Pegi ngagai isi

Sante Valentine

Ari Wikipedia
Sante

Valentine
Saint Valentine healing epilepsy, illustrated by Dr. František Ehrmann, circa 1899.
Bishop Terni enggau Martir
Adac. 226
Terni, Italia, Empayar Rome
Midangc. Templat:Death year and age
Rome, Italia, Empayar Rome
Dipebasa baGerija Katolik
Komuni Anglika
Ortodoks Timur
Lutheran
Pengerami14 Februari (Katolik, Anglika enggau Gerija Lutheran)
6 Julai enggau 30 Julai (Ortodoks Timur)
AtributBurung; ros; bishop enggau orang ti lumpuh tauka anak mit ti bisi epilepsi ba kaki iya; bishop enggau manuk semak iya; bishop enggai nyembah engkeramba; biskop benung diputung pala; paderi mai pedang; imam megai matahari; paderi meri penampak ngagai siku nembiak indu buta[1]
PatronageOrang betunang, ngelaban pengsan, orang nupi manyi, rumah tangga ti lantang, pengerindu, wabak, epilepsi,[1] Lesvos (ungkup Katolik)

Sante Valentine (Italian: San Valentino; Latin: Valentinus) nya siku sante Rome maya kurun ke-3, ti dipebasa dalam pengarap Kristian Barat maya 14 Februari (dalam Ortodoks Timur dipebasa maya 6 Julai). Kenyau Jeman Tengah Tinggi, hari pengerami iya udah dikaitka enggau tradisyen pengerindu ti bebasa. Iya mega sante pengelindung Terni, epilepsi enggau orang ti nupi manyi.[2][3] Sante Valentine nya siku paderi – enda ditentu iya mina paderi biasa tauka bishop – ba Empayar Rome ti gawa ke orang Kristian ti diperinsa.[4] Iya nyadi martir lalu tubuh iya ditanam ba Via Flaminia maya 14 Februari, ti udah diintu nyadi Pengerami Sante Valentine (Hari Sante Valentine) kenyau ari kurun kelapan.[5]

Relik iya disimpan ba Gerija enggau Pendam San Valentino ba Rome, ti "tetap nyadi palan abas ti beguna sepemanjai Zaman Tengah nyentukka relik St Valentine dipindahka ngagai gerija Santa Prassede maya pope Nicholas IV".[6] Keruntuk iya, dimakota enggau bungai, bisi dipandangka ba Basilika Santa Maria di Cosmedin, Rome. Relik iya ke bukai bisi ba Gerija Karmelit Whitefriar Street, Dublin, Ireland, palan ke tebilang endur bejalai ziarah, kelebih agi maya Hari Sante Valentine, ungkup sida ke ngiga pengerindu.[7][8] Sekurang-kurang iya dua iku Sante Valentine ti bebida bisi disebut dalam martirologi ti dulu suba.[9] Ungkup Sante Valentine ari Rome, enggau Sante Valentine ari Terni, “abstrak pengawa dua iku sante nya bisi ba semak tiap iti gerija enggau biara Eropah”, nitihka Profesor Jack B. Oruch ari Universiti Kansas.[10]

Sante Valentine bisi dipebasa dalam Komuni Anglika[11] enggau Gerija Lutheran maya 14 Februari.[12] Dalam Gerija Ortodoks Timur, iya dipebasa maya 6 Julai; kelimpah ari nya, Gerija Ortodoks Timur ngintu pengerami Hieromartir Valentine, Bishop Interamna, kena 30 Julai.[13][14] Maya taun 1969, Gerija Katolik muai nama iya ari Kalendar Rome Rama, ninggalka pengerami liturgi iya ngagai kalendar lokal, taja pan ngena kalendar liturgi sebedau taun 1970 mega dikemendarka nitihka syarat ti dipadah dalam motu proprio Summorum Pontificum ari taun 2007.[15] Gerija Katolik terus ngaku iya nyadi orang kudus, ngerintaika iya baka nya ba entri 14 Februari dalam Martirologi Rome[16] lalu ngemendarka pengawa liturgi bebasaka iya kena 14 Februari ba sebarang endur ti endur hari nya enda diungkupka ngagai sekeda pengerami wajib bukai, nitihka atur ti madahka ba hari ti baka nya Misa tau nyadi enggi sebarang orang kudus ti dirintaika dalam Martyrology ke hari nya.[17]

Penyanding

[edit | edit bunsu]
  1. ↑ 1.0 1.1 Jones, Terry. "Valentine of Terni". Patron Saints Tom. Archived from the original on April 1, 2010. Retrieved February 14, 2007.
  2. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  3. ↑ "St. Valentine: Patron Saint of Beekeepers". Heifer International.
  4. ↑ Cooper, J. C. (2013). Dictionary of Christianity (in Inggeris). Routledge. p. 278. ISBN 9781134265534..
  5. ↑ Pearse, Roger (2020-02-21). "Did Pope Gelasius create St Valentine's Day as a replacement for the Lupercalia?". Roger Pearse (in Inggeris British). Retrieved 2022-02-12.
  6. ↑ Webb, Matilda (2001). The churches and catacombs of early Christian Rome: a comprehensive guide (in Inggeris). Sussex Academic Press. p. 254. ISBN 9781902210575. It remained an important pilgrim site throughout the Middle Ages until the relics of St. Valentine were transferred to the church of Santa Prassede (Itinerary 3) during the pontificate of Nicholas IV (1288–92).
  7. ↑ Penyalat nyebut: Tag <ref> tidak sah; tiada teks disediakan bagi rujukan yang bernama Hecker2010
  8. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  9. ↑ Penyalat nyebut: Tag <ref> tidak sah; tiada teks disediakan bagi rujukan yang bernama Thurston
  10. ↑ Chapman, Alison (2013). Patrons and Patron Saints in Early Modern English Literature (in Inggeris). Routledge. p. 122. ISBN 9781135132316.
  11. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  12. ↑ Ralat Lua pada baris 3162 di Modul:Citation/CS1: attempt to call field 'year_check' (a nil value).
  13. ↑ "St. Valentine". pravmir.com. Archived from the original on Januari 16, 2013.
  14. ↑ "Coptic Orthodox Church – From Where Valentine's Day Comes From". Archived from the original on May 25, 2010.
  15. ↑ Calendarium Romanum Libreria Editrice Vaticana (1969), p. 117
  16. ↑ Roman Martyrology, Libreria Editrice Vaticana, 2001, p. 141
  17. ↑ General Instruction of the Roman Missal, p. 355
Diambi ari "https://iba.wikipedia.org/w/index.php?title=Sante_Valentine&oldid=10759"