Pengerami Baptisa Tuhan
| Pengerami Baptisa Tuhan | |
|---|---|
 | |
| Diintu | |
| Reti | Baptisa Jesus |
| Haribulan | Hari Minggu ti nangkanka Epipifani Tuhan; tauka lebuh Epifani diintu kena 7 tauka 8 Januari, Hari Satu nangkan ke nya |
| Bekaul enggau | Epifani |
Pengerami Baptisa Tuhan, tauka Teofani, nya hari pengerami ti ngingatka penyadi baptisa Jesus di Sungai Jordan ke digaga John Pemaptisa. Keterubah iya baptisa Kristus diintu ba hari Epifani, ti ngintu penatai Magi, baptisa Kristus, sereta tikah di Kana. Tang lama-lama di menua Barat, pengerami baptisa Tuhan nyau dikeingatka nyadi pengerami ti nyelai ari Epifani. Pengerami tu diintu dalam Gerija Katolik pia mega gerija-gerija Anglika enggau Lutheran ba hari Minggu keterubah nangkanka Epifani Tuhan Kitai. Sekeda gerija Lutheran ngintu pengerami tu kena Hari Minggu sebedau Lent, tauka Quinquagesima.
Pengintu dalam Gerija Kristian Timur
[edit | edit bunsu]Ba Gerija Ortodoks Timur enggau Katolik Timur, Pembaptisa Tuhan diintu nyadi sebagi ari pengerami kena 6 Januari, iya nya Pengerami Besai Teofani. Ngagai gerija ti nitihka kalendar Julius tradisional, 6 Januari labuh ba 19 Januari kalendar Gregorius moden.
Pengintu dalam Gerija Kristian Barat
[edit | edit bunsu]Gerija Katolik
[edit | edit bunsu]Pembaptisa Tuhan diperatika nyadi pengerami ti nyelai dalam ritus Rom, taja pan asal iya siti ari tiga iti pengawa Injil ti ditanda enggau pengerami Epifani. Udah lama pengudah pengabas Magi udah di Barat ngelamun elemen bukai ti dikeingatka dalam Epifani, Paus Pius XII numbuhka dalam taun 1955 pengawa ngingatka liturgi ti kediri pasal Baptisa.
Diatu, Pengerami Baptisa Tuhan selalu diintu Hari Minggu pengudah Epifani. Penyeliah iya nya lebuh Epifani diintu kena 7 tauka 8 Januari; tu ngasuh Baptisa diintu kena Hari Satu tekala nya pengudah Epifani.[1] Lebuh diintu kena Hari Minggu, Baptisa nya sebagi ari Maya Krismas, tang lebuh dipindahka ngagai Hari Satu iya labuh ba Maya Biasa.[2]
Sejarah
[edit | edit bunsu]Kalendar Tridentin nadai pengerami Baptisa Tuhan semak empat kurun. Udah nya pengerami nya ditumbuhka, ari baruh denominasyen “Pengenang Baptisa Tuhan kitai”, dikena ngintu kena 13 Januari nyadika dua kali besai, ngena ungkup Opis enggau Misa sida ti disebut sebedau tu ba Oktaf Epiphany, ti dipunaska Pius XII; taja pia, enti Pengerami Ngingatka Baptisa Tuhan Kitai nyadi kena Hari Minggu, Opis enggau Misa nya patut nyadi pengerami Pengerami Ruang Bilik Kudus ti nadai sebarang pengawa ngingatka.[3]
Dalam pengawa iya ti ngubah baru kalendar lima taun udah nya, Paus John XXIII mengkang kena 13 Januari “Pengenang Pembaptisa Tuhan kitai Jesus Kristus”, enggau pangkat pengerami kelas dua.
Semina 14 taun pengudah pengerami nya ditumbuhka, Paus Paul VI netapka haribulan iya nyadi Hari Minggu keterubah pengudah 6 Januari (penumu 7 Januari tauka laun 13 Januari) tauka, enti ba sesebengkah menua Epifani diintu kena Hari Minggu, 7 Januari tauka Hari Minggu, 8 Januari, kena Hari Satu, 8 Januari tauka Hari Satu, 9 Januari, sama-sama.[4]
Paus John Paul II ngepunka adat ke alai ba pengerami tu Paus maptisa anak mit ba Chapel Sistine.[5]
Gerija Lutheran
[edit | edit bunsu]Suba, Gerija Lutheran baka Gerija Kristian Barat bukai, ngingatka Pembaptisa Tuhan ba oktaf Hari Epifani.[6]
Kereban sanding
[edit | edit bunsu]- ↑ "Lectionary: Movable Feasts during the Christmas Season". catholic-resources.org. Retrieved 2024-09-09.
- ↑ "Universal Norms on the Liturgical Year, 33" (PDF). Retrieved June 18, 2018.
- ↑ Decree "Cum nostra hac aetate" (De rubricis ad simpliciorem formam redigendis) of 22 March 1955, in Acta Apostolicae Sedis 47(1955), pages 218–224, Title II: Changes in the calendar, 15–16
- ↑ Calendarium Romanum (Libreria Editrice Vaticana 1969), pp. 61 and 112
- ↑ "Universal Norms on the Liturgical Year, 33" (PDF). Retrieved June 18, 2018.
- ↑ Pfatteicher, Philip H. (2013). Journey into the Heart of God: Living the Liturgical Year. Oxford University Press. ISBN 978-0-19-999713-8.