Perintah menua Estonia
| Perintah menua Republik Estonia | |
|---|---|
| Estonia: Eesti Vabariigi valitsus | |
 | |
| Overview | |
| Established | 24 Februari 1918 |
| Dissolved | digantung ari 17 Jun 1940 – 21 Ogos 1991 (de facto) |
| State | Republik Estonia |
| Leader | Menteri Besai Estonia |
| Appointed by | Presiden Estonia |
| Main organ | Opis Perintah Estonia |
| Headquarters | Rahukohtu 3, 15161 Tallinn, Estonia |
| Website | www |
Perintah menua Republik Estonia (Estonia: Vabariigi Valitsus) nya kabinet Estonia. Nengah Konstitusyen, iya bejalaika kuasa eksekutif nitihka Konstitusyen enggau undang-undang Estonia.
Kabinet bejalaika polisi dalam enggau luar menua, ti ditempa parlimen (Riigikogu); iya ngiring sereta ngatur pengawa institusyen perintah lalu megai tanggungpengawa penuh ba semua utai ti nyadi dalam autoriti kuasa eksekutif. Perintah, ti betuaika Menteri Besai, enggau nya ngarika ketuai politik menua lalu ngaga pemutus atas nama semua kuasa eksekutif.
Pengawa ke di baruh tu dikaitka enggau kabinet ulih Konstitusyen Estonia:[1]
- bejalaika polisi dalam enggau luar nengeri;
- ngiring sereta ngatur pengawa ejensi perintah;
- ngatur pengawa bejalaika undang-undang, resolusyen ari Riigikogu (Parlimen), enggau undang-undang Presiden Republik Estonia;
- meri kelala rang undang-undang, lalu nganjung sempekat entarabansa ngagai Riigikogu ngambika dikemendar sereta dikemelika;
- nyendiaka perambu bajet nengeri lalu nganjung ngagai Riigikogu, ngatur pengawa bejalaika bajet nengeri lalu mantaika riput pasal pengawa bejalaika bajet nengeri ngagai Riigikogu;
- ngeluarka atur enggau perintah bepelasarka sereta ungkup pengawa bejalaika undang-undang;
- ngatur kaul enggau menua bukai;
- bejalaika pengawa bukai ti diberi Konstitusyen enggau undang-undang ngagai Perintah Republik.
Bebida enggau kabinet bukai ba tebal agi rejim parlimen bukai, Perintah nyadi kuasa eksekutif de jure enggau de facto di Estonia. Ba tebal agi rejim parlimen bukai, ketuai menua selalu iya nyadi ketuai eksekutif nominal, taja pan diikat konvensyen ngambika bejalaika pengawa nitihka jaku lalau kabinet. Tang ba Estonia, Konstitusyen enggau terang meri kuasa eksekutif ngagai Perintah, ukai ngagai Presiden.
Kereban sanding
[edit | edit bunsu]- ↑ "The Constitution of the Republic of Estonia". Riigi Teataja. 16 May 2014.
