Pegi ngagai isi

Pengarap ba Kenya

Ari Wikipedia
Pengarap ba Kenya (2019)[1]
  1. Protestan (33.4%)
  2. Katolik (20.6%)
  3. Evangelikal (20.4%)
  4. Gerija ti ditumbuhka ba Afrika (7%)
  5. Kristian ke bukai (4.1%)
  6. Islam (10.9%)
  7. Pengarap ke bukai (1.8%)
  8. Nadai pengarap/Enda dipadah (1.8%)
Katedral Roh Kudus, Mombasa

Pengarap Kristian nyadi pengarap ke dominan di Kenya, dipegai dipelabaka 85.5% ari semua penyampau tubuh. Islam nyadi pengarap kedua pemadu besai di Kenya, lalu dikemeranka 10.9 peratus rayat Kenya. Pengarap bukai ti dikemeranka di Kenya iya nya Baháʼí, Buddha, Hindu enggau pengarap asal.

Kenya nyadi sebengkah menua sekular lalu pengelepas pengarap udah ditulis dalam konstitusyen menua nya. Hari Krismas enggau Ista diaku nyadi hari kemisi rama.[2]

Statistik

[edit | edit bunsu]

Nitihka penyampau Pengitung Tubuh ari taun 2009 enggau 2019:[3] Pengarap Kristian tumbuh 2.2% seraya Islam nurun 0.35%.

Penyampau ngitung tubuh

[edit | edit bunsu]
Pengarap ba Kenya nitihka Pengawa Ngitung Penyampau Tubuh[4]
Agama 2009 2019
Protestan 48% 33.42%
Katolik 23.46% 20.6%
Evangelikal – 20.44%
Islam 11.21% 10.86%
Gerija-gerija ti ditumbuhka Afrika – 6.97%
Orang Kristian ti bukai 11.87% 3.67%
Nadai Pengarap 2.4% 1.6%
Pengarap ke Bukai 1.45% 0.99%
Pengarap Asal 1.65% 0.68%
Ortodoks – 0.43%
Hindu 0.14% 0.13%
Buddha 0.16% 0.16%
Penyampau 100% 100%

Pengarap Kristian

[edit | edit bunsu]
Mgr. Zacchaeus Okoth

Roman Katolik nyadi denominasyen Kristian tunggal ke pemadu besai di Kenya.[5] Kenya ngembuan urung 10 juta iku orang ke bepengarap Roman Katolik. Pengarap Roman Katolik keterubah iya dibai orang Portugis ngagai Kenya dalam kurun kelima belas, lalu ngerembai enggau jampat maya abad ke-20 ketegal bala indu misi. Ba taun 2019, Gerija Roman Katolik nyadi 20.6% ari penyampau tubuh, urung 9.7 juta iku peranak Kenya. Dalam taun ke sama, lebih 30% rayat Kenya dikelala nyadi Protestan, 20% dikelala nyadi Evangelikal, lalu 7% dikelala nyadi kaban gerija ke ditumbuhka Afrika.

Denominasyen Protestan tauka Evangelikal nyengkaum Gerija Anglikan Kenya, Misi Dalam Menua Afrika, Gerija Advent Hari Ketujuh, Gerija Presbiterian Afrika Timur, Gerija Lutheran Evangelikal ba Kenya (ELCK)[6] (enggau Gerija Evangelikal Lutheran Kenya (KELC) ke mit agi[7]), enggau Konvensyen Baptis Kenya entara ke bukai.

Gerija Ortodoks Timur ngembuan lebih 200,000 iku kaban[8] lalu nyadika Gerija Ortodoks ketiga pemadu besai di Afrika Sub-Sahara (pengudah Gerija Tewahedo Ortodoks Etiopia enggau Gerija Tewahedo Ortodoks Eritrea). Dalam taun 2016 dua bengkah diosis baru ditumbuhka dalam Diosis Besai Ortodoks Kenya, iya nya Diosis Nyeri enggau Gunung Kenya, sereta mega Diosis Kisumu enggau Kenya Barat, kededua nya dipegai Diosis Besai Nairobi ke udah betuaika Bishop Besai Makarios (Tillyrides)[9] kenyau taun 2001.

Pengarap Islam

[edit | edit bunsu]

Islam nyadi pengarap ti dipegai 10.91% ari penyampau tubuh. Tebal agi orang Islam di Kenya nya Sunni, ke tebal agi ari mazhab undang-undang Shafii. Kira-kira 8% ari sida nya orang Islam ukai denominasyen,[10] 7% madahka diri Syiah lalu urung 4% madahka diri orang Islam Ahmadi,[11] pia mega sebagi mit ari pengarap Ibadi.[12] Orang Islam tebal agi ba Kandang Menua Pesisir enggau Timur Laut. Nairobi ngembuan beberapa iti masjid enggau penyampau tubuh Islam ke tebilang. Bisi populasyen ke besai sereta bisi reti sejarah ari orang Islam Swahili ba tebing tasik (pemadu tebilang di Mombasa, Lamu enggau Malindi), ba Kandang Menua Barat, lalu penyampau ke mit agi ari orang Islam Somalia, Arab enggau Asia Selatan.

Pengarap Hindu

[edit | edit bunsu]
Kuil pengarap Hindu di Nairobi.

Bisi etnik Hindu Gujarati diau di Kenya.[13][14][15] Penyampau nya dipelabaka urung 60,287 iku tauka 0.13% ari penyampau tubuh. Sida tu mayuh diau ba indu nengeri Kenya, Nairobi, enggau kandang mengeri bukai baka Mombasa, Eldoret, Thika, enggau Kisumu.

Nadai pengarap

[edit | edit bunsu]

Dalam Pengawa Ngitung Penyampau Tubuh 2019, 755,750 iku orang ngeriputka diri "nadai pengarap". Tu 1.6% ari penyampau semua, lalu nyadika raban tu besai agi ari raban ti ngeriputka diri nyadi orang ti bepengarap tradisional, Hindu, tauka pengarap bukai. 73,253, 0.16%, madahka diri enda nemu pengarap diri. Bisi stigma ngagai orang ke enda arapka Petara di Kenya.[16][17] Pansik Gallup ti dipejalaika dalam taun 2012 tetemuka 90% rayat Kenya ngumbai diri "orang ti bepengarap", 9% ngumbai diri "orang ti ukai bepengarap", lalu 1% meri definisyen diri "orang ti pechaya Petara", ti ngengkahka Kenya ba 10 populasyen pengarap ti pemadu tinggi dalam dunya.[18]

Pengarap Buddha

[edit | edit bunsu]

Kenyau ari taun 1999,[19] pengarap Buddha udah ngerembai ba Kenya. Bisi lebih 1000 iku orang ke megai pengarap Buddha di Kenya. Pengarap Buddha mega siti ari pengarap ti pemadu jampat[20] mansang di Kenya.

Pengarap Baháʼí

[edit | edit bunsu]

Pengarap Baháʼí bisi ba menua Kenya kenyau ari taun 1945, nyauka 1% ari penyampau tubuh nitihka pengarap tu.[21][22][23] Dalam taun 1990-an raban Baháʼí di Kenya ngambi bagi dalam projek pengerai komuniti di serata menua nyengkaum pengawa meri vaksin, ngintu jamban, sereta ngemansangka pun penatai ai beresi.[24]

Kereban sanding

[edit | edit bunsu]
  1. ↑ 2019 Kenya Population and Housing Census Volume IV: Distribution of Population by Socio-Economic Characteristics (PDF). Kenya National Bureau of Statistics. pp. 12, 422. Retrieved 2 May 2021. The terms used in the pie chart are those used in the Census. Other Christian includes Orthodox; Other religion includes Hindu and Traditionalists as well as the Census category "Other religion".
  2. ↑ "Kenyan Embassy Berlin: Public Holidays in Kenya". kenyaembassyberlin.de. Retrieved 2024-01-30.
  3. ↑ "Population by religion, sex and urban/rural residence". UN Data. Retrieved 9 December 2021.
  4. ↑ Kenya Census (PDF).
  5. ↑ "Kenya: population by religious groups". Statista (in Inggeris). Retrieved 2024-10-01.
  6. ↑ "Kenya (ELCK)". International Lutheran Council. Retrieved 24 June 2022.
  7. ↑ "Kenya Evangelical Lutheran Church". The Lutheran World Federation (in Inggeris). 13 September 2013. Retrieved 24 June 2022.
  8. ↑ 2019 Kenya Population and Housing Census Volume IV: Distribution of Population by Socio-Economic Characteristics page 422.
  9. ↑ Enthronement of Bishops in Kenya - May 2016.
  10. ↑ "Chapter 1: Religious Affiliation". The World’s Muslims: Unity and Diversity. Pew Research Center's Religion & Public Life Project. 9 August 2012. Retrieved 4 September 2013.
  11. ↑ "The World's Muslims: Unity and Diversity" (PDF). Pew Forum on Religious & Public life. 9 August 2012. Retrieved 2 April 2014.
  12. ↑ Prevost, Virginie.
  13. ↑ "Gujarat's romance with East Africa many centuries old". The Times of India. 2013-09-24. ISSN 0971-8257. Retrieved 2024-01-30.
  14. ↑ "A New View of Kenya's 'Asians'". www.washingtonpost.com. Retrieved 2024-01-30.
  15. ↑ "Celebrating 25 years of 'Gujarati-ness' in Nairobi". The Times of India. 2018-03-31. ISSN 0971-8257. Retrieved 2024-01-30.
  16. ↑ "The rise of atheism in modern Kenya". Daily Nation. Kenya. Retrieved 2013-07-05.
  17. ↑ "Why We Don't Believe in God". The Star. Retrieved 2013-08-23.
  18. ↑ "Global Index of Religion and Atheism" (PDF). Archived from the original (PDF) on 12 August 2012. Retrieved 10 October 2013.
  19. ↑ "Home Page | Nairobi Buddhist Temple". nairobibuddhisttemple.org. Retrieved 2015-11-10.
  20. ↑ "How's Buddhism spreading in Africa?". dharmalib.net. Retrieved 2015-11-10.
  21. ↑ The ARDA website, retrieved 2023-08-08
  22. ↑ "WCC > Member churches > Regions > Africa > Kenya". World Council of Churches. 2008. Archived from the original on 11 March 2008. Retrieved 2008-04-06.
  23. ↑ US State Department (2007). "Background Note: Kenya". The Office of Electronic Information, Bureau of Public Affair. Retrieved 2008-04-06.
  24. ↑ Community health workers in Kenya stir broad changes Volume 7, Issue 4 March - January 1996

Bacha ke silik agi

[edit | edit bunsu]

Laman web ke bukai

[edit | edit bunsu]
Diambi ari "https://iba.wikipedia.org/w/index.php?title=Pengarap_ba_Kenya&oldid=14184"