Pegi ngagai isi

Pengerami Bup Antarabansa Kuala Lumpur

Ari Wikipedia
Pengerami Bup Antarabansa Kuala Lumpur
Pesta Buku Antarabangsa Kuala Lumpur
Penemuai Pengerami Bup Antarabansa Kuala Lumpur 2022 ti diatur ba Palan Dagang Dunya Kuala Lumpur
StatusAktif
PenyuahNinting taun, suah ba Me tauka Jun
EndurPalan Dagang Dunya Kuala Lumpur (1991–2015, 2017–present)
Taman Ekspo Pengawa Betanam Betupi Malaysia Serdang (2016)
Ditumbuhka1981
DiaturMajlis Buku Kebangsaan Malaysia
Laman webklibf.my

Pengerami Bup Antarabansa Kuala Lumpur (PBAKL; Melayu: Pesta Buku Antarabangsa Kuala Lumpur) nya pengerami bup ninting taun ti diatur di Malaysia kenyau taun 1981.[1] Keterubah iya diatur ba endur-endur ti enda tetap nyentuk ke Palan Dagang Dunya Kuala Lumpur nyadi palan rasmi pengerami tu. Pengerami tu dikepunka Menteri Pelajar Malaysia nengah Majlis Buku Kebangsaan Malaysia (lit. 'Kunsil Bup Nasional Malaysia') enggau sukung ari bisnis lokal.

Sejarah

[edit | edit bunsu]

Pengudah taun 1972 ditukuka UNESCO nyadi Taun Bup Entarabansa, beleman pemandang litericha diatur pengeluar bup kena ngangkatka pengawa macha. Di Malaysia, pemandang beskala mit digaga kompeni pengeluar bup sechara individual ti betabur ba serata dunya nyentuk ke taun 1975.[2]

Maya taun 1976, Gerempung Pengeluar Bup Malaysia (MABOPA) meri perambu ngaga pengawa pemandang ti bepusat ungkup semua pengeluar bup di Malaysia dikena ngangkatka pemasar. "Pemandang Bup Nasional" baka ke dikumbai kelia udah nya diatur di Gempuru China Kuala Lumpur.[3]

Pengerami tu udah nya dikumbai "Pengerami Bup Malaysia" ba taun 1982, lalu dikelanchar enggau rasmi ba Dewan Tunku Canselor, Universiti Malaya. Pengudah nya, palan pengerami tu udah diubah ngagai Changkat Pavilion, Kuala Lumpur ba taun 1988.[4]

Ba taun 1991, pengerami tu udah diubah endur nyadi Palan Dagang Dunya Kuala Lumpur lalu udah nya diubah nama nyadi "Pengerami Bup Antarabansa Kuala Lumpur" ngambika ulih nampung pengawa pengeluar entarabansa dalam mekal bup ungkup pengawa nya.[5] Pengerami tu udah diatur dia kenyau ari nya, kelimpah ari taun 2016 ke alai pengawa nya diatur ba Taman Ekspo Pengawa Betanam Betupi Malaysia (MAEPS).[4] Pekara tu dikritik pengatur pengawa ketegal endur iya ngembuan akses ti enda manah ba perengka pengangkut sereta nadai perengka guna mensia mayuh.[6][7]

Penyampau penemuai ngagai PBAKL manggai ba tikas pemadu tinggi iya nya 2.4 juta iku ba taun 2014,[8] lalu dalam beberapa taun ke udah pemadu mimit 1 juta iku penemuai ngambi bagi ba pengawa tu ninting taun.[9]

2020-an

[edit | edit bunsu]

PBAKL enda diatur kena taun 2020 enggau 2021 ketegal pandemik COVID-19. Ba taun 2022, enda kurang ari 1.36 juta penemuai ngambi bagi ba pengerami tu, ngelui ari ti diadang dulu agi ari nya iya nya 700,000 iku penemuai.[10]

Pengawa ke-40 tu diatur berengkah ari 26 Me nyentuk 3 Jun 2023,[11] lalu dikelanchar enggau penatai menteri besai Anwar Ibrahim.[12] TikTok diripotka udah bejalaika tanggungpengawa ti beguna dalam ngelakuka palan nya ngagai rebak baru.[13][14] Bemacham kompeni pengeluar bup baka Oxford University Press, Elsevier, John Wiley mega ngambi bagi ba pengerami tu.[15]

Kereban sanding

[edit | edit bunsu]
  1. ↑ "PBAKL: Pesta buku antarabangsa atau Melayu-Islam?". Malaysia Now. 14 Jun 2022. Retrieved 24 April 2023.
  2. ↑ "25 tahun pesta buku KL". PTS. 28 March 2006. Retrieved 24 April 2023.
  3. ↑ "Ulat Buku Perlu Tahu, Ini Sejarah Pesta Buku Antarabangsa Kuala Lumpur". Siakap Keli. 16 November 2019. Retrieved 24 April 2023.
  4. ↑ 4.0 4.1 "Ulat Buku Perlu Tahu, Ini Sejarah Pesta Buku Antarabangsa Kuala Lumpur". Siakap Keli. 16 November 2019. Retrieved 24 April 2023.
  5. ↑ "Sejarah Pesta Buku Antarabangsa Kuala Lumpur (PBAKL)". Muka Surat. 2023. Archived from the original on 29 April 2023. Retrieved 24 April 2023.
  6. ↑ "Penganjur PBAKL 2016 perlu bermuhasabah". BH. 22 May 2016. Retrieved 24 April 2023.
  7. ↑ ""Kenapa tak buat kat KL?" – MAEPS Serdang Dipilih Lokasi PBAKL 2020, Netizen Pakat Bantah". Lobak Merah. 2020. Retrieved 24 April 2023.
  8. ↑ "PBAKL perlu pelbagaikan aktiviti pikat cita rasa peminat buku". BH. 8 May 2015. Retrieved 24 April 2023.
  9. ↑ Azman, Fareez (12 June 2022). "PBAKL 2022: 1.24 juta pengunjung dicatatkan dalam tempoh 10 hari". Astro Awani. Archived from the original on 29 May 2023. Retrieved 29 May 2023.
  10. ↑ Ahmad Suhael Adnan (12 Jun 2022). "PBAKL terima lebih 1.3 juta pengunjung". Berita Harian. Retrieved 29 May 2023.
  11. ↑ Majlis Buku Kebangsaan Malaysia (MBKM) (29 May 2023). "The official page of KLIBF". Kuala Lumpur International Book Fair. Archived from the original on 29 May 2023. Retrieved 29 May 2023.
  12. ↑ Bernama (27 May 2023). "PM Anwar urges younger generation to save the country with knowledge, reading culture". Selangor Journal. Archived from the original on 29 May 2023. Retrieved 29 May 2023.
  13. ↑ Latifah Arifin (28 May 2023). "PBAKL 2023 dapat sambutan luar biasa". Berita Harian. Retrieved 29 May 2023.
  14. ↑ Latifah Arifin. "PBAKL tampil negara, negeri dan kementerian tamu". Berita Harian. Retrieved 29 May 2023.
  15. ↑ Majlis Buku Kebangsaan Malaysia (MBKM) (29 May 2023). "International Exhibitors". Kuala Lumpur International Book Fair. Archived from the original on 29 May 2023. Retrieved 29 May 2023.

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Pengerami_Bup_Antarabansa_Kuala_Lumpur&oldid=18889"