak enggau nya, kandang menua pesisir Sarawak napi perang suku bansa ke diperang bansa Iban, Kayan, enggau Kenyah, ke agresif beperang ngerembaika kandang menua sida.[21]

Berindik ari penemu antimoni ba kandang menua Kuching, Pangeran Indera Mahkota (pengari Sultan Brunei) berengkah ngemansangka kandang menua nya entara taun 1824 enggau 1830. Lebuh pemansut antimoni majak nambah, Kesultanan Brunei minta chukai ti tinggi agi ari Sarawak; tu ngujungka penyarut enggau charut rayat.[22] Dalam taun 1839, Sultan Omar Ali Saifuddin II (1827–1852), ngasuh uchu iya Pengiran Muda Hashim mulaika atur. Pangeran Muda Hashim minta bantu pelayar British iya nya James Brooke dalam pekara nya, tang Brooke enggai.[23] Taja pia, dalam taun 1841 lebuh penemuai iya ke Sarawak ke nangkanka nya dalam taun 1841 iya setuju enggau peminta ti suah dipinta. Pangeran Muda Hashim nyain sempekat dalam taun 1841 nyerahka Sarawak ngagai Brooke. Kena 24 September 1841,[24] Pangeran Muda Hashim meri gelar gabenor ngagai James Brooke. Pengawa nyiri tu udah nya disahka Sultan Brunei dalam taun 1842. Dalam taun 1843, James Brooke mutuska deka nempa perintah Brunei ti pro-British nengah chara masang Pangeran Muda Hashim ngagai Kort Brunei laban iya deka ngambi jaku lalau Brooke, ngujungka Brunei nyiri Hashim ketegal dipejal enggau senyata ari Kompeni Phlegethon India Timur. Kort Brunei enda lantang ati enggau pengawa nyiri Hashim lalu ngasuh iya dibunuh dalam taun 1845. Kena malas, James Brooke nyerang Kampong Ayer, indu nengeri Brunei. Pengudah penusah nya nyadi, Sultan Brunei nganjung surat minta ampun ngagai Ratu Victoria. Sultan mega ngamatka James Brooke bempu menua Sarawak enggau hak iya ngelumbung antimoni enggau nadai mayar chukai ngagai menua Brunei.[25] Dalam taun 1846 Brooke rasmi nyadi Rajah Sarawak lalu numbuhka Dinasti Rajah Putih Sarawak.[26][27]

Pengerembai bansa Iban ngagai utara entara taun 1800-1941

Bepelasarka cherita asal Iban, asal sida tu datai ari sungai Kapuas di Kalimantan Barat (ba Borneo Indonesia ke diatu). Pengawa mindah tumu ke Sarawak nya asil ari isu suku bansa ba menua asal aki ini sida Kapuas Hulu.[28][29][30] Cherita rakyat Iban ke dulu suba mega sejalai enggau pansik jaku kemaya hari tu ti digaga Asmah Haji Omar (1981), Rahim Aman (1997), Chong Shin enggau James T. Collins (2019) sereta mega ari bukti budaya material ari M. Hepell (2020) ke ngesahka jaku enggau adat Iban ngerembai ari kandang menua Ulu Kapuas.[31]

Nitihka pansik ti digaga Benedict Sandin (1968), jeman pemindah bansa Iban ari Kapuas Hulu dikelala berengkah ari taun 1750-an ke atas.[31] Bala pemungkal digambarka datai di Batang Lupar lalu numbuhka genturung pendiau semak Sungai Undop. Dalam kandang lima rebak, bansa Iban Batang Lupar ngerembai ke utara, timur enggau barat, numbuhka genturung pendiau baru ti bepalan ba garis entara menua Batang Lupar, Batang Sadong, Saribas enggau Batang Layar.

Maya jeman Rajah Putih dalam abad ke-19, pemindah bansa Iban mayuh nuju ke utara nuju Lembangan Rejang, kandang menua nya dijangkau ari Sungai Katibas ulu, Batang Lupar enggau Saribas. Sebengkah komuniti Iban ti besai udah dirikut semak sungai-sungai ba Mukah enggau Oya lebuh taun 1870-an. Ba pun abad ke-20, bala pemungkal Iban datai di Tatau, Kemena (Bintulu) enggau Balingan. Dalam taun 1900-an, bansa Iban udah ngerembai ngagai lebak Baram enggau Sungai Limbang utara Sarawak.

Indu Iban ba tanah aki ini sida ba Kapuas Hulu.

Dokumen kolonial maya jeman Brooke udah ngerikut sekeda komplikasyen bekaul enggau pemindah bansa Iban, laban komuniti Iban ulih enggau nadai bepenanggul ngelui ari suku bansa asal ti udah bisi sebedau tu, pia mega nempa tanda rampa menua ti enda manah ba tanah-tanah ti asal iya diungkupka endur betanam betupi. Nya alai, bansa Iban ditagang perintah mindah ngagai sistem sungai bukai. Penyarut entara bansa Iban ngelaban polisi pentadbiran Brooke bisi diriputka ba Lembah Balleh.[31]

Taja pan bisi penanggul entara perintah Brooke enggau bala penetap maya timpuh pemindah tumu, pemindah nya udah nempa peluang ke manah ngagai kededua piak. Raban bansa Iban, ti dikelala enggau pengelandik sereta penemu ti luas ba kampung enggau tanah dikemendarka ngiga tanah baru endur mansik asil kampung nyengkaum kapur, ruas, getah kampung enggau damar. Perintah koloni udah nya ngemendarka palan pengentap pendiau tetap Iban ba selampur kandang menua ti baru dikuasa Sarawak. Ambika chunto, ba pengawa nyerahka Limbang dalam taun 1890, bansa Iban dikarapka perintah ngentapka pendiau diri ba menua nya. Program bekaul mega ulih ditemu ba Baram.[31]

Nyerumba ujung abad ke-19, bisi sekeda kandang menua di Sarawak ti ngerikut penyampau tubuh ti kelalu mayuh, nyengkaum Batang Lupar, Lembah Skrang enggau Batang Ai. Enggau nya, perintah Sarawak ngepunka program muka beberapa kandang menua ungkup palan pengentap pendiau Iban, enggau beberapa syarat. Pekara tu ulih dipeda ba pemindah nadai sekat bansa Iban nuju ke menua Baram, Balingan enggau Bintulu. Proses ke sebaka mega ulih dipeda ba pun taun 1900-an, ke alai bansa Iban ba Bagi Menua Kedua dikemendarka ngentapka pendiau diri di Limbang, pia mega enggau pemindah bansa Iban ke Batang Lupar ari Lundu.[31]

Inisiatif perintah kolonial udah ninggalka empas ti manah ngagai pengawa ngerembaika jaku enggau budaya Iban di serata menua Sarawak kemaya hari tu. Berebak enggau nya, pemindah bebala mayuh nya sama meri empas ngagai raban bansa asal bukai, ambika chunto ba raban bansa Bukitan di Batang Lupar, pengawa jadi melaki bini enggau intensif ari bala ketuai Bukitan ngujungka populasyen Bukitan ba Batang Lupar begulai enggau raban bansa Iban. Taja pia, bisi raban bukai ti ngujungka kaul balat agi, ambika chunto raban bansa Ukit, Seru, Miriek enggau Biliun ke alai komuniti asal sida nyau deka diganti enggau bansa Iban.[32]

Dinasti Brooke

[edit | edit bunsu]
James Brooke Rajah Putih Sarawak keterubah.

James Brooke merintah kandang menua nya lalu ngerembaika kandang menua nya ke utara nyentukka iya mati dalam taun 1868. Iya diganti anak menyadi iya Charles Anthoni Johnson Brooke, ke lalu diganti anak iya, Charles Vyner Brooke, enggau syarat Charles Anthoni patut merintah enggau berunding enggau menyadi lelaki Vyner Brooke iya nya Bertram Brooke.[33] Kededua James enggau Charles Anthoni Johnson Brooke nekan Brunei ngambika nyain sempekat nyadika strategi ngulihka kandang menua ari Brunei sereta ngerembaika garis entara menua Sarawak. Dalam taun 1861, menua Brunei nyerahka kandang menua Bintulu ngagai James Brooke. Sarawak diaku Amerika Syarikat nyadi menua meredeka dalam taun 1850 enggau United Kingdom dalam taun 1864. Menua tu ngeluarka mata duit keterubah iya nyadi dollar Sarawak dalam taun 1858.[34] Dalam taun 1883 Sarawak dikerembaika ngagai Sungai Baram (semak Miri). Limbang ditambah ngagai Sarawak dalam taun 1890. Pengawa ngemesaika Sarawak kepenudi nyadi dalam taun 1905 lebuh Lawas diserahka ngagai perintah Brooke.[35][36] Sarawak dibagi ngagai lima bagi menua, setipak enggau garis entara menua kandang menua ke diulih sida Brooke sepemanjai taun. Tiap pampang betuaika siku Residen.[37]

Siti kapal bark ke diberi nama Rajah Sarawak, dikena meri basa ngagai James Brooke, ke beoperasyen entara Swansea di UK, Australia, enggau Hindia Timur ari ujung taun 1840-an.

Sarawak nyadi protektorat British dalam taun 1888, maya agi diperintah dinasti Brooke. Sida Brooke merintah Sarawak seratus taun enggau nama "Rajah Putih".[38] Sida Brooke ngena polisi paternalisme dikena nyaga pemerat peranak asal enggau pengelantang sida selampur. Seraya perintah Brooke numbuhka Kunsil Tinggi ti mungkur tuai-tuai Melayu ti meri jaku lalau ngagai bala Rajah ba semua sukut pengawa merintah,[39] tang dalam konteks Malaysia sida Brooke sebilik dipeda nyadi penjajah.[40] Kaunsil Tinggi nyadi aum undang-undang menua ke pemadu tuai di Malaysia, enggau aum Kunsil Besai keterubah nyadi di Bintulu dalam taun 1867.[41] Berebak enggau nya, bansa Iban enggau bansa Dayak bukai diupah nyadi soldadu.[42] Dinasti Brooke meransang imigresyen orang dagang China ungkup pemansang ekonomi, kelebih agi dalam sektor ngelumbung enggau betanam betupi.[39][43] Orang dagang menua Barat disekat tama ngagai nengeri tu seraya indu misi Kristian diterima.[39] Pengawa lanun, pengawa nyadi ulun, enggau pengawa ngayau ditagang.[44] Borneo Company Limited ditumbuhka dalam taun 1856. Iya bisi ngaul diri dalam mayuh macham pengawa dagang di Sarawak baka pengawa dagang, bank, betanam betupi, ngiga mineral, enggau pemansang.[45]

Pengerembai kandang menua Raj Sarawak ari taun 1841 ngagai 1905 bejalaika tanggungpengawa ke besai ngagai garis entara menua nengeri Sarawak moden kemaya hari tu.

Dalam taun 1857, 500 iku orang China Hakka ke ngelumbung mas ari Bau, ari baruh iring Liu Shan Bang, ngerusak rumah sida Brooke. Brooke ngerarika diri lalu ngatur bala soldadu ti besai agi begulai enggau anak menyadi iya Charles[46] enggau bala penyukung iya ari bansa Melayu enggau Iban.[39] Beberapa hari udah nya, bala soldadu Brooke ulih mutung jalai tasah bala pemberontak China, ke alah pengudah dua bulan beperang.[47][43] Sida Brooke udah nya ngaga rumah perintah baru ba tisi Sungai Sarawak di Kuching.[48][49] Siti raban anti-Brooke ba Kort Brunei alah dalam taun 1860 di Mukah. Penyarut bukai ti tebilang ti mujur dipunaska sida Brooke nyengkaum ti betuaika siku tuai Iban Rentap (1853 – 1863), enggau siku tuai Melayu benama Syarif Masahor (1860 – 1862).[39] Ketegal nya, siri kubu digaga ngelingi Kuching dikena ngenegapka kuasa Rajah. Tu nyengkaum Kubu Margherita, ti udah tembu digaga dalam taun 1879.[49][50] Dalam taun 1891 Charles Anthoni Brooke numbuhka Muzium Sarawak, muzium ti pemadu tuai di Borneo. Dalam taun 1899, Charles Anthoni Brooke mutuska perang pupu bansa di Marudi. Telaga minyak keterubah digerudi dalam taun 1910. Dua taun udah nya, Brooke Dockyard dibuka. Anthony Brooke ada ba taun ti sama lalu nyadi Rajah Muda dalam taun 1939.[51]

Dalam taun 1941, maya ngintu seratus taun perintah Brooke di Sarawak, konstitusyen baru diberi kelala dikena nyekat kuasa Rajah lalu ngemendarka rayat Sarawak bejalaika tanggungpengawa ti besai agi dalam pengawa perintah.[52]

Penjajah Jipun enggau pengelepas Serakup

[edit | edit bunsu]

Perintah Brooke, ari baruh iring Charles Vyner Brooke, numbuhka sekeda padang bilun di Kuching, Oya, Mukah, Bintulu, enggau Miri dikena nyediaka diri enti sema bisi perang. Datai ba taun 1941, British udah nginsil bala soldadu ke ngetanka diri ari Sarawak ke Singapura. Enggau menua Sarawak ti nadai orang nyaga diatu, rejim Brooke udah ngaga pemutus deka ngemeranka polisi tanah angus ti endur pemasang minyak di Miri deka dirusak lalu padang bilun Kuching deka ditan enggau naka pengelama sebedau dirusak. Berebak enggau nya, soldadu Jipun ngerampas Borneo British dikena nyaga flank timur sida dalam Kimpin Malaya sereta dikena ngemuntanghka pengawa sida nyerang Sumatera enggau Jawa Barat. Siti raban penyerang Jipun ti betuaika Kiyotake Kawaguchi bedarat di Miri kena 16 Disember 1941 (lapan hari dalam Kimpin Malaya) lalu ngalahka Kuching kena 24 Disember 1941. Bala soldadu British betuaika Leftenan Kolonel C. M. Lane nyurut ke diri ngagai Singkawang di Borneo Belanda besepiak enggau menua Sarawak. Pengudah sepuluh minggu beperang di Borneo Belanda, soldadu Serakup nyerah kena 1 April 1942.[53] Lebuh Jipun nyerang Sarawak, Charles Vyner Brooke udah mupuk ke Sydney, Australia, seraya bala pemesai iya ditangkap Jipun lalu dibai gawa ba kem Batu Lintang.[54]

Sarawak mengkang nyadi sebagi ari Empayar Jipun sepengelama tiga taun lapan bulan. Sarawak begulai enggau Kalimantan Utara enggau Brunei numbuhka siti unit pentadbiran ti diberi nama Kita Boruneo (Kalimantan Utara)[55] ari baruh Soldadu Jipun Ke-37 ti bepalan di Kuching. Sarawak dibagi ngagai tiga buah pelilih menua iya nya: Kuching-shu, Sibu-shu, enggau Miri-shu, tiap-tiap pelilih menua di baruh Gabenor Pelilih menua Jipun sida empu. Jipun ngetanka jentera administrasyen sebedau perang lalu ngagihka Jipun mangku pengawa perintah. Pentadbiran menua dalam Sarawak diserahka ngagai polis asal enggau tuai-tuai genturung pendiau, ari baruh kemata Jipun. Taja pan bansa Melayu tipikal nerima ngagai bansa Jipun, suku bansa asal bukai baka Iban, Kayan, Kenyah, Kelabit enggau Lun Bawang mengkang bemunsuh enggau sida ketegal polisi baka pengawa wajib, nganjung barang pemakai enggau chara mejal, enggau ngerampas senyata api. Jipun enda nguna atur ke tegap dalam ngerampit penyampau tubuh bansa China laban bansa China di nengeri tu endang enda bepolitik. Taja pia, mayuh orang China mindah ari kandang mengeri ngagai kandang menua ke kurang ulih dilawa dikena ngurangka kaul enggau orang Jipun.[56]

Raban serakup udah nya numbuhka Unit Spesyel Z dikena sabotaj operasyen Jipun di Asia Tenggara. Berengkah ari bulan Mac 1945, bala komander Serakup diterjunka ngagai kampung Borneo lalu numbuhka sekeda pengkalan di Sarawak nengah operasyen ti diberi nama kod "Semut". Beratus iku orang asal dilatih ngepunka serang ngelaban Jipun.[57] Maya pengelaban Borneo Utara, soldadu Australia bedarat ba kandang menua Lutong-Miri kena 20 Jun 1945 lalu udah rembus nyentuk ke Marudi enggau Limbang sebedau ngetuka operasyen sida di Sarawak.[58] Pengudah Jipun nyerah, Jipun nyerah diri ngagai soldadu Australia di Labuan kena 10 September 1945.[59][60] Tu ditangkan enggau pengerami nyerah rasmi di Kuching nepan kapal Corvette Australia HMAS Kapunda kena 11 September 1945.[61] Kem Batu Litang dilepaska kena 11 September 1945.[62] Sarawak tekala nya diengkah ba baruh Perintah Soldadu British nyentuk ngagai bulan April 1946.[63]

  • A map of the occupation of Borneo in 1943 prepared by the Japanese during World War II, with label written in Japanese characters.
    Kar pengawa nguasa Borneo dalam taun 1943 ti disendiaka Jipun maya Perang Dunya Kedua, enggau label ti ditulis ngena urup Jipun.
  • Large crowd of Sarawak native population throngs the street of Kuching to witness the arrival of Australian Imperial Force (AIF) on 12 September 1945.
    Mensia mayuh peranak asal Sarawak begelumu ba jalai Kuching meda penatai Soldadu Kekaisaran Australia (AIF) kena 12 September 1945.
  • The official surrender ceremony of the Japanese to the Australian forces at Kuching on 11 September 1945.
    Pengerami nyerah rasmi Jipun ngagai sedadu Australia di Kuching kena 11 September 1945.
  • A large world map, showing the Japanese-occupied area in Asia, set up in the main street of Sarawak's capital.
    Kar dunya ti besai, ngayanka kandang endur ti dipegai Jepun di Asia, ti didirika ba jalai besai indu nengeri Sarawak.

Koloni mahkota British

[edit | edit bunsu]
Demonstrasyen anti-penyerah di Sarawak

Udah tembu perang, perintah Brooke nadai chukup perengka guna dikena ngaga baru menua Sarawak. Charles Vyner Brooke mega enda sanggup nyerahka kuasa iya ngagai peturun iya, Anthony Brooke (anak menyadi iya, anak tunggal Bertram Brooke) ketegal penyarut ti balat nyadi entara seduai iya.[21] Kelimpah ari nya, bini Vyner Brooke, Sylvia Brett, nguji ngemaruhka nama Anthony Brooke ngambika ulih masang anak indu iya nyadi raja. Berindik ari penanggul tu, Vyner Brooke mutuska deka nyerahka kuasa merintah menua Sarawak ngagai Mahkota British.[<span title="This claim needs references to reliable sources. (November 2020)">citation needed</span>] Rang Undang-undang Penyerah udah dibantaika ba Kaunsil Negri (diatu Aum Kunsil Negeri Sarawak) lalu dipejuraika pengelama tiga hari. Rang undang-undang nya dikemendarka kena 17 Mei 1946 enggau majoriti ti sempit (19 ngelaban 16 undi). Bala penyukung rang undang-undang nya tebal agi pemesai Eropah, lalu orang Melayu mantah rang undang-undang nya. Tu ngujungka beratus iku pengereja pengawa perintah Melayu badu mangku pengawa sida ketegal mantah, lalu ngujungka pengawa ngelaban pengawa nyerahka menua enggau pengawa munuh gabenor kolonial kedua Sarawak Sir Duncan Stewart ke digaga Rosli Dhobi.[64]

Anthony Brooke mantah pengawa nyerahka menua Sarawak ngagai Mahkota British, lalu bisi kaul enggau raban anti-penyerah di Sarawak, kelebih agi enggau pengawa munuh Sir Duncan Stewart.[65] Anthony Brooke terus ngaku pemesai nyadi Rajah Sarawak taja pan udah Sarawak nyadi koloni Mahkota British kena 1 Julai 1946. Ketegal tu iya dibuai perintah kolonial ari Sarawak[39] lalu mina dikemendarka pulai semina 17 taun udah nya lebuh penemuai nostalgia lebuh Malaysia nyadi bagi ari menua Malaysia.[66] Dalam taun 1950 semua pengawa ngelaban pengawa nyerahka Sarawak badu agi pengudah perintah kolonial dipejal.[21] Dalam taun 1951 Anthony ngelengka semua tuntut iya ba takhta Sarawak sepengudah iya ngena jalai undang-undang kepenudi iya ba Kaunsil Privy.[66]

Perintah kediri enggau Federasyen Malaysia

[edit | edit bunsu]
Tan Sri Datuk Amar Stephen Kalong Ningkan madahka penumbuh Federasyen Malaysia kena 16 September 1963

Kena 27 Mei 1961, Tunku Abdul Rahman, menteri besai Federasyen Malaya, madahka perambu deka numbuhka sebengkah federasyen ti besai agi begulai enggau Singapura, Sarawak, Sabah enggau Brunei, ti deka dikumbai Malaysia. Perambu tu ngasuh bala tuai-tuai menua di Sarawak bejimat enggau niat Tunku berindik ari bida ti besai dalam pemansang sosioekonomi entara menua Malaya enggau nengeri-nengeri Borneo. Bisi penakut ti besai enti nadai institusyen politik ti tegap, nengeri-nengeri Borneo deka kena penjajah Malaya. Berindik ari nya, bemacham parti politik di Sarawak pansut dikena nyaga pemerat komuniti ti diarika sida.[67] Kena 17 Januari 1962, Komisyen Cobbold ditumbuhka dikena ngukur sukung Sarawak enggau Sabah ngagai perambu gerempung nya. Entara bulan Februari enggau April 1962, komisyen nya betemu enggau lebih 4,000 iku orang lalu nerima 2,200 iti memorandum ari mayuh bengkah raban. Komisyen nya ngeripotka sukung ke bebagi entara peranak Borneo. Taja pia, Tunku nerangka penyampau nya 80 peratus sukung ngagai gerempung nya.[68][69] Sarawak merambu memorandum 18 pekara dikena nyaga pemerat iya dalam persekutuan. Kena bulan September 1962, Kunsil Negri Sarawak (diatu aum kunsil negeri Sarawak) ngemendarka resolusyen ti nyukung persekutuan enggau syarat pemerat rayat Sarawak enda dikeruga. Kena 23 Oktober 1962, lima parti politik di Sarawak numbuhka barisan bersatu ti nyukung penumbuh Malaysia.[67] Sarawak diberi kuasa merintah diri enggau rasmi kena 22 Julai 1963,[70][71] lalu numbuhka persekutuan Malaysia enggau Malaya, Borneo Utara, enggau Singapura kena 16 September 1963.[72][73]

Sarawak Rangers terejun ari bilun engkabang UH-1 Iroquois Soldadu Langit Diraja Australia dikena nyaga garis entara menua Melayu-Thailand ari serang gerila ke tau nyadi ba taun 1965.

Federasyen Malaysia udah nerima bantah ari Filipina, Indonesia, Parti Rayat Brunei, enggau raban komunis ke bepalan ba Sarawak. Filipina enggau Indonesia ngumbai British deka "neokolonisasi" negeri-negeri Borneo nengah persekutuan nya.[74] Berebak enggau nya, A. M. Azahari, ketuai Parti Rayat Brunei, ngasut orang dalam Charut Brunei dalam bulan Disember 1962 dikena nagang Brunei masuk ngagai gerempung Malaysia.[75] Azahari ngerampas Limbang enggau Bekenu sebedau dialahka bala soldadu British ke dianjung ari Singapura. Bekumbai pengawa ngelaban Brunei nya nyadika bukti ti tegap mantah federasyen Malaysia, Presiden Indonesia Sukarno ngasuh konfrontasyen soldadu enggau Malaysia, nganjung raban voluntia ti besenyata lalu udah nya raban soldadu tama ngagai Sarawak, ti nyadika palan penyarut maya konfrontasyen Indonesia–Malaysia entara taun 1962 enggau 1966.[76][77] Konfrotasyen nya kurang bulih sukung ari orang Sarawak kelimpah ari komunis Sarawak. Beribu iku kaban komunis mansang ngagai Kalimantan, Kalimantan Indonesia, lalu ngambi latih enggau Parti Komunis Indonesia. Maya konfrontasyen nya, urung 10,000 ngagai 150,000 iku soldadu British diau di Sarawak, begulai enggau soldadu Australia enggau New Zealand. Lebuh Suharto nganti Sukarno nyadi presiden Indonesia, pengawa berunding berengkah baru entara Malaysia enggau Indonesia ti ngujungka konfrontasyen nya tembu kena 11 Ogos 1966.

Pengudah Republik Rayat China ditumbuhka dalam taun 1949, ideologi Maoisme berengkah ngasuh sekula China di Sarawak. Raban komunis keterubah di Sarawak ditumbuhka dalam taun 1951, enggau penatai ari Sekula Tengah Chung Hua (Kuching). Raban tu diganti Liga Pengelepas Sarawak (SLL) dalam taun 1954. Pengawa sida ngerembai ari sekula nyentuk ngagai gerempung orang gawa enggau orang bumai. Sida tu tebal agi betumpu ba pelilih menua selatan enggau tengah Sarawak. Kaban komunis mujur rembus ngagai Parti Sa’ati Rayat Sarawak (SUPP). SLL nguji deka ngamatka menua komunis di Sarawak nengah chara konstitusyen tang maya timpuh konfrontasyen, iya nguna chara beperang ngena senyata ngelaban perintah.[21] Weng Min Chyuan enggau Bong Kee Chok nya dua iku ketuai ti tebilang dalam SLL. Berindik ari nya, perintah Sarawak mindahka peranak kampung China ngagai palan pengentap pendiau ti dijaga pengelikun ba sepemanjai jalai Kuching – Serian dikena nagang raban komunis bulih sukung reta tengkira ari peranak rumah panjai nya. Parti Komunis Kalimantan Utara (NKCP) (ke mega dikelala enggau nama Gerempung Komunis Resia (CCO) ari sumber perintah) ditumbuhka enggau rasmi dalam taun 1970. Dalam taun 1973, Bong nyerah ngagai kepala menteri Abdul Rahman Ya’kub ; tu balat ngurangka pengering parti komunis. Taja pia, Weng, ke udah ngarahka CCO ari China kenyau ari tengan taun 1960-an, minta pengawa beperang ngena senyata ngelaban perintah, ke pengudah taun 1974 terus nyadi ba Rajang Delta . Dalam taun 1989 Parti Komunis Malaya (MCP) nyain sempekat damai enggau perintah menua Malaysia. Pekara tu ngasuh NKCP muka baru pengawa berunding enggau perintah Sarawak, ti ngujungka sempekat damai nyadi kena 17 Oktober 1990. Pemaik dipulaika baru di Sarawak pengudah raban kepenudi 50 iku gerila komunis ngengkahka senyata sida.[78][79]

Nota

[edit | edit bunsu]

Kereban sanding

[edit | edit bunsu]
  1. ↑ 1.0 1.1 "Niah National Park – Early Human settlements". Sarawak Forestry. Archived from the original on 18 February 2015. Retrieved 23 March 2015.
  2. ↑ "New pre-history timeline discovered for Borneo". 22 October 2018. Archived from the original on 22 February 2023. Retrieved 1 May 2020.
  3. ↑ 3.0 3.1 Faulkner, Neil (7 November 2003). Niah Cave, Sarawak, Borneo. Current World Archaeology Issue 2. Archived from the original on 23 March 2015. Retrieved 23 March 2015.
  4. ↑ Taris maya baru 65,000 taun disimpulka lebuh lima iti kereban mikrolitik ti beumur 65,000 taun enggau pala mensia ti beumur 55,000 taun ditemu ba sebagi ari kompleks Niah Saves, gua Trader, maya pengawa ngali.
  5. ↑ "History of the Great Cave of Niah". Australian Broadcasting Corporation. Archived from the original on 22 November 2014. Retrieved 23 March 2015.
  6. ↑ "Niah Cave". humanorigins.si.edu. Smithsonian National Museum of Natural History. January 1958. Archived from the original on 22 November 2013. Retrieved 23 March 2015.
  7. ↑ "Ancient Deep Skull still holds big surprises 60 years after it was unearthed". 28 June 2016. Archived from the original on 28 January 2019. Retrieved 1 May 2020.
  8. ↑ "Niah National Park, Miri". Sarawak Tourism Board. Archived from the original on 26 December 2015. Retrieved 26 December 2015.
  9. ↑ Zheng, Dekun (1 January 1982). Studies in Chinese Archeology. The Chinese University Press. pp. 49, 50. ISBN 978-962-201-261-5. In case of Santubong, its association with T'ang and Sung porcelain would necessary provide a date of about 8th – 13th century A.D.
  10. ↑ "Archeology". Sarawak Muzium Department. Archived from the original on 12 October 2015. Retrieved 28 December 2015.
  11. ↑ 11.0 11.1 11.2 11.3 11.4 11.5 11.6 11.7 Said, Sanib (2012). "Sejarah Awal Kepulauan Melayu: Lima Buah Negeri Warisan Sarawak yang Hilang (The Early History of the Malay Archipelago: The Five Lost Kingdoms of Sarawak heritage. )" (PDF). Current Research in Malaysia. 1 (1): 21–50. Archived (PDF) from the original on 19 December 2023. Retrieved 19 December 2023.
  12. ↑ Shafik Ahmad, Mohd (16 January 2016). "Sejarah kewujudan pentadbiran dua kerajaan dikaji(The existence of two historical kingdoms are studied)". Utusan Borneo. Archived from the original on 27 December 2023. Retrieved 23 February 2024.
  13. ↑ 13.0 13.1 13.2 13.3 Brunei Rediscovered: A Survey of Early Times By Robert Nicholl Archived 20 Julai 2021 at the Wayback Machine p. 35 citing Ferrand. Relations, page 564-65. Tibbets, Arabic Texts, pg 47.
  14. ↑ "The Pre-Islamic Kings of Brunei By Rozan Yunos taken from the Magazine "Pusaka" published on year 2009". Archived from the original on 7 December 2023. Retrieved 7 December 2023.
  15. ↑ "THE BISAYA OF BORNEO AND THE PHILIPPINES: A NEW LOOK AT THE MARAGTAS By Joseph Baumgartner". Archived from the original on 2 August 2021. Retrieved 2 August 2021.
  16. ↑ Sonza, Demy P. (1974). "The Bisayas of Borneo and the Philippines: A New Look at the Maragtas" (PDF). Bahandian. Archived (PDF) from the original on 7 September 2023. Retrieved 7 September 2023.
  17. ↑ "The Fall of Melanau Kingdom and the expansion of Brunei empire". Archived from the original on 24 September 2020. Retrieved 1 May 2020.
  18. ↑ Donald F, Lach (15 July 2008). Asia in the Making of Europe, Volume I: The Century of Discovery, Book 1. University of Chicago Press. p. 581. ISBN 978-0-226-46708-5. ... but Castanheda lists five great seaports that he says were known to the Portuguese. In his transcriptions they are called "Moduro" (Marudu?), "Cerava" (Sarawak?), "Laue" (Lawai), "Tanjapura" (Tanjungpura), and "Borneo" (Brunei) from which the island derives its name.
  19. ↑ Broek, Jan O.M. (1962). "Place Names in 16th and 17th Century Borneo". Imago Mundi. 16 (1): 134. doi:10.1080/03085696208592208. JSTOR 1150309. Carena (for Carena), deep in the bight, refers to Sarawak, the Kuching area, where there is clear archaeological evidence of an ancient trade center just inland from Santubong.
  20. ↑ Rozan Yunos (28 December 2008). "Sultan Tengah – Sarawak's first Sultan". The Brunei Times. Archived from the original on 3 April 2014.
  21. ↑ 21.0 21.1 21.2 21.3 21.4 Morrison, Alastair (1 January 1993). Fair Land Sarawak: Some Recollections of an Expatriate Official. SEAP Publications. p. 10. ISBN 978-0-87727-712-5. Penyalat nyebut: Tag <ref> tidak sah, nama "Fairlandsarawak" digunakan secara berulang dengan kandungan yang berbeza
  22. ↑ Ring, Trudy; Watson, Noelle; Schellinger, Paul (12 November 2012). Asia and Oceania: International Dictionary of Historic Places. SEAP Publications. p. 497. ISBN 978-0-87727-712-5.
  23. ↑ B.A., Hussainmiya (2006). "The Brookes and the British North Borneo Company". Brunei - Revival of 1906 - A popular history (PDF). Bandar Seri Begawan: Brunei Press Sdn Bhd. p. 6. ISBN 99917-32-15-2. Archived from the original (PDF) on 2 December 2016.
  24. ↑ Reece, Robert. "Empire in Your Backyard – Sir James Brooke". Archived from the original on 17 March 2015. Retrieved 29 October 2015.
  25. ↑ Saunders, Graham (5 November 2013). A History of Brunei. Routledge. pp. 74–78. ISBN 978-1-136-87394-2.
  26. ↑ James Leasor (1 January 2001). Singapore: The Battle That Changed the World. House of Stratus. p. 41. ISBN 978-0-7551-0039-2.
  27. ↑ Alex Middleton (June 2010). "Rajah Brooke and the Victorians" (PDF). The Historical Journal. 53 (2): 381–400. doi:10.1017/S0018246X10000063. ISSN 1469-5103. S2CID 159879054. Archived (PDF) from the original on 4 November 2014. Retrieved 24 December 2014.
  28. ↑ "Early Iban Migration – Part 1". 26 March 2007. Archived from the original on 10 April 2023. Retrieved 6 December 2023.
  29. ↑ Ralat Lua pada baris 206 di Modul:Citation/CS1/Utilities: Called with an undefined error condition: maint_page_art_num.
  30. ↑ "Ngepan Batang Ai (Iban Women Traditional Attire)" (PDF). 8 April 2023. Archived (PDF) from the original on 14 June 2023. Retrieved 6 December 2023.
  31. ↑ 31.0 31.1 31.2 31.3 31.4 "Iban as a koine language in Sarawak". 1 May 2023. Penyalat nyebut: Tag <ref> tidak sah, nama "researchgate.net2" digunakan secara berulang dengan kandungan yang berbeza
  32. ↑ "Asal usul Melayu Sarawak: Menjejaki titik tak pasti". 1 May 2023. Archived from the original on 1 May 2023. Retrieved 6 December 2023.
  33. ↑ Mike, Reed. "Book review of "The Name of Brooke – The End of White Rajah Rule in Sarawak" by R.H.W. Reece, Sarawak Literary Society, 1993". sarawak.com.my. Archived from the original on 8 June 2003. Retrieved 7 August 2015.
  34. ↑ Cuhaj, George S (2014). Standard Catalog of World Paper Money, General Issues, 1368–1960. F+W Media. p. 1058. ISBN 978-1-4402-4267-0. Sarawak was recognised as a separate state by the United States (1850) and Great Britain (1864), and voluntarily became a British protectorate in 1888.
  35. ↑ James, Stuart Olson (1996). Historical Dictionary of the British Empire, Volume 2. Greenwood Publishing Group. p. 982. ISBN 978-0-313-29367-2. Brooke and his successors enlarged their realm by successive treaties of 1861, 1882, 1885, 1890, and 1905.
  36. ↑ "Chronology of Sarawak throughout the Brooke Era to Malaysia Day". The Borneo Post. 16 September 2011. Archived from the original on 6 February 2015.
  37. ↑ Lim, Kian Hock (16 September 2011). "A look at the civil administration of Sarawak". The Borneo Post. Archived from the original on 6 February 2015.
  38. ↑ Frans, Welman (2011). Borneo Trilogy Sarawak: Volume 1. Bangkok, Thailand: Booksmango. p. 177. ISBN 978-616-245-082-2.
  39. ↑ 39.0 39.1 39.2 39.3 39.4 39.5 Ooi, Keat Gin (2013). Post-war Borneo, 1945–50: Nationalism, Empire and State-Building. Routledge. p. 7. ISBN 978-1-134-05803-7.
  40. ↑ Rujukan Kompak Sejarah PMR (Compact reference for PMR History subject) (in Melayu). Arah Pendidikan Sdn Bhd. 2009. p. 82. ISBN 978-983-3718-81-8.
  41. ↑ "Bintulu – Places of Interest". Bintulu Development Authority. Archived from the original on 19 November 2016. Retrieved 19 July 2015.
  42. ↑ Marshall, Cavendish (2007). World and Its Peoples: Eastern and Southern Asia, Volume 9. Bangladesh: Marshall Cavendish. p. 1182. ISBN 978-0-7614-7642-9.
  43. ↑ 43.0 43.1 Gullick, J. M. (1967). Malaysia and Its Neighbours, The World studies series. Taylor & Francis. pp. 148–149. ISBN 978-0-7100-4141-8.
  44. ↑ Lewis, Samuel Feuer (1 January 1989). Imperialism and the Anti-Imperialist Mind. Transaction Publishers. ISBN 978-1-4128-2599-3. Brooke made it his life task to bring to these jungles "prosperity, education, and hygiene"; he suppressed piracy, slave-trade, and headhunting, and lived simply in a thatched bungalow.
  45. ↑ "The Borneo Company Limited". National Library Board. Archived from the original on 12 October 2015. Retrieved 25 January 2016.
  46. ↑ Sendou Ringgit, Danielle (5 April 2015). "The Bau Rebellion: What sparked it all?". The Borneo Post. Archived from the original on 22 March 2016. The Rajah then came back days later with a bigger army and bigger guns aboard the Borneo Company steamer, the Sir James Brooke together with his nephew, Charles Brooke.
  47. ↑ "石隆门华工起义 (The uprising of Bau Chinese labourers)" (in Cina). 国际时报 [International Times (Sarawak)]. 13 September 2008. Archived from the original on 24 January 2013.
  48. ↑ Ting, John. "Colonialism and Brooke administration: Institutional buildings and infrastructure in 19th century Sarawak" (PDF). University of Melbourne. Archived (PDF) from the original on 4 March 2016. Retrieved 13 January 2016. Brooke also indigenised himself in terms of housing – his first residence was a Malay house. (page 9) ... Government House (Fig. 3) was built after Brooke's first house was burnt down during the 1857 coup attempt. (page 10)
  49. ↑ 49.0 49.1 Simon, Elegant (13 July 1986). "SARAWAK: A KINGDOM IN THE JUNGLE". The New York Times. Archived from the original on 2 November 2015.
  50. ↑ Saiful, Bahari (23 June 2015). "Thrill is gone, state museum stuck in time – Public". The Borneo Post. Archived from the original on 2 October 2015.
  51. ↑ "History of Sarawak". Brooke Trust. Archived from the original on 29 November 2016. Retrieved 29 November 2016.
  52. ↑ "Centenary of Brooke rule in Sarawak – New Democratic Constitution being introduced today". The Straits Times (Singapore). 24 September 1941. Archived from the original on 11 December 2015. Retrieved 4 January 2017.
  53. ↑ L, Klemen. "The Invasion of British Borneo in 1942". Archived from the original on 8 April 2023. Retrieved 27 March 2021.
  54. ↑ L, Klemen. "The Invasion of British Borneo in 1942". Archived from the original on 8 April 2023. Retrieved 27 March 2021.
  55. ↑ Gin, Ooi Keat (1 January 2013). "Wartime Borneo, 1941–1945: a tale of two occupied territories". Borneo Research Bulletin. Archived from the original on 22 December 2015. Retrieved 3 November 2015. Occupied Borneo was administratively partitioned into two-halves, namely Kita Boruneo (Northern Borneo) that coincided with pre-war British Borneo (Sarawak, Brunei, and North Borneo) was governed by the IJA, ...
  56. ↑ Kratoska, Paul H. (13 May 2013). Southeast Asian Minorities in the Wartime Japanese Empire. Routledge. pp. 136–142. ISBN 978-1-136-12506-5.
  57. ↑ Ooi, Keat Gin. "Prelude to invasion: covert operations before the re-occupation of Northwest Borneo, 1944–45". Journal of the Australian War Memorial. Archived from the original on 22 February 2017. Retrieved 3 November 2015.
  58. ↑ Australia in the War of 1939-1945. Series 1 - Army - Volume VII - The Final Campaigns (1st edition, 1963) - Chapter 20 - Securing British Borneo. Australia: The Australian War Memorial. 1963. p. 491. Archived from the original on 21 August 2017. Retrieved 18 June 2017.
  59. ↑ "Historical Monument – Surrender Point". Official Website of Labuan Corporation. Labuan Corporation. Archived from the original on 17 November 2015. Retrieved 3 November 2015.
  60. ↑ Rainsford, Keith Carr. "Surrender to Major-General Wootten at Labuan". Australian War Memorial. Archived from the original on 17 November 2015. Retrieved 3 November 2015.
  61. ↑ "HMAS Kapunda". Royal Australian Navy. Archived from the original on 27 March 2016. Retrieved 12 June 2016.
  62. ↑ Patricia, Hului (12 September 2016). "Celebrating Batu Lintang Camp liberation day on Sept 11". The Borneo Post. Archived from the original on 11 December 2018. Retrieved 18 June 2017.
  63. ↑ "British Military Administration (August 1945 – April 1946)". The Sarawak Government. Archived from the original on 8 October 2015. Retrieved 3 November 2015.
  64. ↑ "Sarawak as a British Crown Colony (1946–1963)". The Official Website of the Sarawak Government. Archived from the original on 4 August 2017. Retrieved 7 November 2015.
  65. ↑ Thomson, Mike (14 March 2012). "The stabbed governor of Sarawak". BBC News. Archived from the original on 7 February 2021. Retrieved 21 June 2018.
  66. ↑ 66.0 66.1 "Anthony Brooke". The Daily Telegraph. 6 March 2011. Archived from the original on 9 March 2011. Retrieved 5 April 2018.
  67. ↑ 67.0 67.1 Tai, Yong Tan (2008). "Chapter Six: Borneo Territories and Brunei". Creating "Greater Malaysia": Decolonization and the Politics of Merger. Institute of Southeast Asian Studies. pp. 154–169. ISBN 978-981-230-747-7. Underlying this was a general fear that without strong political institutions, ... (page 155)
  68. ↑ "Formation of Malaysia 16 September 1963". National Archives of Malaysia. Archived from the original on 7 March 2016. Retrieved 8 November 2015.
  69. ↑ JC, Fong (16 September 2011). "Formation of Malaysia". The Borneo Post. Archived from the original on 16 July 2014. Retrieved 4 January 2017.
  70. ↑ Vernon L. Porritt (1997). British Colonial Rule in Sarawak, 1946–1963. Oxford University Press. ISBN 978-983-56-0009-8. Retrieved 7 May 2016.
  71. ↑ Philip Mathews (28 February 2014). Chronicle of Malaysia: Fifty Years of Headline News, 1963–2013. Editions Didier Millet. p. 15. ISBN 978-967-10617-4-9.
  72. ↑ "Trust and Non-self governing territories". United Nations. Archived from the original on 3 May 2011. Retrieved 2 April 2016.
  73. ↑ "United Nations Member States". United Nations. 3 July 2006. Archived from the original on 5 March 2016.
  74. ↑ Ishikawa, Noboru (15 March 2010). Between Frontiers: Nation and Identity in a Southeast Asian Borderland. Ohio University Press. pp. 86–87. ISBN 978-0-89680-476-0.
  75. ↑ "Brunei Revolt breaks out – 8 December 1962". National Library Board (Singapore). Archived from the original on 22 December 2015. Retrieved 9 November 2015.
  76. ↑ United Nations Treaty Registered No. 8029, Manila Accord between Philippines, Federation of Malaya and Indonesia (31 July 1963) Archived 11 Oktober 2010 at the Wayback Machine. Retrieved on 12 August 2011.
  77. ↑ United Nations Treaty Series No. 8809, Agreement relating to the implementation of the Manila Accord Archived 12 Oktober 2011 at the Wayback Machine. Retrieved on 12 August 2011.
  78. ↑ James, Chin (9 March 2006). "Book Review: The Rise and Fall of Communism in Sarawak 1940–1990". Kyoto Review of South East Asia. Archived from the original on 17 November 2015. Retrieved 10 November 2015.
  79. ↑ Chan, Francis; Wong, Phyllis (16 September 2011). "Saga of communist insurgency in Sarawak". The Borneo Post. Archived from the original on 24 December 2013. Retrieved 4 January 2017.
Diambi ari "https://iba.wikipedia.org/w/index.php?title=Sejarah_Sarawak&oldid=13416"