Pegi ngagai isi

Pengerami Qingming

Ari Wikipedia
Qingming
Burning paper gifts for the departed.
Nama resmiQingming Jie (清明节)
Ching Ming Festival (清明節)
Tomb Sweeping Day (掃墓節)
Diintu Chinese, Chitty[1] and Ryukyuans
BansaCultural, Asian
RetiCommemoration of the remembering of ancestors
ObservancesCleaning and sweeping of graves, ancestor worship, offering food to deceased, burning joss paper
Haribulan15th day after March equinox (between April 4 and April 6)
Keterubah732; 1293 taun ke udah (732)

Pengerami Qingming[2] tauka Pengerami Ching Ming,[3] mega dikelala enggau nama Hari Nyapu Pendam (kekadang mega dikumbai Hari Pengingat China, Hari Aki Ini, tauka Pesta Penerang),[4][5][6][7] iya nya pengerami tradisional ti diintu bansa China ba tanah besai China, Hong Kong, Makau, Taiwan, Malaysia, Singapura, Kemboja, Indonesia, Filipina, Thailand, enggau Vietnam. Pengerami musin bungai,[7][8] labuh ba hari keterubah timpuh solar kelima (dikumbai mega Qingming) ari kalendar lunisolar tradisional China. Tu nyadika hari ke-15 pengudah Equinoks Musin Bungai, sekalika 4, 5 tauka 6 April ba sesebengkah taun.[9][10][11] Maya Pengerami Qingming, ruang bilik bebansa China nemuai ngagai pendam aki ini sida lalu meresi pendam sereta ngaga piring ritual ngagai aki ini sida.[6] Pemeri suah nyengkaum lauk pemakai tradisional enggau pengawa betunuka kayu jos enggau keretas jos.[6][7][12] Hari besai tu ngelala pengawa bebasaka aki ini diri dalam adat China.[6]

Asal Pengerami Qingming tu lebih ari 2500 taun ke udah, taja pan pengawa ngintu iya udah jauh berubah. Pengerami tu nyadi kemisi rama di tanah besai China dalam taun 2008, ke alai iya dikaitka enggau pemakai qingtuan,[13] pau gadung ke digaga ari pulut enggau rumput mugwort China tauka barli.

Pengerami ke sebaka mega diintu ba Pulau Ryukyu, ke dikumbai Shīmī dalam jaku asal menua nya.[14]

Asal

[edit | edit bunsu]

Pengerami tu bepun ari Pemakai Chelap tauka Pesta Hanshi ti dipadahka dikena ngingatka Jie Zitui, siku orang kaya ari menua Jin (kemaya tu Shanxi) maya timpuh Musin Bungai enggau Musin Gugur.[6] Ba tengah Penyarut Li Ji, iya nitihka tuan iya Putera Chong'er ke dibuai dalam taun 655 SM ngagai raban bansa Di enggau ngelingi menua China. Dipelabaka, iya kala indah netak dagin ari peh iya kena nyendiaka tuan iya sup.[7][6] Dalam taun 636 BC, Adipati Mu ari Qin nyerang Jin lalu ngengkahka Chong’er nyadi adipati iya, ke alai iya gerah jari meri upah ngagai sida ke udah nulung iya maya iya begunaka bantu. Tang, ketegal runding iya ti tinggi tauka ketegal adipati ti enda ibuhka iya, Jie udah lama dilepaska.[6][7] Pengujung iya pinchin lali mindah ngagai kampung ngelingi Gunung Mian enggau indai iya ke udah tuai.[6] Adipati nya mansang ngagai kampung dalam 636 BC tang enda tetemuka seduai iya. Iya lalu ngasuh bala iya nunu kampung nya ngambika ulih mejal Jie pansut.[6][8] Lebuh Jie enggau indai iya dibunuh ketegal kampung nya udah ditunu, adipati ngasuh berengkah ari nya nadai orang ngidupka api ba haribulan pemati Jie.[6][8] Rayat Shanxi udah nya bebasaka Jie nyadi orang ke enda nemu mati lalu nyeliahka diri ari ngidupka api pengelama sebulan ba penalam musin chelap, pengawa ke balat ngeruga bala nembiak mit enggau orang tuai nyentukka bala pemerintah kandang menua nya enda mujur nguji nagang pengawa nya pengelama beratus taun. Siti kompromi pengujung iya nyadi ke alai iya disekat ngagai 3 hari ngelingi timpuh solar Qingming ba tengan musin bungai.

Penting pengerami tu diatu diberi ngagai Maharaja Xuanzong ari Tang. Rayat ti kaya di menua China diripotka ngatur kelalu mayuh pengerami ti besai sereta mar bendar dikena bebasaka aki ini sida. Dalam AD 732, Xuanzong nguji nagang pengawa tu enggau madahka basa ti baka nya semina ulih dibayar enggau formal setaun sekali, ba Qingming.[15]

Pengintu

[edit | edit bunsu]
Siti ruang bilik China Indonesia besampika ngagai sebilik sida ke udah nadai ba Pemherami Qingming taun 2013 ba baruh Pintu Langit Sanggar Agung
Pengerami Qingming ba pendam orang China Kolkata.

Pengerami Qingming iya nya maya orang China nitihka tradisyen nemuai ngagai pendam aki ini ngambika nyapu pendam nya.[6] Tradisyen tu udah diundang-undang ulih bala Maharaja ti ngaga batu pendam imperial ti megah ungkup tiap dinasti. Beribu taun, bala empayar China, orang kaya, orang bumai, enggau orang dagang sama bela begempuru ngingatka pengidup orang ke udah mati, ngabas batu pendam sida ngereja pengawa pengarap Konfusianisme nengah chara nyapu pendam, ngabas palan pendam, deka ngintu sereta komited besampika aki ini sida dalam konsep pengidup udah mati ti nyelai ari bansa China sereta meri pengingat aki ini sida ngagai kaban belayan darah enggau sebilik sida ti agi idup. Ba sekeda endur, orang pechaya pengawa nyapu pendam semina dikemendarka maya pengerami tu aja, laban sida pechaya orang ke udah mati deka dikachau enti pengawa nyapu nya digaga ba hari bukai.

Sida ke biak enggau tuai sama besugang meri sampi ba mua batu pendam aki ini, meri pengawa nunu jos dalam dua bengkah tukuh kayu menyan (chuluk) enggau keretas daun pirak (keretas jos), nyapu pendam sereta meri pemakai dikena ngingatka aki ini.[6][7] Bepanggai ba pengarap orang ke meda, sekeda besampi ngagai petara ke tinggi agi ngambika bebasaka aki ini sida, lalu sekeda engka besampi terus ngagai roh aki ini.

Orang ke diau jauh lalu enda ulih bejalai ngagai pendam aki ini sida tau ngaga piring ari jauh.[8]

Pengudah begempuru maya pengerami Qingming bejalaika pengawa ruang bilik ari sukut pengarap Konfusianisme ba batu pendam, bala pesereta ngena awak ke bukai ba pengawa diri sebilik, sebedau sida berengkah ngereja pengawa bajak musin bungai. Ari sukut sejarah, orang deka suah belagu sereta betanda, lalu pengerami Qingming nya maya pasangan biak nitihka tradisyen berengkah bepangan.[7] Siti agi utai ti popular digaga iya nya nerebaika gudi ti betukuh jelu tauka watak ari jerita rayat tauka opera China.[7][16] Siti agi pengawa ke suah dikereja iya nya mai bungai ari ke nunu keretas, menyan, tauka merechun.[17]

Ari sukut tradisional, ruang bilik deka nunu duit roh (keretas jos) enggau keretas replika utai baka entukar, rumah, talipaun, enggau kuli keretas. Pengawa tu selalu nyadi maya pengerami Qingming.[18] Dalam adat China, dipelabaka mensia agi begunaka semua utai nya ba pengidup udah mati. Udah nya sida sebilik begilir-gilir ngaga ritual kowtow tiga ngagai semilan kali (bepanggai ba pengamat sida sebilik ngagai nilai asal) sebedau pendam aki ini. Ritual Kowtow ba mua pendam dikereja nitihka atur senioriti patriarkal dalam ruang bilik. Udah tembu pengawa nyembah aki ini ba palan pendam, semua sida sebilik tauka semua raban bansa berami makai pemakai enggau ai irup ti dibai sida dikena nyembah.[7] Siti agi ritual ti bekaul enggau pengerami nya iya nya beperang manuk sabung,[19] kelimpah ari bisi dalam konteks sejarah enggau budaya nya ba Taman Mengeri Milenium Kaifeng (Taman Rampa Menua Tebing Sungai Qingming).[20][21]

Hari besai tu suah ditanda enggau orang meri basa ngagai sida ke dianggap bujang berani nasional tauka legenda.[22] Engkebut Kelima April enggau Insiden Tiananmen nyadi pekara besai dalam sejarah China ti nyadi ba Qingming. Pengudah Premier Zhou Enlai mati dalam taun 1976, beribu iku orang meri basa ngagai iya maya pengerami nya.[23]

Ba Taiwan, Pesta Qingming ukai hari kemisi rama nyentuk ngagai taun 1972. Tiga taun udah nya, lebuh pemati Chiang Kai-shek kena 5 April 1975, perintah Kuomintang madahka ulang taun pemati Chiang diintu begulai enggau pengerami nya. Pengawa tu dipunaska dalam taun 2007.[24]

Penyanding

[edit | edit bunsu]
  1. ↑ "Meet the Chetti Melaka, or Peranakan Indians, striving to save their vanishing culture". Channel News Asia. 21 October 2018.
  2. ↑ "Qingming Festival" (in Inggeris Australia). Retrieved 2022-03-28.
  3. ↑ "108 years of Ching Ming Festival continuous holiday traffic evacuation information". Northeast and Yilan Coast National Scenic Area Administration. 2019-03-25.
  4. ↑ "General holidays for 2015". GovHK. Retrieved 2014-08-25.
  5. ↑ "Macau Government Tourist Office". Macau Tourism. Archived from the original on 16 March 2016. Retrieved 2014-08-25.
  6. ↑ 6.00 6.01 6.02 6.03 6.04 6.05 6.06 6.07 6.08 6.09 6.10 6.11 Wei, Liming (2010). Chinese Festivals: Traditions, Customs and Rituals (Second ed.). Beijing. pp. 31–35. ISBN 9787508516936.{{cite book}}: CS1 maint: location missing publisher (link) Penyalat nyebut: Tag <ref> tidak sah, nama "Wei Chinese Festivals Qingming Festival" digunakan secara berulang dengan kandungan yang berbeza
  7. ↑ 7.0 7.1 7.2 7.3 7.4 7.5 7.6 7.7 7.8 Stepanchuk, Carol (1991). Mooncakes and Hungry Ghosts: Festivals of China. San Francisco: China Books & Periodicals. pp. 61–70. ISBN 0-8351-2481-9. Penyalat nyebut: Tag <ref> tidak sah, nama "Stepanchuk Mooncakes and Hungry Ghosts Qingming Festival" digunakan secara berulang dengan kandungan yang berbeza
  8. ↑ 8.0 8.1 8.2 8.3 Eberhard, Wolfram (1952). "Ch'ing-ming, the spring festival". Chinese Festivals. New York: H. Wolff. pp. 112–127. Penyalat nyebut: Tag <ref> tidak sah, nama "Eberhard Chinese Festivals Qingming Festival" digunakan secara berulang dengan kandungan yang berbeza
  9. ↑ "Traditional Chinese Festivals". china.org.cn. 2007-04-05. Retrieved 2014-08-25.
  10. ↑ "Tomb Sweeping Day". Taiwan.gov.tw. Archived from the original on 7 April 2014. Retrieved 25 Ogos 2014.
  11. ↑ "Ching Ming Festival | Hong Kong Tourism Board".
  12. ↑ "Why Chinese Burn Paper on Tomb-Sweeping Day". The Beijinger (in Inggeris). 2 April 2022. Retrieved 7 March 2023.
  13. ↑ "Across China: Sticky rice balls make tradition "stickier" for young Chinese". Xinhua. Retrieved 7 March 2023.
  14. ↑ "Festivals and Rituals of Okinawa – Seimei Ritual (Shiimii) –". www.wonder-okinawa.jp. Archived from the original on 15 December 2007. Retrieved 14 January 2022.
  15. ↑ "寒食清明节:纪念晋国大夫介之推". Cathay.ce.cn. Retrieved 2014-08-25.
  16. ↑ "中华人民共和国外交部". Archived from the original on 15 April 2009. Retrieved 8 April 2009.
  17. ↑ "Asia News – South Asia News – Latest headlines – News, Photos, Videos". UPIAsia.com. 2012-07-22. Retrieved 2014-08-25.
  18. ↑ Chung, Sheng Kuan; Li, Dan (2017-11-02). "An Artistic and Spiritual Exploration of Chinese Joss Paper". Art Education (in Inggeris). 70 (6): 28–35. doi:10.1080/00043125.2017.1361770. ISSN 0004-3125. S2CID 187756852.
  19. ↑ "Festival of Pure Brightness". Uiowa.edu. Archived from the original on 19 November 2014. Retrieved 25 Ogos 2014.
  20. ↑ "Millennium City Park, Kaifeng, Henan". Travelchinaguide.com. Retrieved 2014-08-25.
  21. ↑ "Qingming Riverside Landscape Garden". Cultural-china.com. Archived from the original on 12 Ogos 2015. Retrieved 25 Ogos 2014.
  22. ↑ "Celebration". China Daily. 3 March 2013. Retrieved 18 March 2014.
  23. ↑ "zh:1976年天安门"四五运动"" [en:1976 Tiananmen Square "April 5th Movement"]. beijing-spring.univie.ac.at (in Cina). Retrieved 2025-03-27.
  24. ↑ "Taiwan in Time: The evolution of Tomb Sweeping Day – Taipei Times". www.taipeitimes.com. 2020-04-05. Retrieved 2023-03-23.
Diambi ari "https://iba.wikipedia.org/w/index.php?title=Pengerami_Qingming&oldid=12102"