Pegi ngagai isi

Pengarap ba Malaysia

Ari Wikipedia
Pengarap ba Malaysia (2020)[1]Templat:My10
  1. Islam 63.5 (63.4%)
  2. Buddha 18.7 (18.7%)
  3. Kristian 9.1 (9.09%)
  4. Hindu 6.1 (6.09%)
  5. Nadai pengarap 1.8 (1.80%)
  6. Pengarap ke bukai 0.9 (0.90%)
A Map of Malaysia showing religious statistics by state
Aku pengarap ti dominan ba Malaysia nitihka negeri dalam pengawa ngitung tubuh taun 2020:[2]
Gadung: majoriti orang Islam > 50%
Biru: majoriti orang Kristian > 50%

Islam nyadi pengarap rasmi menua Malaysia, nitihka Artikel 3 Konstitusyen. Berebak enggau nya, jalai pengarap bukai ulih dikemeranka peranak menua tu ke ukai Melayu.[3] Kelimpah ari nya, nitihka Artikel 160, orang mesti bepengarap Islam ngambika dianggap Melayu.[4] Naka Pengitung Penduduk enggau Pengawa Berumah 2020, 63.5 peratus ari penyampau tubuh ngemeranka pengarap Islam; 18.7 peratus pengarap Buddha; 9.1 peratus pengarap Kristian; 6.1 peratus pengarap Hindu; enggau 2.7 peratus pengarap bukai tauka nadai meri penerang. Lalu ke bukai nya dikira pengarap bukai, nyengkaum Animisme, Pengarap Asal, Pengarap Sikh, Pengarap Baháʼí enggau sistem pengarap bukai.[5][6][7] Negeri Sarawak enggau Pulau Pinang sereta kandang menua perintah besai Kuala Lumpur ngembuan majoriti ukai Islam.[2][8] Penyampau orang ti ngumbai diri ateis di Malaysia mimit laban ngelengka pengarap Islam ditagang ngagai orang Islam di Malaysia. Enggau nya, penyampau ke bendar orang ke enda arapka Petara tauka orang ke udah masuk pengarap baru di menua tu tusah deka ditemu ketegal takut ari dibuai tauka didawa.[9][10] Perintah udah kena kritik ari gerempung hak asasi mensia ketegal perintah ti diskriminasyen ngagai orang ti enda arapka Petara, enggau sekeda kaban kabinet madahka "pengelepas pengarap ukai pengelepas ari pengarap".[11][12]

Islam ba Malaysia diarika teologi Sunni versyen Shafi’i lalu pengawa sebarang tukuh pengarap bukai (baka Islam Syiah) balat disekat perintah.[13][14] Konstitusyen nyamin pengelepas pengarap seraya numbuhka Islam nyadi "pengarap Persekutuan" dikena melambangka pemesai guna iya ngagai mensia mayuh Malaysia.[13][14] Raban bansa China Malaysia ngemeranka mayuh macham pengarap: pengarap Buddha Mahayana, pengarap tradisional China (nyengkaum Pengarap Tao), enggau pengarap Buddha Theravada (begulai enggau bansa Siam, Burma, Sinhala enggau India). Pengarap Hindu dikemeranka majoriti raban bansa India Malaysia. Pengarap Kristian udah negapka diri ba sekeda komuniti, kelebih agi di Malaysia Timur.

Kaul entara Islam enggau pengarap bukai di menua tu ba atur ke sebaka chukup bebatak asur, taja pan kaban pengarap ke bebida endang bisi kaul diri ke lebih homogen, kelebih agi bepelasarka etnik enggau pengarap.[15] Hari Raya, Wesak, Krismas, Taun Baru China, enggau Deepavali udah dipadahka nyadi hari kemisi rama nasional. Bansa, pengarap enggau politik endang rat bekaul di Malaysia, lalu mayuh macham raban udah ditumbuhka dikena nguji ngangkatka pemereti ati ba pengarap entara raban ti bebida.

Kereban sanding

[edit | edit bunsu]
  1. ↑ "Taburan Penduduk dan Ciri-ciri Asas Demografi" (PDF). Jabatan Perangkaan Malaysia. p. 82. Archived from the original (PDF) on 13 November 2013. Retrieved 25 Mac 2019.
  2. ↑ 2.0 2.1 "Department of Statistics Malaysia Official Portal".
  3. ↑ Constitution of Malaysia:Article 3-1
  4. ↑ Constitution of Malaysia:Article 160-1
  5. ↑ "Malaysia". United States Department of State (in Inggeris AS). Retrieved 2023-07-21.
  6. ↑ "Taburan Penduduk dan Ciri-ciri Asas Demografi" (PDF). Jabatan Perangkaan Malaysia. p. 82. Archived from the original (PDF) on 13 November 2013. Retrieved 25 Mac 2013.
  7. ↑ "Population Distribution and Basic Demographic Characteristic Report 2010 (Updated: 05/08/2011)". Department of Statistics, Malaysia. Retrieved 11 March 2017.
  8. ↑ "Malaysia Christians pray for peace, equality, freedom - UCA News".
  9. ↑ Chen, Heather (2 April 2021). "Renouncing Islam in Malaysia Is Dangerous. We Spoke to Those Who Did It". Vice (in Inggeris). Archived from the original on 2 April 2021. Retrieved 18 May 2023.
  10. ↑ "2022 Report on International Religious Freedom: Malaysia". US Department of State.
  11. ↑ "Putrajaya: Freedom of religion does not equal freedom from religion". 2017-11-23. Retrieved 2018-03-10.
  12. ↑ Robert Evans (9 December 2013). "Atheists face death in 13 countries, global discrimination: study". Reuters.
  13. ↑ 13.0 13.1 Ambiga Sreenevasan (18 July 2007). "PRESS STATEMENT: Malaysia a secular State". The Malaysian Bar. Retrieved 11 March 2017.
  14. ↑ 14.0 14.1 Wu & Hickling, p. 35.
  15. ↑ "Racism has poisoned Malaysian politics for far too long". The National (in Inggeris). 26 November 2018. Retrieved 21 April 2019.
Diambi ari "https://iba.wikipedia.org/w/index.php?title=Pengarap_ba_Malaysia&oldid=14146"