Pegi ngagai isi

Rukun Menua

Ari Wikipedia

Rukun Menua (Melayu: Rukun Negara; Jawi: ‏روکون نݢارا‎) iya nya deklarasyen filosofi menua Malaysia ti ditumbuhka nengah proklamasyen diraja kena Hari Meredeka, ba taun 1970, nyadi timbal ngagai penyarut bansa 13 Mei, ti nyadi dalam taun 1969.[1] Penyarut nya ngayanka maya nya timbang penegap bansa enggau Malaysia. Tekala nya, perintah Malaysia ngiga jalai dikena nerenakka penyerakup entara pupu bansa di Malaysia. Nya alai, Rukun Menua ditumbuhka.

Pengawa ngaga Rukun Menua nya pengawa Kaunsil Perunding Nasional, betuaika Tun Abdul Razak. Tuju Rukun Menua diatur dikena nempa pengelantang enggau penyerakup pupu bansa di Malaysia.[2] Udah nya, Polisi Ekonomi Baru (1971–1990) dikelanchar dalam taun 1971, enggau tuju nempa penyerakup entara mayuh macham bansa di Malaysia, nengah penyemaka ekonomi, nengah pengawa ngurangka bida ekonomi entara bansa Melayu enggau Bumiputera, enggau komuniti China enggau India di menua Malaysia.

Sejarah

[edit | edit bunsu]

Penyadi 13 Mei

[edit | edit bunsu]

Kena 13 Mei 1969, tiga hari udah pengawa bepilih besai ke-3 – ke alai parti penyakal bulih pemenang ngelaban gempung ti merintah – penyarut bansa nyadi dalam bansa nya, kelebih agi di Kuala Lumpur. Nitihka riput perintah, 196 iku orang bebadi nyawa maya penyarut nya,[3] lalu sumber diplomatik Barat madahka penyampau nya semak 600.[4] Penyarut nya udah ngujungka perintah madahka gaya darurat menua di menua nya lalu neritka atur nagang pemindah di serata menua.

Berindik ari pengawa mantaika darurat, Kaunsil Operasyen Menua tauka Majlis Gerakan Malaysia (MAGERAN) dalam jaku Melayu ditumbuhka lalu nyadi raban administrasyen menua nya ungkup timpuh 18 bulan ke nangkanka nya. Nengah tuju mulaika undang-undang enggau atur di menua tu, KOM bejalaika mayuh macham atur pengelikun di serata menua, nya nyengkaum ngetuka pengawa mansutka surat berita, nangkap sekeda individu enggau ngetuka sekeda bagi konstitusyen.[5][6][7]

Penumbuh Kaunsil Perunding Nasional

[edit | edit bunsu]

Kaunsil Perunding Nasional, (jaku Melayu : Majlis Perundingan Negara) ditumbuhka dalam bulan Januari 1970.[8] Kaunsil tu ditumbuhka ari bala menteri NOC, pengari ari perintah negeri, parti politik, pengarang berita, gerempung gawa, gerempung pengarap, sosial enggau profesyenal di Malaysia.[9][10] Kaunsil tu diberi tanggungpengawa berandauka sereta merambu chara mutarka isu bekaul enggau penyerakup bansa, kelimpah ari merambu garis lalau ke positif sereta praktikal ti meransang integrasyen bansa enggau penyerakup bansa dikena nempa identiti bansa bekunsi entara rayat Malaysia.[11] Randau bekaul Rukun Menua digaga ba aum kedua kaunsil nya, enggau bala kaban iya meri langgur penemu ngagai perambu ti disediaka Opis Penyerakup Bansa enggau Raban Penyanding Penemu Pansik iya.[12][13]

Komiti Rukun Menua ti bechairmanka Tun Tan Siew Sin, ditumbuhka ba aum ke sama.[14] Kaban komiti bukai nyengkaum Ghazali Shafie, Syed Hussein Alatas enggau Datuk Harun Idris. Kelimpah ari 12 iku kaban keterubah, sekeda individu mega udah ngulu aum kaunsil nya lalu meri bantu ngagai pengawa ngaga perambu Rukun Menua, nyengkaum ex- Tuan Presiden Kort Besai Malaysia, Salleh Abas,[15] enggau pakar sejarah Khoo Kay Kim.[16] Aum keterubah komiti tu diatur ba Bilik Operasyen Tresuri, Kuala Lumpur kena 31 Mac 1970, lalu aum kedua diatur kena 17 Mei.

Pemadah

[edit | edit bunsu]

Rukun Menua udah dipadahka Yang di-Pertuan Agong keempat, Ismail Nasiruddin ari Terengganu enggau rasmi kena 31 Ogos 1970, iya nya Hari Meredeka Malaysia. Deklarasyen nya diatur ba pengerami ngintu Hari Meredeka Ke-13 di Dataran Meredeka (sebedau tu dikelala enggau nama Padang Kelab Selangor).[17][18] Pengerami nya berambaika jaku "Muhibbah dan Perpaduan" (Pemanah enggau Penyerakup) lalu perintah nukar leka jaku "Hari Merdeka" (Hari Meredeka) ngagai "Hari Kebangsaan" (Hari Nasional) dikena ngangkatka penyerakup bansa.[19]

Pengangkat Rukun Menua

[edit | edit bunsu]

Kena 2 September 1970, aum pasal pengawa ngagihka Rukun Menua diatur ba Begunan Parlimen. Aum nya betuaika Dr.Agoes Salim, Ketuai Unit Pansik Opis Penyerakup Bansa. Diputuska bala ke datai aum nya, teks nya nyadi versyen Melayu nyadi asal, lalu ke bukai nyadi salin teks nya. Pengawa macha Rukun Menua diperansang ba pengawa rasmi lalu teks nya patut dibacha ba Pengawa Bejadika Parlimen enggau Aum Kaunsil Negeri. Pia mega bisi diperambu ngambika bup teks pasal Rukun Menua patut disediaka ngagai nembiak, kelebih agi maya subjek Tatacara.[20]

Siti brosur udah dikeluarka sereta disadung Opis Pemadah ba hari deklarasyen Rukun Menua.[21] Versyen pemesai saku mega digaga ungkup versi teks Melayu enggau Inggeris. Versyen jaku Melayu dichelak baru kena taun 1983 nitihka sistem sepil baru.[22]

Opis Menteri Pemadah megai tanggungpengawa nyadung, ngelaku sereta nerangka Rukun Menua ngagai mensia mayuh. Seminar tiga hari diatur dikena nerangka isi enggau reti Rukun Menua ngagai semua pemesai opis menteri nya.[21] Siku ari penulis deklarasyen nya, Tan Sri Ghazali Shafie, mega bisi meri jaku pasal aum besai ninting taun Gerempung Pengereja Pengawa opis nya bekaul enggau Rukun Menua.[21][23] Sekeda video promosyen mega diasilka ari sesiti maya ngagai sesiti maya ngambika dimain ba televisyen, baka Nuju Penyerakup Nasional ari Opis Filem Menua Malaysia[24] enggau video ungkup program Sehari tu Dalam Sejarah (Hari Ini Dalam Sejarah) ari arkib nasional.[25]

Teks Rukun Menua

[edit | edit bunsu]
Teks asal jaku Melayu Salin jaku Iban

BAHAWASANYA NEGARA KITA MALAYSIA mendukung cita-cita hendak:

  • Mencapai perpaduan yang lebih erat dalam kalangan seluruh masyarakatnya;
  • Memelihara cara hidup demokratik;
  • Mencipta satu masyarakat yang adil di mana kemakmuran negara akan dapat dinikmati secara adil dan saksama;
  • Menjamin satu cara liberal terhadap tradisi-tradisi kebudayaannya yang kaya dan pelbagai corak;
  • Membina satu masyarakat progresif yang akan menggunakan sains dan teknologi moden;

MAKA KAMI, rakyat Malaysia, berikrar akan menumpukan seluruh tenaga dan usaha kami untuk mencapai cita-cita tersebut berdasarkan atas prinsip-prinsip yang berikut:

  1. KEPERCAYAAN KEPADA TUHAN
  2. KESETIAAN KEPADA RAJA DAN NEGARA
  3. KELUHURAN PERLEMBAGAAN
  4. KEDAULATAN UNDANG-UNDANG
  5. KESOPANAN DAN KESUSILAAN
 ENGGAU NAKA PEMENDAR MENUA KITAI, MALAYSIA deka nyapai juluk ati:
  • Ngerapitka kaul antara semua raban bansa;
  • Ngetanka chara pengidup demokratik;
  • Nempa raban bansa ke rentang ngambika pengelantang menua sama bela ulih diasaika semua orang;
  • Nentuka chara ti liberal senentang tradisyen budaya ke tinggi sereta mayuh macham;
  • Nempa raban bansa ke progresif ti begunaka sains enggau teknologi moden;

NYA ALAI, kami rayat Malaysia besemaya deka beabis ati sereta bebendar deka nyapai juluk ati belalauka:

  1. PENGARAP KE TUHAN
  2. PENALUK KE RAJA ENGGAU MENUA
  3. PEMULIA KONSTITUSYEN
  4. PENINGGI UNDANG-UNDANG
  5. ADAT ENGGAU BASA

Pemacha

[edit | edit bunsu]

Udah suah ngagai sekula rama primari enggau sekondari di Malaysia macha semaya nya ninting minggu maya gempuru wajib. Bacha ikrar nitihka tekala nya pengudah belagu lagu kebangsaan Malaysia, Negaraku. Sekeda utai ti narit ati, Rukun Negara tu selalu iya ulih ditemu ba belakang kulit tiap iti bup latih ti suah dikena nembiak sekula rama primari enggau sekondari Malaysia.[26] Tu keterubah iya siti singkang ti diaku udah dirumuska dikena neladan taktik ti sebaka ti diberi kelala perintah Singapura tekala nya sepengudah iya dibuai ari gerempung Malaysia dalam taun 1965.

Kena 8 Disember 2005, perintah Malaysia udah ngaga pengawa macha semaya nya nyadi wajib ba pengerami rasmi. Penerang nya dipansutka beberapa bulan pengudah perintah ngaga pengawa belagu lagu menua nyadi wajib ba tiap pengerami rasmi.[27]

Kereban sanding

[edit | edit bunsu]
  1. ↑ "MyGOV - The Government of Malaysia's Official Portal". www.malaysia.gov.my. Retrieved 2023-12-24.
  2. ↑ Jeong, Chun Hai, 1973- (2007). Principles of public administration : an introduction. Nor Fadzlina Nawi. Shah Alam, Selangor: Karisma Publications. ISBN 978-983-195-253-5. OCLC 298421717.{{cite book}}: CS1 maint: multiple names: authors list (link) CS1 maint: numeric names: authors list (link)
  3. ↑ "The National Operations Council (1970). The May 13 Tragedy: A Report" (PDF). Obtained from Malaysian Form 5 History Textbook's publisher, Dewan Bahasa dan Pustaka. Retrieved 23 June 2021.
  4. ↑ "RACE WAR IN MALAYSIA". 2007-05-18. Archived from the original on 18 May 2007. Retrieved 2021-06-23.
  5. ↑ Vorys, Karl Von (2016-04-19). Democracy Without Consensus. ISBN 978-0-691-64475-2.
  6. ↑ Kua, Kia Soong (2007). May 13: Declassified Documents on the Malaysian Riots of 1969 (in Inggeris). SUARAM. ISBN 978-983-41367-6-5.
  7. ↑ Ramraj, Victor V.; Thiruvengadam, Arun K. (2010). Emergency Powers in Asia: Exploring the Limits of Legality. Cambridge University Press. ISBN 978-0-521-76890-0.
  8. ↑ "Revisiting the National Consultative Council". Malaysiakini. 2016-09-23. Retrieved 2021-06-23.
  9. ↑ 50 Fakta Rukun Negara (PDF) (in Melayu). National Archives of Malaysia. 2020. p. 11.
  10. ↑ Shome, Tony (2004-08-02). Malay Political Leadership. Routledge. ISBN 978-1-135-78933-6.
  11. ↑ "HIDS - Hari Ini Dalam Sejarah". hids.arkib.gov.my. Retrieved 2021-06-23.
  12. ↑ "KENYATAAN MAPEN, 4 Mac 1970". rn50.arkib.gov.my. 23 November 2020. Retrieved 24 June 2021.
  13. ↑ 50 Fakta Rukun Negara (PDF) (in Melayu). National Archives of Malaysia. 2020. p. 30.
  14. ↑ 50 Fakta Rukun Negara (PDF) (in Melayu). National Archives of Malaysia. 2020. p. 21.
  15. ↑ Wednesday, 19 Aug 2020 10:25 AM MYT. "Rukun Negara 'not plucked from the air', says Salleh Abas | Malay Mail". www.malaymail.com. Retrieved 2021-06-24.{{cite web}}: CS1 maint: numeric names: authors list (link)
  16. ↑ Wednesday, 19 Aug 2020 10:25 AM MYT. "Rukun Negara 'not plucked from the air', says Salleh Abas | Malay Mail". www.malaymail.com. Retrieved 2021-06-24.{{cite web}}: CS1 maint: numeric names: authors list (link)
  17. ↑ "HIDS - Hari Ini Dalam Sejarah". hids.arkib.gov.my. Retrieved 2021-06-23.
  18. ↑ 50 Fakta Rukun Negara (PDF) (in Melayu). National Archives of Malaysia. 2020. p. 36.
  19. ↑ 50 Fakta Rukun Negara (PDF) (in Melayu). National Archives of Malaysia. 2020. p. 45.
  20. ↑ 50 Fakta Rukun Negara (PDF) (in Melayu). National Archives of Malaysia. 2020. p. 51.
  21. ↑ 21.0 21.1 21.2 50 Fakta Rukun Negara (PDF) (in Melayu). National Archives of Malaysia. 2020. p. 27. Penyalat nyebut: Tag <ref> tidak sah, nama ":0" digunakan secara berulang dengan kandungan yang berbeza
  22. ↑ "BUKU RISALAH RUKUN NEGARA". Jabatan Penerangan Malaysia. 2020-07-10. Retrieved 2021-06-25.
  23. ↑ "CERAMAH RUKUN NEGARA". rn50.arkib.gov.my. 1 December 2020. Retrieved 25 June 2021.
  24. ↑ Ke Arah Perpaduan, archived from the original on 2021-12-21, retrieved 2021-06-25
  25. ↑ Rukun Negara: Ideologi Nasional, archived from the original on 2021-12-21, retrieved 2021-06-25
  26. ↑ "Rukun Negara bukan sekadar di kulit belakang buku - KSU KPM". Berita Harian. 2020-07-19. Retrieved 2020-11-25.
  27. ↑ "Reciting of rukun negara now a must at official functions". Bernama. 8 December 2005.

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Rukun_Menua&oldid=14387"