Rusuh Sambas

Penyarut Sambas nya nyadi penusah kasar antara etnik di Indonesia, dalam taun 1999 ba Sambas, Wilayah Kalimantan Barat lalu ngaul bansa Madura ba sepiak enggau gempung bansa asal Dayak enggau Melayu Sambas ba sepiak bukai. Orang Madura enggau Dayak diiri enggau main asal kasar sida empu: Carok ungkup orang Madura enggau Ngayau tauka ngasu pala ungkup orang Dayak. Raban bansa Dayak nguji mutarka penyarut dulu ngena chara sempekat pengelikun lalu semina ngemeranka "Ngayau" lebuh sida diserang enggau ganas, lalu bansa Madura ngemeranka "Carok" nyadika atur keterubah. Dalam kes tu, orang Madura enggau agresif munuh sekeda bansa Dayak ngena sabit (celurit), nya alai bansa Dayak ngelaban ketegal deka ngetanka diri. Ungkup bansa Melayu, sida nadai ngembuan tradisyen kasar tang bebakih enggau bansa Dayak ketegal dikachau bansa Madura ti mindah kin kitu dalam timpuh mayuh bepuluh taun.

Latar belakang

Penyarut Sambas dalam taun 1999 ukai nyadi kediri laban sebedau tu kala nyadi penusah kasar antara bansa Dayak enggau Madura. Penyarut besai kepenudi nyadi antara bulan Disember 1996 enggau Januari 1997, lalu ngujungka lebih 600 iku orang matii. Bansa Madura keterubah iya datai di Borneo dalam taun 1930 ari baruh program transmigrasyen ti dipunka pegai kolonial Belanda, lalu diteruska perintah Indonesia.

Pengawa bebunuh bebala mayuh

Pengudah orang Madura munuh bebala mayuh orang Melayu Sambas ba Parit Setia lebuh pansut ari masjid pengudah sembiang Idul Fitri orang Islam, orang Melayu Sambas lenyau semua penyabar enggau pengawa ngachau sereta munuh orang Madura. Enggau nya sida lalu begempung enggau bansa Dayak ngelaban serang orang Madura di pelilih menua Sambas. Sampai 3,000 iku orang Madura dibunuh tang perintah Indonesia lalu enda nagang pengawa kasar nya. Sekeda ari soldadu Indonesia ke dianjung ngerara penyarut nya diserang bansa Melayu enggau Dayak Sambas ketegal sukung sida ngagai bansa Madura.

Pengawa bebunuh bebala mayuh ke bukai

Dalam taun 2001, siti agi penyarut nyadi entara Madura enggau Dayak ti ngujungka beratus iku orang mati. Iya lalu dikelala enggau nama konflik Sempit. [1]

Peda mega

• Program mindah kin kitu
• Penyarut Sampit
• 2010 Penyarut Tarakan, penyarut ti mit agi antara bansa Dayak Tidung enggau bansa Bugis di Tarakan .
• Labuh Suharto

Paut luar

• Tempo - Mereka Lari ke Malaysia .
• Tali Kepala Merah Kembali Dikenakan
• [1]
• Reformasi enggau Persatuan Nasional: 1998 ngagai 2001
• PERANG SAMPIT MADURA