Rembai

Rambai
Klasifikasyen saintifik
Kingdom:	Tumbuhan
(unranked):	Angiosperma
(unranked):	Eudikot
(unranked):	Rosids
Order:	Malpighiales
Family:	Phyllanthaceae
Genus:	Baccaurea
Species:	B. motleyana
Nama binomial
	Baccaurea motleyana; Müll.Arg.

Rembai (Jawi: ‏رامباي‎‎, Baccaurea motleyana) iya nya sebansa kayu bebuah ti tumbuh ba kampung tunga Asia Tenggara enggau ditanam sereta diambi buah di Indonesia, Thailand enggau Semenanjung Malaysia.

Pun rembai selalu iya tumbuh ngagai peninggi entara 9 ngagai 12 meter enggau daun pandak sereta bagi atas ti rindang. Pun rembai ngembuan daun ti seruran gadung ti bekilat ba bagi atas lalu bechura gadung-burak enggau bulu alus ba baruh daun. Setiap iti daun kayu rembai ngembuan pemanjai 33 sentimeter enggau buka 15 sentimeter. Sebansa kayu rembai tu kayu dioecious, enggau bungai lelaki enggau indu tumbuh ba individu ti bebida. Kedua-dua bansa bungai tu bau rengut sereta bisi sepal ti bechura kuning. Raceme benang sari pun rembai ulih tumbuh nyentuk ngagai 15 sentimeter lalu bungai pistillate ulih manggai 75 sentimeter pemanjai.

Buah kayu rembai tu siti-siti pemanjai entara 2 ngagai 5 sentimeter enggau pemesai kira dua sentimeter lalu tumbuh berumpun. Tiap iti buah bisi kulit bechura kalas, kuning tauka pirang ti bekerutu lebuh mansau lalu bisi dua igi pulpa ti bechura burak ti ngundan entara tiga ngagai lima igi. Tiap iti kantung bisi asai manis ngagai masam. Iya tau diempa mata tauka dipanduk tauka digaga nyadi jem tauka diperam. Pun rembai tu mega dikena endur ngenduh enggau kayu ti enda bekualiti.