Ptolemaios
Ptolemaios | |
|---|---|
| Κλαύδιος Πτολεμαῖος | |
 | |
| Ada | c. AD 100[1] Unknown |
| Haribulan pemarai | 160s/170s Alexandria, Egypt, Roman Empire |
| Peranak menua | possibly Roman |
| Dikelala ketegal | |
| Scientific career | |
| Fields | |
Claudius Ptolemaios (Gerika Kelia: Πτολεμαῖος, Ptolemaios; Latin: Claudius Ptolemaeus; Inggeris: Ptolemy c. 100 – 160-an/170-an AD), iya nya siku pakar matematik Gerika-Rom, pakar bintang, pakar astrologi, pakar geografi, enggau pakar teori muzik ti nulis kira-kira sedozen tritis tiga ari nya beguna ngagai sains Bizantin, Islam enggau Eropah Barat udah nya. Keterubah iya nya tritis astronomi iya ke diatu dikelala enggau nama Almagest, asal iya betajuk Mathēmatikḗ Syntaxis (Μαθηματικὴ Σύνταξις, Mathēmatikḗ Syntaxis). Kedua iya nya Geography, iya nya randau ti silik pasal kar enggau penemu geografi dunya Gerika-Rome. Ketiga iya nya risalah astrologi ke alai iya nguji ngaga astrologi horoskopik nitihka falsafah alam Aristoteles maya jeman iya. Tu kekadang dikelala enggau nama Apotelesmatika (Αποτελεσματικά, ‘Ba Empas’) tang suah agi dikelala enggau nama Tetrábiblos (ari jaku Gerika Koine ti mai reti ‘empat iti bup’; Latin: Quadripartitum).
Gerija Katolik ngelakuka pengawa iya, ti nyengkaum semina model geosentrik Sistem Matahari ti manah ari sukut matematik, lalu enda baka tebal agi pakar matematik Gerika, tulis Ptolemaios (ke pemadu beguna iya nya Almagest) enda kala badu disalin tauka diberi komen, baik nya ba ujung jeman kelia enggau ba jeman tengah. Taja pia, nyangka semina sekeda aja ke amat nguasa matematik ti diguna dikena meretika asil iya, baka ti dibuktika kelebih agi ari mayuh jaku pemuka ti dipandakka sereta dipeda ai pasal astronomi Ptolemaios ti tebilang ba orang Arab enggau Byzantin. Pengawa iya pasal episaikel diatu dipeda nyadi model teori ti kompleks bendar ti digaga ngambika ulih nerangka prinsip ti salah bepelasarka pengarap.
Nota
[edit | edit bunsu]- ↑ Since no contemporary depictions or descriptions of Ptolemy are known to have existed, later artists' impressions are unlikely to have reproduced his appearance accurately.