Pison
Pison (Hebrew: פִּישׁוֹן Pīšōn; Jaku Gerika Koine: Φισών Phisṓn) nya siti ari empat sungai (beserimbai enggau Hiddekel (Tigris), Perath (Eupratis) enggau Gihon) ti udah disebut ba dalam Bup Pemungkal dalam Bup Kudus. Dalam genteran tu, bisi sungai ti pansut ari Eden ti mai ai Kebun Eden lalu ari dia ngilah bepati empat.[1] Pison digambarka ngelingi "semua menua Habilah ti bisi mas; batu ti berega (batu bdelium) enggau batu wangi (oniks)."[2]
Kelala
[edit | edit bunsu]Enda baka sungai Tigris enggau Eupratis, Pison enda kala ditemu endur enggau terang. Iya disebut enggau pandak begulai enggau Tigris ba Penemu Dalam Sirak (24:25/35), tang sumber tu nadai meri penerang agi pasal endur sungai nya. Pakar Sejarah Judah–Rom Flavius Josephus, dalam pemungkal bup Antiquities of the Jews (kurun ke-1 AD) ngelala Pison enggau Ganges.[3] Rabi jeman tengah ari Peranchis Rashi ngumbai sungai tu Nil.[4]
Bala orang pintar keterubah baka Antoine Augustin Calmet (1672–1757) lalu orang udah nya Ernst Friedrich Karl Rosenmüller (1768–1835), enggau Carl Friedrich Keil (1807–1888), pechaya bunsu sungai [ungkup Eden] nya pelilih mata ai: "Pison enggau Gihon nya pati bukit kelia. Keterubah iya engka Phasis tauka Araxes, lalu kedua iya nya Oxus."[5]
James A. Sauer, ex-kurator Muzium Semitik Harvard, madahka ari sukut geologi enggau sejarah, Pison nunjukka kandang menua ke diatu nyadi Wadi al-Batin, siti salur ti mayuh rangkai ti pun penatai iya berengkah ba Bukit-bukit Hijaz semak Madinah, nyentuk ke timur laut ngagai Kuwait.[6] Enggau bantu gambar satelit, Farouk El-Baz ari Universiti Boston mansik alur rangkai ari Kuwait niki ngagai sistem Wadi al-Batin enggau Wadi al-Rummah bepun semak Medinah di Jibāl al Abyaḑ.[7]
David Rohl ngelala Pison nya Uizhun,[sitasyen patut disediaka] ngengkahka Habilah tunga timur laut Mesopotamia. Uizhun dikelala Sungai Mas ba kandang endur nya. Niki semak enggau gunung beapi strato Sahand, iya bepusin-pusin entara lumbung mas kelia enggau lapis lazuli sebedau rarat ngagai Tasik Kaspia. Pengeraja asal ti baka nya setipak enggau utai ti dikaitka enggau menua Habilah dalam Bup Pemungkal.[8][9]
Dan'el Kahn ari Universiti Haifa nyadangka nama Pison engka datai ari leka jaku Ejip pA-Shen, ti mai reti tasik. Kar Dunya Babilonia ngelala tasik nya "sungai pait".[10]
-
Mosaik ti ngarika Pison ari Gerija Theodorias (Qasr Libya) c. 539 AD -
Bup Mas Judah ari artis moden Filippo Biagioli, diungkupka ngagai sungai Pison[11]
Kereban sanding
[edit | edit bunsu]- ↑ Pemungkal 2:10
- ↑ Pemungkal 2:11
- ↑ Josephus, Flavius. "Antiquities of the Jews – Book I". Chapter 1.3.
And Phison, which denotes a multitude, running into India, makes its exit into the sea, and is by the Greeks called Ganges. Euphrates also, as well as Tigris, goes down into the Red Sea.
- ↑ Wolf, Shaul. "Where Are the Four Rivers that Come from Eden?". Chabad.org. Retrieved 2 June 2018.
- ↑ Duncan, George S. (October 1929) "The Birthplace of Man" The Scientific Monthly 29(4): pp. 359–362, p. 360.
- ↑ James A. Sauer, "The River Runs Dry," Biblical Archaeology Review, Vol. 22, No. 4, July/August 1996, pp. 52–54, 57, 64
- ↑ Farouk El-Baz, "A river in the desert", Discover, July 1993.
- ↑ Sandys, Edwin. "Bishop's Bible". studybible.info. Retrieved 5 May 2020.
- ↑ Sandys, Edwin. "Bishop's Bible". studybible.info. Retrieved 5 May 2020.
- ↑ Dan'el Kahn, comment on Academia.edu, posted August 2024
- ↑ Ancillotti, Sofia. "Libri d'Oro Ebraici".