Rosa Parks

Rosa Parks
Parks in 1955
Ada	Rosa Louise McCauley (1913-02-04)Februari 4, 1913 Tuskegee, Alabama, U.S.
Haribulan pemarai	Oktober 24, 2005(2005-10-24) (umur 92) Detroit, Michigan, U.S.
Burial place	Woodlawn Cemetery, Detroit
Pelajar	Alabama State Teachers College for Negroes (now Alabama State University)
Pengawa	Civil rights activist
Dikelala ketegal	Boikot bas Montgomery
Gerak	Civil Rights Movement
Kaling	Raymond Parks (j. 1932; m. 1977)
Sain

Rosa Louise McCauley Parks (4 Februari 1913 – 24 Oktober 2005) nyadi siku aktivis hak sivil mensia ari menua Amerika. Iya tebilang ketegal iya ke enggai mindah ari penuduk iya dalam bas ba taun 1955 di Montgomery, Alabama, ketegal ngelaban undang-undang Jim Crow ke nyerara bansa, ke ngujungka boikot bas Montgomery. Iya kekadang dikelala enggau nama "indai gerak hak sivil".

Ada di Tuskegee, Alabama, Parks besai ba baruh pengawa nyerara Jim Crow. Udah nya iya pindah ngagai Montgomery lalu nyereta chapter Gerempung Nasional ungkup Penyulut Orang Bekulit Chelum ba mengeri nya (NAACP) kena taun 1943, nyadi sekretari gerempung nya. Taja pan polisi digaga dikena ngelepaska hak rayat kulit burak, Parks mujur ngerejista diri ngundi sepengudah tiga kali nguji bebida entara taun 1943 enggau 1945. Iya mansik kes lalu ngatur kimpin ngelingi kes kasar bansa enggau seksual dalam kapasiti iya nyadi sekretari NAACP, nyengkaum kes Recy Taylor enggau Jeremiah Reeves, ti nyadika pelasar kimpin hak sivil jemah ila.

Adat di Montgomery minta penepan kulit chelum nyerahka penuduk sida ba mua bas ngambika ulih nampung penepan kulit burak. Baris ba belakang diungkupka ngagai penepan orang kulit chelum. Sebedau Parks enggai mindah, sekeda orang Montgomery ti bekulit chelum udah enggai ngereja nya nyengkaum nembiak sekula tinggi ke beumur 15 taun, Claudette Colvin, ngujungka sida ditangkap. Lebuh Parks ditan dalam taun 1955, bala tuai menua nya benung ngiga siku orang ti deka nyadi kes nguji undang-undang ti manah ngelaban pengawa nyerara. Iya dianggap chalun ke engkeman, lalu Kaunsil Politik Indu (WPC) ngatur boikot bas sehari ba hari iya dipechara. Pengawa boikot nya balat nyadi. Mayuh orang Black Montgomer enggai nepan bas nya sehari nya. Pengudah Parks ditemu salah ngelanggar undang-undang nengeri, boikot nya dilanjar enggau enda tentu lama, enggau Gerempung Pemanah Montgomery (MIA) ngatur rangkaian pengangkut komuniti kediri empu dikena ngetanka nya. Parks enggau ketuai boikot bukai napi pengawa ngachau, dibuai, sereta mayuh macham penanggul undang-undang. Boikot nya dipejalaika pengelama 381 hari, lalu pengujung iya tembu pengudah pengawa nyerara ba bas dianggap enda nitihka konstitusyen dalam kes kort Browder v. Gayle.

Pengudah boikot nya tembu, Parks ngasaika penusah ba pekara belanja enggau penanggul pengerai ketegal, sebagi ari penyereta iya. Kena 1957, iya mindah ngagai Detroit, Michigan. Iya terus ngarika hak sivil, nyukung orang baka John Conyers, Joanne Little, Gary Tyler, Angela Davis, Joe Madison, enggau Nelson Mandela. Iya mega siku penyukung gerak kuasa kulit chelum enggau aktivis anti-apartheid, ngambi bagi dalam pengawa protes enggau aum besai nyadi sebagi ari Gerak Afrika Selatan Bobas. Kena taun 1987, iya sama numbuhka Institut Pemansang Diri Rosa enggau Raymond Parks enggau Elaine Eason Steele. Pengudah pemati Parks dalam taun 2005, iya dipebasa enggau pengawa meda mensia mayuh sereta pengawa ngingatka iya ba tiga buah nengeri: di Montgomery; di Washington, D.C., endur iya tinduk ba rotunda Capitol Amerika Syarikat; enggau di Detroit, ke alai iya pengujung iya ditumbak ba Pendam Woodlawn. Parks nerima mayuh anugerah enggau basa, sepemanjai pengidup iya enggau pengudah iya mati. Iya nerima Midul Pengelepas Presiden, Midul Mas Kongres, lalu nyadi orang kulit chelum Amerika keterubah dikeingatka ba Dewan Patung Nasional.