Sistem Unit Antarabansa
Sistem Unit Antarabansa, dikelala ba serata dunya enggau penyingkat SI (ari jaku Peranchis Système international d'unités), nya tukuh moden sistem metrik sereta sistem sukat ti pemayuh dikena ba serata dunya. Tu semina sistem sukat ti ngundan status rasmi dalam nyau semua bengkah menua di serata dunya, dikena dalam bidang sains, teknologi, industri, sereta dalam pengawa dagang besehari-hari. Sistem SI system dikoordinasyen Biro Antarabansa Pemerat enggau Sukat, ti disingkat nyadi BIPM ari jaku Peranchis: Bureau international des poids et mesures.
| Simbol | Nama | Kuantiti |
|---|---|---|
| s | sikin | awak |
| m | meter | pemanjai |
| kg | kilogram | pampi |
| A | ampere | arus elektrik |
| K | kelvin | pengangat termodinamik |
| mol | mol | penyampau utai |
| cd | candela | intensiti penerang |
Sistem SI mungkur sistem koheren unit sukat berengkah ari tujuh unit pelasar, iya nya sikin (simbol: s, unit awak), meter (m, pemanjai), kilogram (kg, pampi), ampere (A, arus elektrik), kelvin (K, pengangat termodinamik), mol (mol, penyampau utai), enggau candela (cd, intensiti penerang). Sistem tu ulih nampung unit ti koheren ungkup penyampau buat tambah ti nadai sekat. Tu dikumbai unit-unit tumbuh koheren, ti seruran ulih diayanka nyadi asil kali kuasa unit-unit pelasar. Dua puluh dua unit ti dipansutka enggau koheren udah disediaka enggau nama sereta simbol spesyel.